ວັນພຸດ, ວັນທີ 04 ທັນວາ 2024
ວປກ ຈັດຕັ້ງພິທີເຄົາລົບທຸງຊາດປະຈຳເດືອນ ພຶດສະພາ
ເວລາອອກຂ່າວ: 2024-05-07 13:58:55 | ຜູ້ຂຽນ : admin2 | ຈຳນວນຄົນເຂົ້າຊົມ: 1216 | ຄວາມນິຍົມ: 
ວັນທີ 06 ພຶດສະພາ 2024 ນີ້, ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ຈັດຕັ້ງພິທີເຄົາລົບທຸງຊາດປະຈຳເດືອນ ພຶດສະພາຂຶ້ນ ໂດຍການເປັນປະທານຂອງ ສະຫາຍ ພົນຈັດຕະວາ ປອ ສົງກາ ບຸນຄຸນ ຮອງຫົວໜ້າການທະຫານ ຫົວໜ້າກົມອົບຮົມ-ກໍ່ສ້າງ ວິທະຍາຄານປ້ອງກັນຊາດ ໄກສອນ ພົມວິຫານ, ມີຄະນະພັກ-ຄະນະບັນຊາ, ມີບັນດາກົມ, ຫ້ອງການ, ຄະນະວິຊາຄູ, ພະນັກງານ-ນັກຮົບ ແລະ ນັກສຶກສາທົ່ວວິທະຍາຄານ ເຂົ້າຮ່ວມ.
ໃນພິທີ ສະຫາຍ ພົນຈັດຕະວາ ປອ ສົງກາ ບຸນຄຸນ ກໍໄດ້ຜ່ານບົດລາຍງານໂດຍຫຍໍ້ ການຈັດຕັ້ງປະຕິບັດເຄື່ອນໄຫວວຽກງານພາຍໃນ 1ເດືອນຜ່ານມາ ແລະ ວາງທິດທາງແຜນການເດືອນຕໍ່ໜ້າ, ເປັນຕົ້ນ ສະຫາຍໄດ້ຍົກໃຫ້ເຫັນດ້ານດີ ແລະ ດ້ານຄົງຄ້າງໃນການປະຕິບັດໜ້າທີ່ວຽກງານຕ່າງໆ ຂອງກົມກອງໃນໄລຍະຜ່ານມາ ພ້ອມທັງໄດ້ເນັ້ນໜັກໃຫ້ເອົາໃຈໃສ່ເພີ່ມທະວີສຶກສາອົບຮົມການເມືອງແນວຄິດໃຫ້ ພະນັກງານ-ນັກຮົບເຊື່ອມຊຶມແນວທາງນະໂຍບາຍ, ມະຕິຄຳສັ່ງຂອງຂັ້ນເທິງໃຫ້ທົ່ວເຖິງ, ເລິກເຊິ່ງ ແລະ ທັນກັບສະພາບການ, ສືບຕໍ່ແຜນການກະກຽມດໍາເນີນກອງປະຊຸມໃຫຍ່ ຄັ້ງທີV ຂອງຄະນະພັກ ວິທະຍາຄານປ້ອງກັນຊາດ ໄກສອນ ພົມວິຫານ ພາຍໃນ ວປກ ໃຫ້ສຳເລັດຕາມແຜນການ, ກະກຽມກວດກາສອບເສັງນັກສຶກສາເລື່ອນຊັ້ນ-ປ້ອງກັນບົດນັກສຶກສາທີ່ຈະຈົບ ສົກຮຽນ 2023-2024, ຊ້ອມຮົບປະຈຳປີ 2024 ແລະ ກະກຽມຕ້ອນຮັບຄະນະນຳທະຫານເຂດ 7 ສສ ຫວຽດນາມ ມາຢ້ຽມຢາມເຮັດວຽກຢູ່ ວປກ. ສືບຕໍ່ປັບປຸງໂຄງການຫຼັກສູດ, ເນື້ອໃນຕຳລາຮຽນ, ແບບແຜນການຮຽນ-ການສອນ, ການຄຸ້ມຄອງຄວບຄຸມແຜນການ ແລະ ປະຕິບັດແຜນການອົບຮົມຫັດແອບໃຫ້ເປັນລະບົບ, ຮັບປະກັນໄດ້ຄຸນນະພາບ, ສືບຕໍ່ກວດກາການເຂົ້າ-ອອກຄ້າຍ, ລະບຽບການນຸ່ງຖື, ລະບຽບບຸກຄົນຕາມຄຳສັ່ງ ແລະ ແຈ້ງການຂອງຫົວໜ້າກົມໃຫຍ່ເສນາທິການກອງທັບ. ທັ້ງນີ້ ກໍເພື່ອປະຕິບັດຕາມລະບຽບການເຄົາລົບທຸງປະຈຳເດືອນ ທີ່ຂັ້ນເທິງໄດ້ກຳນົດໄວ້ ໃຫ້ມີຄວາມເຂັ້ມແຂງ, ປະຕິບັດດ້ານລະບຽບວິໄນຕາມ 7 ລະບອບ 18 ວຽກ ຂອງກອງທັບ, ຈາກນັ້ນກໍ່ໄດ້ຮັບຊົມ ການເດີນສວນສະໜາມ ກ້ອນກຳລັງຂອງພະນັກງານ, ຄູ-ອາຈານ, ນັກສຶກສາ ແລະ ກ້ອນສະຫະພັນແມ່ຍິງ ທົ່ວ ວິທະຍາຄານປ້ອງກັນຊາດ ໄກສອນ ພົມວິຫານ.
ຂ່າວ-ພາບ: ເຂັງພອນ ແກ້ວຄໍາລຽງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
