ວັນສຸກ, ວັນທີ 06 ທັນວາ 2024
ຄະນະນຳ ວປກ ອວຍພອນຫ້ອງການທີ່ປຶກສາທູດຝ່າຍທະຫານ ສ. ຣັດເຊຍ ປະຈຳລາວ
ເວລາອອກຂ່າວ: 2024-05-08 10:38:16 | ຜູ້ຂຽນ : admin2 | ຈຳນວນຄົນເຂົ້າຊົມ: 1183 | ຄວາມນິຍົມ: 
ໃນວັນທີ7 ພຶດສະພາ 2024 ນີ້, ຄະນະນໍາ ວິທະຍາຄານປ້ອງກັນຊາດ ໄກສອນ ພົມວິຫານ ເຊິ່ງນໍາໂດຍ ສະຫາຍ ພົນຈັດຕະວາ ປອ ສົງກາ ບຸນຄຸນ ຮອງຫົວໜ້າການທະຫານ, ຫົວໜ້າກົມອົບຮົມກໍ່ສ້າງ ວປກ ພ້ອມດ້ວຍຄະນະ, ໄດ້ນໍາເອົາກະຕ່າດອກໄມ້ ແລະ ກະຕ່າຂອງຂວັນ ເຂົ້າອວຍພອນ ສະຫາຍ ພັນເອກ ອານເດຣ ລີຄາເຊັບ ປີໂຕຣວິດ ຫົວໜ້າຫ້ອງການທີ່ປຶກສາທູດຝ່າຍທະຫານ ສະຫະພັນຣັດເຊຍ ປະຈຳລາວ ເນື່ອງໃນໂອກາດ ວັນໄຊຊະນະມະຫາສົງຄາມປ້ອງກັນປິຕຸພູມຂອງ ປະຊາຊົນ ຣັດເຊຍ ຄົບຮອບ 79 ປີ (1945-2024).
ໂອກາດດັ່ງກ່າວ, ສະຫາຍ ພົນຈັດຕະວາ ປອ ສົງກາ ບຸນຄຸນ ໄດ້ກ່າວອວຍພອນ ສະຫາຍ ທີ່ປຶກສາທູດຝ່າຍທະຫານ ສະຫະພັນ ຣັດເຊຍພ້ອມຄະນະ ຈົ່ງມີສຸຂະພາບແຂງແຮງ, ປະສົບຜົນສຳເລັດໃນໜ້າທີ່ອັນມີກຽດຂອງສະຫາຍ, ອວຍພອນໃຫ້ການຮ່ວມມືລະຫວ່າງສອງຊາດ, ສອງກອງທັບ ລາວ-ຣັດເຊຍ ຈົ່ງໝັ້ນຄົງ ແລະ ຫັນເຂົ້າສູ່ລວງເລິກຍິ່ງຂຶ້ນ.
ຈາກນັ້ນ, ສະຫາຍ ພັນເອກ ອານເດຣ ລີຄາເຊັບ ປີໂຕຣວິດ ຫົວໜ້າຫ້ອງການທີ່ປືກສາທູດຝ່າຍທະຫານ ສ ຣັດເຊຍ ປະຈຳລາວ ກໍໄດ້ສະແດງຄວາມຂອບໃຈຕໍ່ຄະນະນຳ ວປກ ພ້ອມຄະນະ ທີ່ເຫັນໄດ້ຄວາມໝາຍຄວາມສຳຄັນ ຕໍ່ວັນໄຊຊະນະມະຫາສົງຄາມປ້ອງກັນປິຕຸພູມຂອງປະຊາຊົນຣັດເຊຍ ພ້ອມທັງອວຍພອນ ໃຫ້ ຄະນະນໍາ ວປກ ຈົ່ງມີສຸຂະພາບແຂງແຮງ ແລະ ເຮັດສໍາເລັດໜ້າທີ່ການເມືອງ, ສືບຕໍ່ຮັດແໜ້ນຄວາມສາມັກຄີ ລະຫວ່າງ ສອງຊາດ-ສອງກອງທັບລາວ-ຣັດເຊຍ, ຣັດເຊຍ-ລາວ ໃຫ້ນັບມື້ນັບແໜັນແຟ້ນຍິ່ງໆຂຶ້ນ.
ພາບ-ຂ່າວ: ສາວີວັນ ວົງຄຳຊາວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
