ວັນອັງຄານ, ວັນທີ 03 ທັນວາ 2024
ພະແນກພະລັງງານ ແລະ ບໍ່ແຮ່ມອບເຄື່ອງໄຟຟ້າພະລັງງານແສງຕາເວັນໃຫ້ກອງບັນຊາການທະຫານແຂວງຫຼວງພະບາງ
ເວລາອອກຂ່າວ: 2024-05-08 10:39:53 | ຜູ້ຂຽນ : admin2 | ຈຳນວນຄົນເຂົ້າຊົມ: 1105 | ຄວາມນິຍົມ: 
ຕອນເຊົ້າວັນທີ7 ພຶດສະພາ 2024 ນີ້, ຢູ່ທີ່ຫ້ອງຮັບແຂກກອງບັນຊາການທະຫານແຂວງຫຼວງພະບາງ, ທ່ານ ມີໄຊກອນ ວິໄລຫົງ ຮອງຫົວໜ້າພະແນກພະລັງງານ ແລະບໍ່ແຮ່ແຂວງຫຼວງພະບາງ ໄດ້ນຳເອົາເຄື່ອງຜະລິດໄຟຟ້າພະລັງງານແສງຕາເວັນ (ໂຊລາເຊວ) ຈຳນວນ 2 ຊຸດ, ຂະໜາດ 300 ວັດ, ມູນຄ່າ 9.756.800 ກີບ, ມາມອບໃຫ້ກອງບັນຊາການທະຫານ ແຂວງຫຼວງພະບາງ ເພື່ອປະກອບສ່ວນຊຸກຍູ້ເຂົ້າໃນການປັບປຸງກໍ່ສ້າງກົມກອງທີ່ຢູ່ເຂດທຸລະການດານຫ່າງໄກສອກຫຼີກອໍານວຍຄວາມສະດວກໃຫ້ແກ່ພະນັກງານ -ນັກຮົບທີ່ພວມເຄື່ອນໄຫວປະຕິບັດໜ້າທີ່ປ້ອງກັນເຂດນໍ້າແດນດິນຊາຍແດນ ໃຫ້ມີຄວາມສະດວກສະບາຍວ່ອງໄວທັນສະໄໝ, ໂດຍແມ່ນ ສະຫາຍ ພົນຈັດຕະວາ ສີວິໄຊ ເພັງສັນຕິສຸກ ກໍາມະການພັກແຂວງ ຫົວໜ້າການເມືອງກອງບັນຊາການທະຫານແຂວງຫຼວງພະບາງ, ເປັນຜູ້ກ່າວຮັບ, ພ້ອມທັງກ່າວສະແດງຄວາມຂອບໃຈ ແລະ ຕີລາຄາສູງມາຍັງ ທ່ານ ມີໄຊກອນ ວິໄລຫົງ ຮອງຫົວໜ້າພະແນກພະລັງງານ ແລະ ບໍ່ແຮ່ທີ່ໄດ້ນໍາເອົາເຄື່ອງໄຟຟ້າແສງອາທິດມາມອບໃນຄັ້ງນີ້, ເຊິ່ງເປັນການປະກອບສ່ວນອັນສຳຄັນເຂົ້າໃນວຽກງານລວມຂອງກອງບັນຊາການທະຫານແຂວງ ແລະ ພ້ອມທັງໃຫ້ຄໍາໝັ້ນສັນຍາວ່າ: ຈະນໍາເອົາວັດຖຸທີ່ໄດ້ຮັບໃນຄັ້ງນີ້ໄປມອບໃຫ້ບັນດາກົມກອງທີ່ຫຍຸ້ງຍາກຂາດເຂີນຈໍາເປັນຕ້ອງໃຊ້ພະລັງງານໄຟຟ້າ, ໂດຍສະເພາະແມ່ນຂອບເຂດກົມກອງທີ່ເຄື່ອນໄຫວປະຕິບັດໜ້າທີ່ຢູ່ເຂດຊາຍແດນ, ເພື່ອໃຫ້ເກີດຜົນປະໂຫຍດສູງສຸດແກ່ສ່ວນລວມ. ໂອກາດນີ້, ສະຫາຍຫົວໜ້າການເມືອງກອງບັນຊາການທະຫານແຂວງ ຍັງໄດ້ມອບໃບສົມມະນາຄຸນໃຫ້ແກ່ ທ່ານຮອງຫົວໜ້າພະແນກພະລັງງານ ແລະ ບໍ່ແຮ່ແຂວງ ໂດຍສ່ອງໜ້າຄະນະທັງສອງຝ່າຍເຂົ້າຮ່ວມ.
ຂ່າວ: ວັນນະແສງ ຄຸນທະຈັກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
