ວັນສຸກ, ວັນທີ 06 ທັນວາ 2024
ປຶກສາຫາລືວຽກງານການແພດໃນໂຄງການຮ່ວມມືຝຶກຊ້ອມຂະບວນລົດໄຟສັນຕິພາບລາວ-ຈີນ ປີ 2024
ເວລາອອກຂ່າວ: 2024-05-13 13:03:13 | ຜູ້ຂຽນ : admin2 | ຈຳນວນຄົນເຂົ້າຊົມ: 1045 | ຄວາມນິຍົມ: 
ໃນຕອນເຊົ້າຂອງວັນທີ9 ພຶດສະພາ 2024, ຄະນະຜູ້ແທນກອງທັບປົດປ່ອຍປະຊາຊົນຈີນ ນຳໂດຍ ສະຫາຍ ພັນເອກ ພິເສດ ຈ່າວຊົ່ງ ຮອງຫົວໜ້າກົມເສນາຮັກ-ກົມຮັບປະກັນພະລາທິການ-ກອງທັບປົດປ່ອຍປະຊາຊົນຈີນ ໄດ້ເຂົ້າພົບປະແລກປ່ຽນ ແລະ ຢ້ຽມຢາມໂຮງໝໍສູນກາງ103 ກອງທັບປະຊາຊົນລາວ ໂດຍການຕ້ອນຮັບຂອງ ສະຫາຍ ພົນຈັດຕະວາ ຄໍາແພງ ພູມມາແກ້ວ ຫົວໜ້າກົມເສນາຮັກ ກົມໃຫຍ່ພະລາທິການກອງທັບປະຊາຊົນລາວ, ມີຄະນະກົມເສນາຮັກ, ຄະນະພັກ-ຄະນະບັນຊາໂຮງໝໍສູນກາງ103 ກອງທັບປະຊາຊົນລາວ, ຄະນະຊ່ຽວຊານ ສປ ຈີນ ຊຸດທີx ປະຈໍາໂຮງໝໍສູນກາງ103 ກອງທັບເຂົ້າຮ່ວມ.
ການພົບປະທັງສອງຝ່າຍໃນຄັ້ງນີ້, ໄດ້ພົບປະ ແລະ ແລກປ່ຽນກ່ຽວກັບແຜນການຮ່ວມມືຝຶກຊ້ອມຂະບວນລົດໄຟສັນຕິພາບລາວ-ຈີນເພື່ອກະກຽມຄວາມພ້ອມທາງດ້ານໂຄງຮ່າງແຜນງານ, ດ້ານອຸປະກອນການແພດ, ຢາ ແລະ ກໍາລັງພົນໃນການຮັບໃຊ້ການຝຶກຊ້ອມໃຫ້ສອດຄ່ອງກັບສະພາບການຕົວຈິງໃນເບື້ອງຕົ້ນ. ນອກນີ້, ຍັງໄດ້ແລກປ່ຽນໃນຫຼາຍບັນຫາ ໂດຍສະເພາະແມ່ນວຽກງານການປິ່ນປົວ ເພື່ອຮັບໃຊ້ພໍ່ແມ່ປະຊາຊົນ, ນາຍ ແລະ ພົນທະຫານຕະຫຼອດເຖິງພະນັກງານທຸກອົງການ ໃຫ້ສາມາດຮັບປະກັນປະສິດທິພາບ ແລະ ປະສິດທິຜົນໃນໄລຍະການປະຕິບັດຮ່ວມມືໂຄງການຂະບວນລົດໄຟສັນຕິພາບລາວ-ຈີນ ໃຫ້ເກີດຜົນສໍາເລັດອັນຈົບງາມ.
ໃນຕອນທ້າຍ, ສະຫາຍ ພົນຈັດຕະວາ ຄໍາແພງ ພູມມາແກ້ວ ໄດ້ມີຄໍາເຫັນຕໍ່ການຢ້ຽມຢາມຂອງຄະນະຜູ້ແທນກອງທັບປົດປ່ອຍປະຊາຊົນຈີນວ່າ: ການເຕີບໃຫຍ່ຂະຫຍາຍຕົວຂອງໂຮງໝໍສູນກາງ103 ກອງທັບປະຊາຊົນລາວ ແມ່ນໄດ້ຮັບການຊ່ວຍເຫຼືອຂອງ ສປ ຈີນ ນັບແຕ່ພື້ນຖານໂຄງລ່າງ, ເຕັກນິກວິຊາການຈົນເຖິງບຸກຄະລາກອນ ແພດ-ໝໍ, ເຊິ່ງໄດ້ຍ້ອງຍໍຊົມເຊີຍກອງທັບປົດປ່ອຍປະຊາຊົນຈີນທີ່ໄດ້ມີຄວາມເປັນຫ່ວງເປັນໃຍໃຫ້ການຊ່ວຍເຫຼືອຕະຫຼອດມາ, ປັດຈຸບັນຍັງປາສະຈາກບໍ່ໄດ້ເຖິງຄວາມຫຍຸ້ງຍາກອີກຫຼາຍດ້ານ ແຕ່ຢ່າງໃດກໍຕາມເຫຼົ່າຮົບເສນາຮັກກໍຈະສູ້ຊົນຮັບໃຊ້ ປະຊາຊົນ ແລະ ພັດທະນາໂຮງໝໍສູນກາງ ພາຍໃຕ້ການຮ່ວມມື ແລະ ຊ່ວຍເຫຼືອຂອງ ສປ ຈີນ ໃຫ້ມີຄວາມເຕີບໃຫຍ່ເຂັ້ມແຂງຂຶ້ນໄປເທື່ອລະກ້າວ.
ຂ່າວ: ໂຊກທະວີ ແກ້ວບຸດຕະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
