ວັນພະຫັດ, ວັນທີ 05 ທັນວາ 2024
ພິທີມອບ-ຮັບລົດຈັກ ແລະ ເຄື່ືອງອຸປະກອບຮັບໃຊ້ຫ້ອງການໃຫ້ກອງບັນຊາການທະຫານແຂວງບໍ່ແກ້ວ
ເວລາອອກຂ່າວ: 2024-05-13 13:20:34 | ຜູ້ຂຽນ : admin2 | ຈຳນວນຄົນເຂົ້າຊົມ: 1663 | ຄວາມນິຍົມ: 
ໃນວັນທີ10 ພຶດສະພາ 2024 ນີ້, ບໍລິສັດຮວຍຍີນກໍ່ສ້າງເຄຫະສະຖານຈຳກັດຜູ້ດຽວ ໄດ້ມອບລົດຈັກ ຈຳນວນ 3ຄັນ ແລະ ຄອມພີວເຕີ ຈຳນວນ 3ຊຸດ ລວມມູນຄ່າທັງໜົດ: 167.320.000 ກີບ ແລະ ໂຮງງານ ຢາງພາລາ ລາວ-ຈີນ ເຊີນຊິງ ຈຳກັດຜູ້ດຽວ ໄດ້ຊ່ວຍເຫຼືອເຄື່ອງ ຮັບໃຊ້ຫ້ອງການ ຄິດເປັນມູນຄ່າທັງໜົດ 26.650.000 ກີບ ໃຫ້ກອງບັນຊາການທະຫານແຂວງບໍ່ແກ້ວ, ທ່ານ ຈ່າງຮວຍຍີນ ເປັນຜູ້ກ່າວມອບຕາງໜ້າໃຫ້ ບໍລິສັດຮວຍຍີນກໍ່ສ້າງ ຈຳກັດຜູ້ດຽວ ແລະ ໂຮງງານ ຢາງພາລາ ລາວ-ຈີນ ເຊີນຊິງ ຈຳກັດຜູ້ດຽວ ແລະ ກ່າວຮັບໂດຍ: ສະຫາຍ ພົນຈັດຕະວາ ບຸນມີ ພາມີໄຊ ຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງບໍ່ແກ້ວພ້ອມດ້ວຍຄະນະ ຮ່ວມເປັນສັກຂີພິຍານ. ໂອກາດດຽວກັນນີ້ ທາງກອງບັນຊາການທະຫານແຂວງບໍ່ແກ້ວ ຍັງໄດ້ມອບໃບກຽດຕິຄຸນໃຫ້ທັງສອງບໍລິສັກອີກດ້ວຍ.
ສະຫາຍ ພົນຈັດຕະວາ ບຸນມີ ພາມີໄຊ ຕາງໜ້າກອງບັນຊາການທະຫານແຂວງບໍ່ແກ້ວ ກໍໄດ້ສະແດງຄວາມຂອບໃຈຢ່າງສູງມາຍັງ ບໍລິສັດຮວຍຍີນກໍ່ສ້າງເຄຫະສະຖານຈຳກັດຜູ້ດຽວ ແລະ ໂຮງງານ ຢາງພາລາ ລາວ-ຈີນ ເຊີນຊິງ ຈຳກັດຜູ້ດຽວ ທີ່ນໍາເອົາອຸປະກອນດັ່ງກ່າວມາມອບໃຫ້ກອງບັນຊາການທະຫານແຂວງບໍ່ແກ້ວພ້ອມທັງໃຫ້ຄໍາໝັ້ນສັນຍາວ່າຈະນໍາເອົາອຸປະກອນດັ່ງກ່າວນີ້ໄປໝູນໃຊ້ເຂົ້າໃນວຽກງານຂອງກົມກອງຂອງຕົນ ແລະ ຫວັງວ່າໃນໂອກາດໜ້າຈະໄດ້ຮັບການຊ່ວຍເຫຼືອຈາກບໍລິສັດຮວຍຍີນກໍ່ສ້າງເຄຫະສະຖານ ແລະ ໂຮງງານ ຢາງພາລາ ລາວ-ຈີນ ເຊີນຊິງ ຕື່ມອີກ.
ໂດຍ: ພາກ ສຸທິປັນຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
