POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ປະກາດແຕ່ງຕັ້ງຄະນະຫ້ອງ-ກອງພັນໃຫຍ່ ສູນຝືກທີ່ຂຶ້ນກັບກອງພົນທະຫານຮາບທີ 5
ເວລາອອກຂ່າວ: 2024-05-13 14:31:56 | ຜູ້ຂຽນ : admin2 | ຈຳນວນຄົນເຂົ້າຊົມ: 1658 | ຄວາມນິຍົມ:

ປະກາດແຕ່ງຕັ້ງຄະນະຫ້ອງ-ກອງພັນໃຫຍ່, ສູນຝືກທີ່ຂຶ້ນກັບກອງພົນທະຫານຮາບທີ 5 ໄດ້ຈັດຂຶ້ນໃນຕອນເຊົ້າ ວັນທີ13 ພຶດສະພາ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ໄພວັນ ຈັນທະພົມມາ ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ພົນຈັດຕະວາ ສີປະເສີດ ເຜີຍຄໍາສີງ ຫົວໜ້າການເມືອງກອງພົນທະຫານຮາບທີ 5, ສະຫາຍ ພັນເອກ ທອງສະໄໜ ສຸກປະເສີ ຫົວໜ້າການທະຫານ ກອງພົນທີ 5, ສະຫາຍ ພັນເອກ ວົງເພັດ ວົງສະຫວັນ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ, ອົງການ 5 ຫ້ອງ,ກອງພັນໃຫຍ່ 501, ກອງພັນໃຫຍ່502, ສູນຝືກ, ກອງພັນນ້ອຍ, ໂຮງໝໍ, ກອງຮ້ອຍເອກະລາດ, ພະແນກການຕະຫຼອດພະນັກງານຫຼັກແຫຼ່ງທົ່ວກອງພົນທະຫານຮາບທີ 5 ເຂົ້າຮ່ວມ. ສະຫາຍ ພັນເອກ ວົງເພັດ ວົງສະຫວັນ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຂຶ້ນຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານຢູ່ກອງພົນທະຫານຮາບທີ 5 ພັກການກຽມຮັບບໍານານ ອີງຕາມ ກົດໝາຍນາຍທະຫານກອງທັບປະຊາຊົນລາວ ສະບັບເລກທີ 43/ສພຊ ,ລົງວັນທີ 14 ມີຖຸນາ 2018 ໃນພາກທີ III ໝວດທີ 1 ມາດຕາ 33 ວ່າດ້ວຍກະສຽນຮັບບໍານານຂອງນາຍທະຫານ, ຍົກຍ້າຍ ແລະ ແຕ່ງຕັ້ງປ່ຽນແທນຕໍາແໜ່ງ ຂອງບັນດາອົງການ, ກົມກອງ ທີ່ຂຶ້ນກັບກອງພົນທະຫານຮາບທີ 5. ໃນນີ້, ກະຊວງປ້ອງກັນປະເທດ ຕົກລົງ ອະນຸມັດໃຫ້ ສະຫາຍ ພັນເອກ ລືໄຊ ສຸວັນນະສີ ຫົວໜ້າການເມືອງກອງພັນໃຫຍ່ 502 ພັກການຮັບເບ້ຍບໍານານ; ຍົກຍ້າຍ ສະຫາຍ ພັນເອກ ສໍາລີ ຈັນທະວົງ ຫົວໜ້າການເມືອງ ກອງພັນໃຫຍ່ 501 ກອງພົນທະຫານຮາບທີ 5 ໄປຮັບໜ້າທີ່ໃໝ່ ຢູ່ໂຮງຮຽນກໍ່ສ້າງນາຍສີບທະຫານຮາບເລກ 2 ວຽງໄຊ, ແຕ່ງຕັ້ງ ສະຫາຍພັນເອກ ສຸກສາກອນ ສີນສະໝຸດ ເປັນຫົວໜ້າການເມືອງສູນຝືກອົບຮົມ,ແຕ່ງຕັ້ງ ສະຫາຍ ພັນໂທ ເພັດລວງຄໍາ ວິໄລທອນ ເປັນຫົວໜ້າກາເມືອງ ກອງພັນໃຫຍ່ 502,ແຕ່ງຕັ້ງ ສະຫາຍ ພັນໂທ ສົມເພັດ ສີງຫາວົງ ເປັນຫົວໜ້າການເມືອງກອງພັນໃຫຍ່ 501,ແຕ່ງຕັ້ງ ສະຫາຍ ພັນໂທ ລໍາເງິນ ໄຊຍະວົງສາ ເປັນຫົວໜ້າຫ້ອງການ ແລະ ບໍລິຫານ ,ແຕ່ງຕັ້ງ ສະຫາຍ ພັນໂທ ພອນສະຫວັດ ປະຖໍາມະວົງ ເປັນຮອງຫົວໜ້າຫ້ອງການເມືອງ,ແຕ່ງຕັ້ງສະຫາຍ ພັນໂທ ພົມມາ ສີສຸພັນ ເປັນຮອງຫົວໜ້າການທະຫານກອງພັນໃຫຍ່ 501,ແຕ່ງຕັ້ງ ສະຫາຍ ພັນໂທ ວຽງແກ້ວ ມະຫາໄຊ ເປັນຮອງຫົວໜ້າຫ້ອງການເມືອງ,ແຕ່ງຕັ້ງ ສະຫາຍ ພັນໂທ ຄໍາຜັນ ບຸນພະໄຊ ເປັນຮອງຫົວໜ້າຫ້ອງການ ແລະ ບໍລິຫານ,ແຕ່ງຕັ້ງ ສະຫາຍ ພັນໂທ ສັນຕີ ເມກສະຫວັນ ເປັນຮອງຫົວໜ້າການທະຫານສູນຝືກ ທັງເປັນ ຫົວໜ້າພະແນກເສນາອົບຮົມ ໂອກາດດັ່ງກ່າວ ສະຫາຍ ພົນຈັດຕະວາ ໄພວັນ ຈັນທະພົມມາ ຮອງຫົວໜ້າກົມໃຫຍ່ ການເມືອງກອງທັບ ກໍ່ໄດ້ໃຫ້ກຽດໂອ້ລົມຕໍ່ສະຫາຍທີ່ຮັບບໍານານ ແລະ ຜູ້ທີ່ໄດ້ຮັບໜ້າທີ່ໃໝ່ໃນຄັ້ງນີ້ກ່ອນອື່ນສະຫາຍໄດ້ຍ້ອງຍໍຕໍ່ໝາກຜົນໆງານທີ່ແຕ່ລະສະຫາຍຍາດມາໄດ້ຕະຫຼອດໄລຍະຜ່ານມາ ແລະ ໄດ້ເນັ້ນໜັກໃຫ້ແຕ່ລະຫາຍຈົ່ງ ເອົາໃຈໃສ່ວຽກງານສືກສາອົບຮົມການເມືອງແນວຄິດ ໃຫ້ພະນັກງານ-ນັກຮົບ ໃຫ້ແທດເຖິງ ແລະ ເຂົ້າໃຈແຈ້ງແນວທາງນະໂຍບາຍຂອງພັກ-ກົດໝາຍຂອງລັດ, ຍົກສູງສະຕິຄວາມຮັບຂອງຕົນຕໍ່ໜ້າທີ່ວຽກງານ, ຕໍ່ກົນອຸບາຍຂອງອິດທິກໍາລັງປໍລະປັກ, ກໍາແໜ້ນສະພາບທັງພາຍໃນ ແລະ ພາຍນອກ, ປະສານສົບທົບກັບທຸກພາກສ່ວນ, ເຮັດວຽກມີແບບແຜນ, ເອກະພາບໃນໝູ່ຄະນະເປັນແບບຢ່າງຊີ້ນໍາ-ນໍາພາ, ຕັ້ງໜ້າຝຶກຝົນຫຼໍ່ຫຼອມຕົນເອງ ສ້າງສາພັດທະນາກົມກອງ ໃຫ້ນັບມື້ເຕີບໃຫຍ່ ເຂັ້ມແຂງຍິ່ງໆຂຶ້ນ. ໂດຍ: ທອງປານ ສີດາໄລ

news to day and hot news