POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງພົນທີ2 ປະກາດການຫັນກອງພັນ409 ເປັນກອງເຄື່ອນທີ່ໄວ
ເວລາອອກຂ່າວ: 2024-05-13 14:33:48 | ຜູ້ຂຽນ : admin2 | ຈຳນວນຄົນເຂົ້າຊົມ: 1750 | ຄວາມນິຍົມ:

ວັນທີ13 ພຶດສະພາ 2024 ນີ້, ກອງພົນທີ2 ໄດ້ປະກາດການຫັນກອງພັນ409 ທີ່ຂຶ້ນກັບກອງພົນທີ2 ເປັນກອງເຄື່ອນທີໄວໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ສົມພອນ ມິດຕະພອນ ກຳມະການຄະນະ ພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ, ມີສະຫາຍ ພົນຈັດຕະວາ ຄຳດີ ໄຊຍະວົງ ຫົວໜ້າການທະຫານກອງພົນທີ2, ມີຄະນະພັກຄະນະບັນຊາກອງພົນ, ຄະນະຫ້ອງ, ພະແນກການທີກ່ຽວຂ້ອງ, ຄະນະພັກຄະນະບັນຊາກອງພັນໃຫຍ່, ພັນນ້ອຍ, ກອງຮ້ອຍ ພ້ອມດ້ວຍພະນັກງານ-ນັກຮົບກອງພັນ409 ເຂົ້າຮ່ວມ. ໃນພິທີ ສະຫາຍ ພັນເອກ ສອນເພັດ ຈັນສົມ ຄະນະພັກກອງພົນ ຫົວໜ້າຫ້ອງເສນາທິິການກອງພົນທີ2 ໄດ້ຂຶ້ນຜ່ານປະຫວັດມູນເຊື້ອຂອງກອງພັນນ້ອຍທະຫານຮາບ 409 ໂດຍຫຍໍ້ ກອງພັນນ້ອຍທະຫານຮາບ 409 ໄດ້ຮັບການສ້າງຕັ້ງຂຶ້ນຢູ່ເຂດພາກເໜືອ ບ້ານກິ່ວໄລ ເມືອງງອຍ ແຂວງຫຼວງພະບາງ ໃນວັນທີ15 ມີຖຸນາ ປີ1961 ພາຍຫຼັງໄດ້ຮັບການສ້າງຕັ້ງຂຶ້ນກອງພັນນ້ອຍທະຫານຮາບ409 ກໍ່ໄດ້ຮັບພາລະອັນໜັກໜ່ວງໃນການຕໍ່ສູ້ກູ້ຊາດຍາດເອົາໄຊຊະນະໃນຫຼາຍບັ້ນຮົບ ຈົນໄດ້ຂະໜານນາມເປັນກົມກອງວິລະຊົນ 2 ຄັ້ງ. ຈາກນັ້ນ ສະຫາຍ ພັັນເອກ ສຳລານ ສິລິໂພຄຳ ຫົວໜ້າກົມກຳລັງພົນ ກົມໃຫຍ່ເສນາທິການກອງທັບ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການຫັນເອົາກອງພັນນ້ອຍທະຫານຮາບ409 ເປັນກອງເຄື່ອນທີ່ໄວ ໂດຍອີງຕາມແຜນຍຸດທະສາດຂອງກະຊວງປ້ອງກັນປະເທດ ວ່າດ້ວຍການປັບປຸງກໍ່ສ້າງກຳລັງດ້ານການຈັດຕັ້ງ ແລະ ການປະກອບດ້ານຈໍານວນພົນແຕ່ປີ 2021-2025 ແລະ ຂໍຕົກລົງວ່າດ້ວຍລະບຽບການ, ຂັ້ນຕອນ ແລະ ສິດອະນຸມັດກ່ຽວກັບການສ້າງຕັ້ງ, ຍຸບຫົວໜ່ວຍການຈັດຕັ້ງຂອງກອງທັບ ແລະ ຂໍ້ກຳນົດກ່ຽວກັບທີ່ຕັ້ງ, ພາລະບົດບາດ, ຂອບເຂດສິດ, ໜ້າທີ່ການເຄື່ອນໄຫວຕ່າງໆ. ໃນໂອກາດນີ້, ສະຫາຍ ພົນຈັດຕະວາ ສົມພອນ ມິດຕະພອນ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບກໍໄດ້ໃຫ້ກຽດໂອ້ ລົມເຊິ່ງກ່ອນອື່ນສະຫາຍຊີ້ໃຫ້ ເຫັນຕໍ່ໜ້າທີ່ ແລະ ຄວາມຈຳເປັນພາວະວິໄສໃນການສ້າງ ຕັ້ງກອງພັນນ້ອຍທະຫານຮາບ409ເປັນກອງເຄື່ອນທີ່ໄວເພື່ອກຽມພ້ອມເຮັດສຳເລັດໜ້າທີ່ໃນສະເພາະໜ້າ ແລະ ຍາວນານຕາມທິດກໍ່ສ້າງກຳລັງໃຫ້ມີຄວາມໜັກແໜ້ນ ເຂັ້ມແຂງຮອບດ້ານສາມາດເປັນກຳລັງເຄື່ອນທີ່ໄວຕອບຕ້ານ ກັບສະພາບທີ່ຈະເກີດຂຶ້ນໃຫ້ທັນເວລາ ພ້ອມທັງຮຽກຮ້ອງໃຫ້ ຄະນະພັກ-ຄະນະບັນຊາພະນັກງານ-ນັກຮົບສືບຕໍ່ຮັກສາມູນເຊື້ອຂອງກົມກອງເຂົ້າໃນການປັບປຸງກໍ່ສ້າງກົມກອງຂອງຕົນໃຫ້ເຕີບໃຫຍ່ເຂັ້ມແຂງ ເພື່ອພ້ອມກັນເຮັດສຳເລັດໜ້າທີ່ ທີ່ການຈັດຕັ້ງຂັ້ນເທິງມອບໝາຍໃຫ້. ໂດຍ ສຸວັນໂນ ທະລັງສີ

news to day and hot news