POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ສະຫຼຸບຖອດຖອນບົດຮຽນການລົງຝຶກງານຂອງນັກຮຽນນາຍທະຫານບົກຢູ່ກອງພົນທີ1
ເວລາອອກຂ່າວ: 2024-05-14 09:30:54 | ຜູ້ຂຽນ : admin2 | ຈຳນວນຄົນເຂົ້າຊົມ: 1163 | ຄວາມນິຍົມ:

ກອງປະຊຸມສະຫຼຸບຖອດຖອນບົດຮຽນການເຝິກຫັດຂອງນັກຮຽນກໍ່ສ້າງມະຫາໄລການທະຫານ ປີທີ 04 ຊຸດທີ19 ທີ່ລົງຝຶກງານຢູ່ກອງພົນທີ1 ໄດ້ຈັດຂຶ້ນໃນວັນທີ8 ພຶດສະພາ 2024 ຜ່ານມາ, ທີ່ສະໂມສອນກອງພົນທີ1, ໂດຍພາຍໃຕ້ການເປັນປະທານ ຂອງ ສະຫາຍ ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານກອງພົນທີ1, ມີສະຫາຍ ພັນເອກ ປະດິດ ສິນທໍາ ຮອງອໍານວຍການ ຫົວໜ້າຫ້ອງອົບຮົມ ວິທະຍາຄານນາຍທະຫານບົກກົມມະດໍາ, ມີບັນດາສະຫາຍຄະນະອົງການ 05 ຫ້ອງ, ກອງພັນໃຫຍ່, ຄະນະວິຊາຄູ, ພະແນກວິຊາການ, ຄະນະບັນຊາກົມກອງກ່ຽວຂ້ອງ ເຂົ້າຮ່ວມ. ສະຫາຍ ພັນໂທ ທອງຈັນ ເຍ່ຍຕູ້ ຮອງຫົວໜ້າຫ້ອງເສນາທິການ ກອງພົນທະຫານຮາບທີ1 ໄດ້ຂຶ້ນຜ່ານບົດສະຫຼຸບໃນການຝຶກງານຂອງນັກສຶກສາລະອຽດ ຄື: ພາຍຫຼັງສໍາເລັດພິທີມອບ-ຮັບກໍາລັງນັກຮຽນຈໍານວນ156 ສະຫາຍ ຜ່ານມາ, ຄະນະຮັບຜິດຊອບຂອງກອງພົນໄດ້ຈັດຕັ້ງຊັບຊ້ອນບັນຈຸກໍາລັງເຂົ້າປະຕິບັດໜ້າທີ່, ເຊິ່ງເລີ່ມແຕ່ວັນທີ29/03/2024-08/05/2024 ລວມເວລາ 40 ວັນ ປະກອບໃຫ້ກົມກອງອ້ອມຂ້າງກອງພົນ 103 ສະຫາຍ ແລະ ກອງພັນໃຫຍ່ 102 ຈໍານວນ 53 ສະຫາຍ; ສາມາດຕີລາຄາຜົນໄດ້ຮັບໃນການປະຕິບັດໜ້າທີ່ຕົວຈິງໃນແຕ່ລະດ້ານຄື: ດ້ານແບບແຜນວິທີນໍາພາ-ບັນຊາ 85%, ດ້ານຄວາມຮູ້-ຄວາມສາມາດວິຊາສະເພາະ90%, ດ້ານການສ້າງແຜນການ, ບົດສະຫຼຸບ ແລະ ບັນດາເອກະສານນິຕິກໍາຕ່າງໆ 75%, ດ້ານການປະຕິບັດລະບຽບ-ແບບແຜນ 80%, ສະເລ່ຍຜົນໄດ້ຮັບລວມ 82,5%. ທັງໝົດນັ້ນກໍ່ຍ້ອນຄະນະພັກ-ຄະນະບັນຊາ ແລະ ອະນຸກໍາມະການ ໄດ້ປະສານສົມທົບຢ່າງກົມກຽວ, ອໍານວຍຄວາມສະດວກຖືກຕ້ອງຕາມຂັ້ນຕອນ ແລະ ແຜນການ; ຍ້ອນຄະນະພັກ-ຄະນະບັນຊາບັນດາກົມກອງໄດ້ເອົາໃຈໃສ່ຈັດຕັ້ງປະຕິບັດຕາມທິດຊີ້ນໍາ ແລະ ໃຫ້ການຮ່ວມມືນໍາພານັກຮຽນເຄື່ອນໄຫວປະຕິບັດໜ້າທີ່ວຽກງານຕາມພາລະບົດບາດ, ຕັ້ງໜ້າແລກປ່ຽນບົດຮຽນເຊິ່ງກັນແລະກັນ; ຍ້ອນການຍົກສູງຄວາມຮັບຜິດຊອບຕໍ່ໜ້າທີ່ການເມືອງ, ຍົກສູງສະຕິຕໍ່ການຈັດຕັ້ງ, ເປັນເຈົ້າການໃນການນໍາພາຈັດຕັ້ງປະຕິບັດລະບຽບແບບແຜນ ແລະ ຄວາມຕັດສິນໃຈສູງຂອງບັນດາສະຫາຍນັກຮຽນ ທີ່ມີຄວາມອົດທົນຜ່ານຜ່າຄວາມຫຍຸ້ງຍາກດ້ານຕ່າງໆ, ທຸ່ມເຫື່ອແຮງ, ສະຕິປັນຍາເຂົ້າໃນການນໍາພາ-ບັນຊາກົມກອງ ເພື່ອເກັບກໍາເອົາບັນດາບົດຮຽນດ້ານພຶດຕິກໍາຕົວຈິງ ແລະ ວິທີການຕ່າງໆນໍາຄະນະພັກ-ຄະນະບັນຊາກໍ່ຄືກົມກອງຢ່າງຕັ້ງໜ້າ; ຜ່ານການຈັດຕັ້ງປະຕິບັດໜ້າທີ່ໃນໄລຍະ 40 ວັນຜ່ານມາ ພື້ນຖານແມ່ນມີຄວາມສະຫງົບ, ປອດໄພ, ມີຄວາມສາມັກຄີເປັນເອກະພາບສູງ ແລະ ຫຼາຍພາກສ່ວນກໍ່ໄດ້ປະກອບສ່ວນເຂົ້າໃນວຽກງານປັບປຸງກໍ່ສ້າງກົມກອງ. ສະຫາຍ ປະທານ ໄດ້ກ່າວຊີ້ນໍາໃຫ້ນັກຮຽນທຸກສະຫາຍ, ທຸກເຫຼົ່າຮົບ ຕ້ອງເພີ່ມທະວີຄວາມຮັບຜິດຊອບ, ເປັນແບບຢ່າງໃນການຄົ້ນຄ້ວາຮໍ່າຮຽນບັນດາພຶດຕິກໍາ ແລະ ສະພາບຕົວຈິງຢູ່ກົມກອງ, ເພື່ອກໍາແໜ້າທິດສະດີຫຼັກການ ໝູນໃຊ້ເຂົ້າໃນພາກປະຕິບັດຕົວຈິງໃຫ້ສອດຄ່ອງ, ເປັນພື້ນຖານເມື່ອສໍາເລັດການສຶກສາ ເວລາກັບຄືນສູ່ກົມກອງໃຫ້ໄດ້ຮັບໝາກຜົນສູງ; ເພີ່ມທະວີຄວາມເປັນແບບຢ່າງນໍາໜ້າ, ແຂ່ງຂັນກັນນໍາພາ-ບັນຊາດີ, ບັນຊາເກັ່ງ, ຍົກສູງສະຕິຕໍ່ການຈັດຕັ້ງປະຕິບັດລະບຽບ-ແບບແຜນ ຢ່າງເຂັ້ມງວດ ແລະ ຮັບປະກັນຄວາມສະຫງົບປອດໄພຮອບດ້ານ. ຂຽນໂດຍ: ໂກຮັງ ພັນທະວົງ. ຂໍ້ມູນ-ພາບ: ຂາວ ທິດາກອນ.

news to day and hot news