POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 23 ມັງກອນ 2025

ຫຼາຍກົມກອງ ສຸມໃສ່ການອົບຮົມ-ຫັດແອບ
ເວລາອອກຂ່າວ: 2024-05-16 10:16:13 | ຜູ້ຂຽນ : admin1 | ຈຳນວນຄົນເຂົ້າຊົມ: 573 | ຄວາມນິຍົມ:

ໃນບໍ່ດົນມານີ້, ຫຼາຍກົມກອງໄດ້ສຸມໃສ່ການອົບຮົມ-ຫັດແອບ ໃຫ້ພະນັກງານ-ນັກຮົບ ພາຍໃນກົມກອງຂອງຕົນ ແລະ ອົບຮົມ-ຫັດແອບ ໃຫ້ກຳລັງກອງ ຫຼອນ-ປກສ ກຸ່ມບ້ານ ຕາມຂອບເຂດກົມກອງຮັບຜິດຊອບ ເພື່ອແນໃສ່ຍົກລະດັບຄວາມຮູ້ ຄວາມສາມາດທາງດ້ານສິລະປະຍຸດ-ຍຸດທະວິທີ, ຊຸກຍູ້ການປະຕິບັດ ຂໍ້ກຳນົດ, ກົດລະບຽບຕ່າງໆຂອງກອງທັບ ກໍຄືຂອງກົມກອງວາງອອກ, ທັງເປັນການເຝິກຝົນກຳລັງແຮງກາຍ ໃຫ້ພະນັກງານ-ນັກຮົບ ມີສຸຂະພາບແຂງແຮງ ກຽມພ້ອມເຮັດສຳເລັດໜ້າທີ່ການເມືອງຂອງກົມກອງໃຫ້ມີການຮັບປະກັນດີ ອີກດ້ານໜຶ່ງເພື່ອເປັນການປັບປຸງກຳລັງກອງຫຼອນ ໃຫ້ມີຄວາມເຂັ້ມແຂງໜັກ ແໜ້ນ, ເຂົ້າໃຈແຈ້ງຕໍ່ວຽກງານ ປ້ອງກັນຊາດ-ປ້ອງກັນຄວາມສະ ຫງົບ ໃນໄລຍະໃໝ່ ແລະ ຮູ້ເຮັດໜ້າທີ່ປົກປັກຮັກສາບ້ານຊ່ອງຂອງຕົນໃຫ້ມີຄວາມສະຫງົບໂດຍພື້ນຖານ. + ໃນນີ້, ກອງຮ້ອຍທະຫານຊາຍແດນ 116 ແຂວງຜົ້ງສາລີ: ໄດ້ເປີດຊຸດອົບຮົມ-ຫັດແອບປະ ຈຳໄຕມາດ I ປີ 2024 ໃຫ້ພະ ນັກງານ-ນັກຮົບພາຍໃນກົມກອງ, ໂດຍການເປັນປະທານ ຂອງ ສະຫາຍ ພັນໂທ ເພັດແກ້ວ ອຸ່ນປະເສີດ ຫົວໜ້າການເມືອງກອງຮ້ອຍດັ່ງກ່າວ. ອີງຕາມ ແຜນການອົບຮົມ-ຫັດແອບປະ ກອບມີ: ພາກການເມືອງ, ພາກພະລາທິການ-ເຕັກນິກ, ພາກລະ ບຽບ, ພາກກິລາການທະຫານ, ພາກສິລະປະຍຸດ, ພາກຍຸດທະວີທີ ແລະ ພາກວິຊາສະເພາະ ທະຫານຊາຍແດນ, ກຳນົດເວລາອົບຮົມ-ຫັດແອບທັງໝົດ 50 ວັນ. + ກອງບັນຊາການທະຫານເມືອງບໍ່ແຕນ ແຂວງໄຊຍະບູລີ: ໄດ້ເປີດຊຸດອົບຮົມ-ຫັດແອບ ສ້າງບ້ານປ້ອມໝັ້ນ, ກຸ່ມບ້ານສູ້ຮົບຕິດລຽນ ໃຫ້ອົງການປົກ ຄອງບ້ານ, ກຳລັງກອງຫຼອນ-ປກສ ບ້ານບໍ່ແຕນ ແລະ ບ້ານໜອງຜັກບົ້ງ, ໂດຍການເຂົ້າຮ່ວມຂອງ ສະຫາຍ ອານຸສິດມະໂນສິນ ຮອງເຈົ້າເມືອງ ເມືອງບໍ່ແຕນ. ສຳລັບເອກະສານທີ່ນຳ ມາອົບຮົມ-ຫັດແອບໃນຄັ້ງນີ້ ປະກອບມີ: ເອກະສານທັດສະນະ ພື້ນຖານຂອງພັກ ຕໍ່ວຽກງານການທະຫານທ້ອງຖິ່ນໄລຍະໃໝ່, ທາດແທ້ມູນເຊື້ອຂອງກອງທັບ, ເອກະສານຕ້ານກົນອຸບາຍຫັນ ປ່ຽນໂດຍສັນຕິຂອງສັດຕູ, ຂໍ້ກຳນົດຂອງກົມການທະຫານທ້ອງຖິ່ນ ວ່າດ້ວຍການຄຸ້ມຄອງອາວຸດ ແລະ ກະສຸນ ຂອງກຳລັງກອງຫຼອນ, ເອກະສານ ສ້າງທ່າສະໜາມສົງຄາມປະຊາຊົນ 3 ຂັ້ນຂອງພັກ, ການສ້າງຄອບຄົວ ແລະ ບ້ານປ້ອງກັນຄວາມສະ ຫງົບດີ ແລະ ເອກະສານ ຜົນຮ້າຍຂອງຢາເສບຕິດ, ຮຽນຮູ້ຄຸນຄ່າສະມັດຖະພາບ ແລະ ການປະ ກອບສ້າງຂອງປືນ ອາກາ-ເຊກາເຊ (AK-CKC), ຮຽນເລັ່ງ-ຍິງລູກປືນແທ້, ຮຽນ 7 ຈັງຫວະພື້ນຖານຂອງທະຫານຮາບ ແລະ ບຸກຄົນອາໄສພູມີປະເທດ, ຮຽນຈຸ-ໝູ່ປ້ອງກັນເວນຍາມບ້ານ, ໝູ່ດັກສະກັດລັດຕີສັດຕູ ແລະ ໝວດ-ໝູ່ ຈັ້ງທ່າຕ້ານສັດຕູບຸກຕີເຂົ້າບ້ານ. + ກອງບັນຊາການທະຫານເມືອງບຸນໃຕ້ ແຂວງຜົ້ງສາລີ: ໄດ້ເປີດຊຸດອົບຮົມ-ຫັດແອບປະຈຳ ໄຕມາດ I ປີ 2024 ໃຫ້ພະນັກງານ-ນັກຮົບພາຍໃນກົມກອງ, ໂດຍການເປັນປະທານຂອງ ສະຫາຍ ສານມະນີອິນດາວົງ ຮອງເລຂາພັກເມືອງ, ຜູ້ຊີ້ນຳ ວຽກງານພັກ-ພະນັກງານ, ກຳ ມະການ ປກຊ-ປກສ ເມືອງບຸນ ໃຕ້. ຊຸດອົບຮົມ-ຫັດແອບ ຄັ້ງນີ້ ຈະໄດ້ອົບຮົມພາກການເມືອງ, ພາກການທະຫານ, ພາກພະລາ ທິການ, ພາກເຕັກນິກ, ພາກລະ ບຽບ, ພາກກິລາການທະຫານ, ພາກສິລະປະຍຸດ, ພາກຍຸດທະວິທີ ກຳນົດເວລາອົບຮົມ-ຫັດແອບ 50 ວັນ. + ກອງພັນ 411 ກອງບັນ ຊາການທະຫານແຂວງໄຊຍະບູລີ: ໄດ້ເປີດຊຸດອົບຮົມ-ຫັດແອບ ການທະຫານ, ການເມືອງ ແລະ ພະລາທິການ-ເຕັກນິກ ປະຈຳປີ 2024, ໂດຍການເປັນປະທານ ຂອງສະຫາຍ ພັນໂທ ວິໄລວັນ ພິລະຈັນ ຫົວໜ້າການທະຫານກອງພັນ 411. ຊຸດອົບຮົມ-ຫັດແອບຄັ້ງນີ້ ມີ 12 ວິຊາຮຽນ, ກຳນົດເວລາອົບຮົມທັງໝົດ 180 ວັນ. + ກອງບັນຊາການທະຫານເມືອງລອງ ແຂວງຫຼວງນ້ຳທາ: ໄດ້ເປີດຊຸດອົບຮົມ-ຫັດແອບ ໃຫ້ກຳລັງກອງຫຼອນກອງຮ້ອຍທີ 10 ກຸ່ມ ຈອມໜອກ ເມືອງລອງແຂວງຫຼວງນ້ຳທາ, ໂດຍການເປັນປະທານ ຂອງສະຫາຍ ພັນໂທ ໜານສົມພອນ ອຸ່ນທະລາ ຫົວໜ້າການທະຫານ ກອງບັນ ຊາການທະຫານເມືອງລອງ. ຕາມແຜນການອົບຮົມ-ຫັດແອບພາກການເມືອງ ຈະໄດ້ອົບຮົມເອກະສານ ມູນເຊື້ອຂອງກອງ ທັບ, ເອກະສານ ຫັນປ່ຽນໂດຍສັນຕິຂອງສັດຕູ, ເອກະສານ ສິດ ແລະ ໜ້າທີ່ຂອງກຳລັງກອງຫຼອນ, ພາກສິລະປະຍຸດຈະໄດ້ ຮຽນຮູ້ຄຸນຄ່າສະມັດຖະພາບ ແລະ ການປະກອບສ້າງປືນ AKM, ຮຽນຮູ້ວິທີຂຸດຂຸມຄອງ, ຂຸມສູ້ຮົບ ແລະ ວິທີສ້າງອາວຸດພື້ນເມືອງ, ພາກຍຸດທະວິທີ ຈະໄດ້ຮຽນຮູ້ 7 ຈັງຫວະພື້ນຖານຂອງທະຫານຮາບ ແລະ ບຸກຄົນອາໄສພູມີປະເທດ, ຮຽນຈຸ-ໝູ່ ປ້ອງກັນເວນຍາມ, ຮຽນໝູ່ດັກສະກັດ, ໝູ່ຈັ້ງທ່າ, ພາກລະບຽບກິລາ ຈະໄດ້ຮຽນຮູ້ ລະບຽບຮູບແຖວບຸກຄົນມືເປົ່າປະຈຳທີ່ ແລະ ຫັດກາຍມືເປົ່າ 2 ບົດ 24 ຈັງຫວະ, ຊຸດອົບຮົມ-ຫັດແອບຄັ້ງນີ້ ຈະດຳເນີນໄປເປັນເວລາ 10 ວັນ.

news to day and hot news