ວັນສຸກ, ວັນທີ 06 ທັນວາ 2024
ກທອ ປະກາດລຸລວງໃຫ້ນາຍທະຫານພັກການຮັບບໍານານ
ເວລາອອກຂ່າວ: 2024-05-16 11:14:38 | ຜູ້ຂຽນ : admin2 | ຈຳນວນຄົນເຂົ້າຊົມ: 1560 | ຄວາມນິຍົມ: 
ໃນວັນທີ15 ພຶດສະພາ 2024 ນີ້, ຢູ່ທີ່ຫ້ອງປະຊຸມກອງບັນຊາການທະຫານອາກາດໄດ້ປະກາດລຸລ່ວງໃຫ້ນາຍທະຫານ ພັກການເພື່ອກຽມຮັບບໍານານ ໂດຍການເຂົ້າຮ່ວມເປັນປະທານ ສະຫາຍ ພົນຈັດຕະວາ ບຸນມາ ຈັນທະວົງສາ ຫົວໜ້າການເມືອງ ກອງບັນຊາການທະຫານອາກາດ, ມີຄະນະພັກ-ຄະນະບັນຊາອົງການ 6 ຫ້ອງ, ມີຄະນະພັກບັນຊາກອງພັນໃຫຍ່702-703 ພ້ອມດ້ວຍພະແນກການທີ່ກ່ຽວຂ້ອງ ແລະ ນາຍທະຫານພັກການຮັບບໍານານເຂົ້າຮ່ວມ.
ໃນພິທີການ ສະຫາຍ ພັນເອກ ຄໍາຫຼ້າ ສີມມະວົງ ຫົວໜ້າຫ້ອງການເມືອງ ກອງບັນຊາການທະການອາກາດກໍ່ໄດ້ຂຶ້ນຜ່ານຂໍ້ຕົກລົງ ວ່າດ້ວຍການອະນຸມັດໃຫ້ນາຍທະຫານ ກອງບັນຊາການທະຫານອາກາດພັກການເພື່ອກຽມຮັບບໍານານ ໂດຍປະຕິບັດຕາມກົດໝາຍນາຍທະຫານກອງທັບປະຊາຊົນລາວ ລະບັບເລກທີ43/ສພຊ, ລົງວັນທີ14 ມີຖຸນາ 2018 ໃນພາກທີIII, ໝວດ1 ມາດຕາ33 ວ່າດ້ວຍອາຍຸກະສຽນຮັບບໍານານຂອງນາຍທະຫານ ແລະ ອີງຕາມການຄົ້ນຄ້ວາຕົກລົງເຫັນດີເປັນເອກະພາບຂອງກອງປະຊຸມຄະນະປະຈໍາພັກ ກະຊວງປ້ອງກັນປະເທດ ແລະ ຄໍາສະເໜີຂອງກົມໃຫຍ່ການເມືອງກອງທັບ ກະຊວງປ້ອງກັນປະເທດ ຕົກລົງ: ອະນຸມັດໃຫ້ ສະຫາຍ ພັນເອກ ພອນສະຫັວດ ໄຊບຸນເຮືອງ ຮອງຫົວໜ້າຫ້ອງເສນາທິການ ກອງບັນຊາການທະຫານອາກາດ ພັກການເພື່ອກຽມຮັບບໍານານ
ໂອກາດດັ່ງກ່າວ, ສະຫາຍ ພົນຈັດຕະວາ ບຸນມາ ຈັນທະວົງສາ ກໍ່ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານໄຊຊະນະ ແລະ ຮູ້ບຸນຄຸນງາມຄວາມດີຕໍ່ນາຍທະຫານທີ່ໄດ້ອຸທິດເຫຼື່ອແຮງ, ສະຕິປັນຍາ, ວັດຖຸ-ຈິດໃຈ ແລະ ຄວາມຮູ້ຄວາມສາມາດການນໍາພາ-ບັນຊາໃນການປະກອບສ່ວນອັນສໍາຄັນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ ກໍ່ຄືຂອງກົມກອງໃນການປະຕິບັດໜ້າທີ່ການເມືອງທີ່ຂັ້ນເທິງມອບໝາຍໃນການຈັດຕັ້ງປັບປຸງກໍ່ສ້າງກົມກອງໃຫ້ເຕີບໃຫຍ່ເຂັ້ມແຂງ ແລະ ທັນສະໄໝຢ່າງມີຜົນສໍາເລັດເປັນກ້າວໆມາ ພ້ອມນັ້ນສະຫາຍຍັງໄດ້ຮຽກຮ້ອງໃຫ້ນາຍທະຫານທີ່ພັກບໍານານຈົ່ງເປັນເຈົ້າການຫຼັກແຫຼ່ງໃນການນໍາພາຂອງພັກ, ເປັນແບບຢ່າງທີ່ດີໃຫ້ແກ່ພະນັກງານລຸ້ນສຶບທອດ ແລະ ປະຕິບັດການເຄື່ອນໄຫວນໍາອໍານາດການປົກຄອງທ້ອງຖິ່ນຂອງຕົນໃຫ້ຖືກຕ້ອງຕາມແນວທາງນະໂຍບາຍຂອງພັກ-ລັດ ແລະ ກົດໝາຍບ້ານເມືອງໃຫ້ເຂັ້ມງວດ.
ໂດຍ: ສີທາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
