ວັນສຸກ, ວັນທີ 06 ທັນວາ 2024
ຫົວໜ້າການເມືອງ ວປກ ໂອ້ລົມນັກສຶກສາທີ່ຈະສຳເລັດການສຶກສາໃນສົກຮຽນ 2023-2024
ເວລາອອກຂ່າວ: 2024-05-16 12:21:09 | ຜູ້ຂຽນ : admin2 | ຈຳນວນຄົນເຂົ້າຊົມ: 1013 | ຄວາມນິຍົມ: 
ວັນທີ15 ພຶດສະພາ 2024 ນີ້, ສະຫາຍ ພົນຕີ ຄຳຫຼ້າ ພັນໄຊຍະສຸກ ກໍາມະການຄະນະພັກກະຊວງປ້ອງກັນປະເທດ ຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ພົບປະໂອ້ລົມນັກສຶກສາກ່ອນສຳເລັດການສຶກສາ ສົກຮຽນ 2023-2024 ທີ່ຈະມາເຖິງໃນມໍ່ໆນີ້, ເຂົ້າຮ່ວມໃນຄັ້ງນີ້ມີຄະນະຫ້ອງການ, ຄະນະຮັບຜິດຊອບນັກສຶກສາ, ພ້ອມດ້ວຍນັກສຶກສາທັງ 3 ລະບົບເຂົ້າຮ່ວມ.
ໂອກາດນີ້, ສະຫາຍ ພົນຕີ ຄຳຫຼ້າ ພັນໄຊຍະສຸກ ໄດ້ຕາງໜ້າໃຫ້ຄະນະພັກ-ຄະນະບັນຊາ, ພະນັກງານ, ຄູ-ອາຈານ ທົ່ວ ວປກ ກ່າວສະແດງຄວາມຍິນດີຊົມເຊີຍໃນຄວາມພາກພຽນພະຍາຍາມ ແລະ ເນັ້ນໜັກໃຫ້ນັກສຶກສາ ຈົ່ງພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ສືບຕໍ່ຝຶກຝົນຫຼໍ່ຫຼອມຕົນເອງໃຫ້ກາຍເປັນພະນັກງານທີ່ດີ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ເອົາໃຈໃສ່ປະຕິບັດຂໍ້ກຳນົດ, ກົດລະບຽບຂອງກອງທັບ ເວົ້າລວມ, ເວົ້າສະເພາະກໍ່ຄືຂອງ ວປກ ໃນຊ້ວງເວລາລໍຖ້າສອບເສັງ, ລໍຖ້າຮັບໃບປະກາດທີ່ຈະມາເຖິງໃຫ້ເຂັ້ມງວດ, ມີແບບແຜນວິທີເຮັດວຽກ ແບບແຜນໃນການຄົ້ນຄວ້າຮ່ຳຮຽນ, ພ້ອມກັນເກັບກ່ຽວເອົາຄວາມຮູ້ຈາກຄູ-ອາຈານໃຫ້ໄດ້ຫຼາຍທີ່ສຸດ, ເພື່ອໃຫ້ຍາດໄດ້ຄະແນນທີ່ດີເດັດ, ທັງພ້ອມກັນນຳເອົາບົດຮຽນທີ່ໄດ້ຮຽນມາໄປຈັດຕັ້ງຜັນຂະຫຍາຍ ແລະ ໝູນໃຊ້ເຂົ້າໃນວຽກງານຕົວຈິງ ໃຫ້ແທດເໝາະກັບສະພາບຄວາມເປັນຈິງຂອງໜ້າທີ່ການເມືອງໃນໄລຍະໃໝ່, ເອົາໃຈໃສ່ພັດທະນາກົມກອງບົນພື້ນຖານເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ສືບຕໍ່ຈັດຕັ້ງປະຕິບັດຂົງເຂດວຽກງານທີ່ປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ຫັນເອົາທິດສະດີລົງສູ່ພາກປະຕິບັດຕົວຈິງໃຫ້ເກີດໝາກຜົນ ຕາມແຜນພັດທະນາກົມກອງໃຫ້ເຂັ້ມແຂງ, ໜັກແໜ້ນ ແລະ ທັນສະໄໝ, ສືບຕໍ່ຍົກສູງຄວາມຮັບຜິດຊອບຂອງຕົນ ຕໍ່ໜ້າທີ່ວິຊາສະເພາະທີ່ໄດ້ຮັບມອບໝາຍ, ເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ, ການເຄື່ອນໄຫວວຽກງານຕ້ອງປະຕິບັດຕາມຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ. ພ້ອມກັນນັ້ນ, ກໍ່ຕ້ອງເອົາໃຈໃສ່ເປັນພິເສດໃນການນໍາໃຊ້ເວລາໃຫ້ມີຄຸນຄ່າຫລາຍທີ່ສຸດໃນການຄົ້ນຄ້ວາບົດຮຽນ ເພື່ອບັ້ນສອບເສັງຄັ້ງນີ້ຍາດໃຫ້ຄະແນນດີ, ນັກຮຽນເກັ່ງ ເພື່ອນໍາເອົາບົດຮຽນທີ່ໄດ້ຮັບຈາກຄູ-ອາຈານໄປຈັດຕັ້ງປະຕິບັດຢູ່ກົມກອງຂອງຕົນໃຫ້ໄດ້ຮັບໜາກຜົນສູງ. ສຳລັບນັກສຶກສາທີ່ຈະຈົບໃນສົກຮຽນ 2023-2024 ນີ້ ມີຈຳນວນທັງໝົດ: 313 ສະຫາຍ, ຍິງ: 07 ສະຫາຍ. ນັກສຶກສາລະບົບບຳລຸງ ຈຳນວນ: 100 ສະຫາຍ, ນັກສຶກສາລະບົບກໍ່ສ້າງ ຈຳນວນ: 109 ສະຫາຍ ແລະ ນັກສຶກສາພາສາຕ່າງປະະທດ ຈຳນວນ: 104 ສະຫາຍ.
ພາບ-ຂ່າວ: ເຂັງພອນ ແກ້ວຄໍາລຽງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
