ວັນເສົາ, ວັນທີ 07 ທັນວາ 2024
ຫ້ອງການເມືອງທະຫານແຂວງສະຫັວນນະເຂດເປີດບັ້ນດຳເນີນຊິວິດການເມືອງທ້າຍສະໄໝ
ເວລາອອກຂ່າວ: 2024-05-16 12:24:59 | ຜູ້ຂຽນ : admin2 | ຈຳນວນຄົນເຂົ້າຊົມ: 1031 | ຄວາມນິຍົມ: 
ໃນວັນທີ14 ພຶດສະພາ 2024 ນີ້, ຫ້ອງການເມືອງເປີດກອງປະຊຸມບັ້ນດຳເນີນຊິວິດການເມືອງທ້າຍະໄໝທີVI ແລະ ທາບທາມເອົາບຸກຄະລາກອນກຽມເຂົ້າເລືອກຕັ້ງຄະນະພັກຮາກຖານຫ້ອງຊຸດໃໝ່ໂດຍການເປັນປະທານຂອງ ສະຫາຍ ພົນຈັດຕະວາ ສີ ທະວີໄຊ ຄະນະປະຈໍາພັກແຂວງ ເລຂາຄະນະພັກກອງບັນຊາການ ຫົວໜ້າການເມືອງກອງບັນຊາການທະຫານແຂວງ, ມີບັນດາສະຫາຍໃນຄະນະພັກຮາກຖານ, ຄະນະໜ່ວຍພັກທັງ 5 ໜ່ວຍພັກຕະຫຼອດຮອດສະມາຊິກພັກສົມບູນແລະສຳຮອງເຂົ້າຮ່ວມ.
ໃນພິທີ, ສະຫາຍ ພັນໂທ ອິນປົງ ຂຽວນວນຕາ ຫົວໜ້າພະແນກພະນັກງານກອງບັນາການະຫານແຂວງຂຶ້ນຜ່ານມະຕິຕົກລົງ ເລກທີ 60/ຄພກບຊ ສ/ຂ. ວ່າດ້ວຍການອະນຸມັດໃຫ້ຫ້ອງການເມືອງເປີດດຳເນີນຊີວິດການເມືອງທ້າຍສະໃໝ່ແລະທາບທາມເອົາບຸກຄະລະກອນກຽມເຂົ້າສະໝັກເລືອກຕັ້ງເຂົ້າໃນຄະນະພັກຮາກຖານຊຸດໃໝ່ ຈາກນັ້ນ ສະຫາຍ ພັນເອກ ຄຳຜົງ ພັດທະນາ ປະທານກວດກາຄະນະພັກກອງບັນຊາການ,ເລຂາຄະນະພັກຮາກຖານ, ຫົວໜ້າຫ້ອງການເມືອງໄດ້ກໍ່ຂຶ້ນຜ່ານບົດສຳຫຼວດສະຫຼຸບຄືນການຊີ້ນໍາ-ນໍາພາຂອງຄະນະພັກຮາກຖານໃນໄລຍະ 5 ປີຜ່ານມາເຫັນໄດ້ຄື:ຜ່ານມາໄດ້ນຳພາສະມາຊິກພັກຄົ້ນຄ້ວາຖອດຖອນບົດຮຽນວຽກການເມືອງນຳພາແນວຄິດຂອງພັກປະຊາຊົນປະຕິວັດລາວວາງອອກເປັນປະຈຳທຸກໆເດືອນ.ເພື່ອເຮັດໃຫ້ສະມາຊິກພັກມີແນວຄິດອຸ່ນອ່ຽນທຸນທ່ຽງຕໍ່ການນຳພາທັງເປັນແບບຢ່າງໃຫ້ບັນດາສະມາຊິກຊາວໜຸ່ມມະຫາຊົນໃນການປະຕິບັດໜ້າທີ່ວຽກງານ.ຜ່ານມາມີ 4 ໜ່ວຍພັກຂຶ້ນກັບ, ປັດຈຸບັນໄດ້ຂະຫຍາຍເພີ່ມອີກ 1ໜ່ວຍລວມທັງໝົດມີ 5ໜ່ວຍພັກໃນນັ້ນສະມາຊິກພັກສົມບູນທັງໝົດ 92 ສະຫາຍ, ຍິງ 29 ສະຫາຍ ແລະ ກຳລັງສ້າງມະຫາຊົນກ້າວໜ້າຂະຫຍາຍເຂົ້າສະມາຊິກພັກສຳຮອງ 17 ສະຫາຍ, ຍິງ2 ສະຫາຍ. ວຽກງານກໍ່ສ້າງຮາກຖານການເມືອງກັບພໍ່ແມ່ປະຊາຊົນແມ່ນໄດ້ສົ່ງພະນັກງານໄປປະຈຳຢູ່ 2 ຈຸດສຸມ ຄືຈຸດສຸມຈຽງຕູເມືອງເໂປນ ແລະ ຈຸດສຸມຄຳປາແນເມືອງຊົນນະບູລີ. ຜ່ານມາສາມາດສ້າງຄອບຄົວແລະບ້ານປ້ອງກັນຊາດເຂັ້ມແຂງໄດ້ 959 ບ້ານ, ມີ158,765 ຄອບຄົວ.ດ້ານວຽກງານແກ້ໄຂຊີວິດການເປັນຢູ່ແມ່ນໄດ້ພ້ອມຈັດຕັ້ງປະຕິບັດ 4 ປູກ 4 ລ້ຽງ ຂອງກົມໃຫຍ່ພາລາທິການກອງທັບວາງອອກຕາມທ່າແຮງບົ່ມຊ້ອນຂອງຕົນ .ຈາກນັ້ນກອງປະຊຸມກໍ່ໄດ້ຜ່ານມາດຖານເງື່ອນໄຂຂອງຜູ້ທີ່ຈະສະໝັກເລືອກຕັ້ງເຂົ້າໃນຄະນະພັກຮາກຖານຊຸດໃໝ່ອີງໃສ່5ມາດຖານຂອງພັກວາງອອກ.
ໃນໂອກາດນີ້, ສະຫາຍ ພົນຈັດຕະວາ ສີ ທະວີໄຊ ຄະນະປະຈຳພັກແຂວງ ເລຂາຄະນະພັກກອງບັນຊາການ ຫົວໜ້າການເມືອງ ກອງບັນຊາການທະຫານແຂວງສະຫວັນະເຂດ ກໍ່ໄດ້ມີຄໍາເຫັນໂອ້ລົມຕໍ່ກອງຊຸມ ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄະນະພັກຮາກຖານໄດ້ເຮັດສຳເລັດໜ້າທີ່ໃນການຊີ້ນຳ-ນຳພາສະມາຊິກໃນການປະຕິບັດໜ້າທີ່ວຽກງານທີ່ພັກ-ລັດວາງອອກໄດ້ຮັບຜົນຳເລັດຫຼາຍດ້ານ. .
ຂ່າວ-ພາບ: ຄຳໃສ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
