POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 05 ທັນວາ 2024

ກອງບັນຊາການທະຫານແຂວງໄຊສົມບູນ ເຜີຍແຜ່ເຊື່ອມຊຶມບັນດາມະຕິ, ຄໍາສັ່ງແນະນໍາຂອງກົມການເມືອງສູນກາງພັກ ແລະ ເອກະສານຂອງຄະນະບໍລິຫານງານພັກແຂວງໄຊສົມບູນ
ເວລາອອກຂ່າວ: 2024-05-16 12:26:57 | ຜູ້ຂຽນ : admin2 | ຈຳນວນຄົນເຂົ້າຊົມ: 980 | ຄວາມນິຍົມ:

ໃນວັນທີ14-15 ພຶດສະພາ 2024 ນີ້, ຢູ່ທີ່ສະໂມສອນ ກອງບັນຊາການທະຫານແຂວງໄຊສົມບູນ ໄດ້ເຜີຍແຜ່ເຊື່ອມຊຶມມະຕິ, ຄໍາສັ່ງແນະນໍາຂອງກົມການເມືອງສູນກາງພັກ ແລະ ບັນດາເອກະສານຂອງຄະນະບໍລິຫານງານພັກແຂວງໄຊສົມບູນ, ໂດຍພາຍໃຕ້ການເປັນປະທານຂອງ ສະຫາຍ ພົນຈັດຕະວາ ໝອນຄໍາ ດວງສະຫວັນ ກໍາມະການພັກແຂວງ ຮອງເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງໄຊສົມບູນ, ມີຄະນະພັກ-ຄະນະບັນຊາອົງການ 5 ຫ້ອງ, 5 ກອງບັນຊາການທະຫານເມືອງ, ກອງພັນນ້ອຍ, ກອງຮ້ອຍເອກະລາດ, ໂຮງຮຽນ-ໂຮງໝໍ, ກອງປະຕິບັດງານ218, 311 ຕະຫຼອດຮອດພະນັກງານຫຼັກແຫຼ່ງທົ່ວກອງບັນຊາການເຂົ້າຮ່ວມ, ເອກະສານທີ່ນໍາມາເຜີຍແຜ່ເຊື່ອມຊຶມໃນຄັ້ງນີ້ ເຊິ່ງປະກອບມີ, ບັນດາມະຕິກອງປະຊຸມໃຫຍ່ ຄັ້ງທີ XI ຂອງສູນກາງພັກ, ມະຕິກອງປະຊຸມໃຫຍ່ ຄັ້ງທີV ຂອງອົງຄະນະພັກກະຊວງປ້ອງກັນປະເທດ, ຄໍາສັ່ງແນະນໍາຂອງຄະນະເລຂາສູນກາງພັກ ສະບັບເລກທີ 411/ຄລສພ, ລົງວັນທີ8 ສິງຫາ 2023 ແລະ ຄໍາສັ່ງແນະນໍາຂອງຄະນະປະຈໍາພັກແຂວງໄຊສົມບູນ ສະບັບເລກທີ 0787/ຄພ.ຊບ, ລົງວັນທີ3 ຕຸລາ 2023 ວ່າດ້ວຍການກະກຽມດໍາເນີນກອງປະຊຸມໃຫຍ່ 3 ຂັ້ນຂອງພັກທົ່ວແຂວງໄຊສົມບູນ, ການເຜີຍແຜ່ເຊື່ອມຊຶມເອກະສານໃນຄັ້ງນີ້ ເພື່ອແນໃສ່ເຮັດໃຫ້ຄະນະພັກ-ຄະນະບັນຊາ ແຕ່ລະຂັ້ນຕະຫຼອດຮອດພະນັກງານຫຼັກແຫຼ່ງ ໄດ້ຮັບຮູ້ເຊື່ອມຊຶມ ແລະ ເຂົ້າໃຈເປັນເອກະພາບຢ່າງເລິກເຊິ່ງ ຕໍ່ບັນດາເນື້ອໃນເອກະສານດັ່ງກ່າວ ເພື່ອເປັນການກະກຽມດໍາເນີນກອງປະຊຸມໃຫຍ່ 3 ຂັ້ນຂອງພັກ ແລະ ກອງປະຊຸມໃຫຍ່ ຄັ້ງທີ II ຂອງອົງຄະນະພັກ ກອງບັນຊາການທະຫານແຂວງໄຊສມົບູນ ທີ່ຈະມາເຖິງໃນມໍ່ໆນີ້, ເພື່ອເປັນພື້ນຖານໃນການຈັດຕັ້ງຜັນຂະຫຍາຍ ກອງປະຊຸມໃຫຍ່ 3 ຂັ້ນ ຂອງພັກ ກໍ່ຄືກອງປະຊຸມໃຫຍ່ ຄັ້ງທີII ຂອງຕົນໃຫ້ເປັນຮູບປະທໍາ, ທັງນີ້ກໍ່ເພື່ອເປັນການປັບປຸງຍົກສູງທັດສະນະຫຼັກໝັ້ນ, ຄຸນທາດການເມືອງຂອງພະນັກງານຫຼັກແຫຼ່ງໃນແຕ່ລະຂັ້ນ ໃນຄວາມຮັບຜິດຊອບຕົນເອງ ໃຫ້ມີຄວາມໜັກແໜ້ນເຂັ້ມແຂງ, ເດັດດ່ຽວໜຽວແໜ້ນ, ສືບຕໍ່ບຸກທະລຸດ້ານແນວຄິດ-ຈິດຕະນາການ ສ້າງໃຫ້ມີການຫັນປ່ຽນທາງດ້ານແນວຄິດ ແລະ ການກະທໍາ ເພື່ອສົ່ງເສີມດ້ານດີ ແລະ ແກ້ໄຂຈຸດອ່ອນ, ເປັນເຈົ້າການຕອບຕ້ານທຸກກົນອຸບາຍມ້າງເພທໍາລາຍຂອງພວກອິດທິກໍາລັງປໍລະປັກ ແລະ ກຸ່ມຄົນບໍ່ດີ, ມີແບບແຜນດໍາລົງຊີວິດທີ່ປອດໃສ, ມີຄວາມສາມັກຄີພາຍໃນເປັນເອກະພາບ, ເປັນກ້ອນກໍາລັງແຮງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືກົມກອງໃຫ້ມີຄວາມເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ, ຕອນທ້າຍ ກອງປະຊຸມ ສະຫາຍ ປະທານ ໄດ້ມີຄໍາເຫັນໂອ້ລົມຫຼາຍບັນຫາທີ່ສໍາຄັນ ພ້ອມທັງເນັ້ນໜັກໃຫ້ພະນັກງານຫຼັກແຫຼ່ງທີ່ໄດ້ເຂົ້າຮ່ວມເຊື່ອມຊຶມໃນຄັ້ງນີ້ ຈົ່ງພ້ອມກັນນໍາເອົາບັນດາເນື້ອໃນຈິດໃຈການເຜີຍແຜ່ເຊື່ອມຊຶມເອກະສານໃນຄັ້ງນີ້ ເພື່ອນໍາໄປຈັດຕັ້ງປະຕິບັດ ໃຫ້ຖືກຕ້ອງສອງຄ່ອງ ໃນການກະກຽມດໍາເນີນກອງປະຊຸມໃຫຍ່ 3 ຂັ້ນ ຂອງພັກ ແລະ ກອງປະຊຸມໃຫຍ່ ຄັ້ງທີ II ຂອງຕົນໃຫ້ປະກົດຜົນເປັນຈິງ. ພາບ-ຂ່າວ ຮ້ອຍເອກ ສົດ ນາມໄຕ

news to day and hot news