POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ໜ່ວຍສະຫະພັນແມ່ຍິງກົມການເງິນ ສໍາເລັດກອງປະຊຸມໃຫຍ່ຄັ້ງທີ VI
ເວລາອອກຂ່າວ: 2024-05-16 12:28:48 | ຜູ້ຂຽນ : admin2 | ຈຳນວນຄົນເຂົ້າຊົມ: 958 | ຄວາມນິຍົມ:

ວັນທີ16 ພຶດສະພາ 2024 ນີ້, ໜ່ວຍສະຫະພັນແມ່ຍິງກົມການເງິນກົມໃຫຍ່ພະລາທິການກອງທັບ ໄດ້ເປີດກອງປະຊຸມໃຫຍ່ຄັ້ງທີVI ຂອງຕົນ ແລະ ໄດ້ສໍາເລັດຜົນລົງຢ່າງຈົບງາມ, ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ຕີເບດ ສີແພງຄູນ ກໍາມະການຄະນະພັກອົງການກົມໃຫຍ່ ຫົວໜ້າຫ້ອງການເມືອງກົມໃຫຍ່ພະລາທິການກອງທັບ, ມີສະຫາຍ ພັນໂທ ນາງ ນຸ່ນແກ້ວ ຄໍາມຸງຄຸນ ຫົວໜ້າພະແນກສະຫະພັນແມ່ຍິງຫ້ອງການເມືອງກົມໃຫຍ່ພະລາທິການ, ຄະນະພັກ-ຄະນະບັນຊາ, ຄະນະໜ່ວຍສະຫະພັນແມ່ຍິງ, ແຂກຖືກເຊີນ ແລະ ສະມາຊິກເອື້ອຍນ້ອງສະຫະພັນແມ່ຍິງພາຍໃນໜ່ວຍເຂົ້າຮ່ວມ. ພັນໂທ ນາງ ຈັນສີ ກຸ່ມມະນີຈັນ ຫົວໜ້າໜ່ວຍສະຫະພັນແມ່ຍິງກົມການເງິນ ຜູ້ເກົ່າ ໄດ້ສະຫຼຸບການເຄື່ອນໄຫວວຽກງານຮອບດ້ານຂອງໜ່ວຍສະຫະພັນແມ່ຍິງກົມການເງິນໃນໄລຍະ ປີ 2020-2023 ແລະ ທິດທາງແຜນການ 2024-2028, ເຊິ່ງຄະນະໜ່ວຍ ແລະ ສະມາຊິກແມ່ຍິງທຸກສະຫາຍ ໄດ້ເອົາໃຈໃສ່ຖືເປັນສຳຄັນຕໍ່ວຽກງານສຶກສາອົບຮົມການເມືອງແນວຄິດເປັນວຽກງານແຖວໜ້າ, ປະຕິບັດທຸກມະຕິ, ຄຳສັ່ງ ແລະ ຂໍ້ກຳນົດ, ກົດລະບຽບຕ່າງໆ ຂອງສູນກາງສະຫະພັນແມ່ຍິງລາວຄັ້ງທີ VIII ວາງອອກໃນແຕ່ລະໄລຍະຢ່າງເຂັ້ມງວດ, ຮູ້ຫັນເອົາແນວທາງນະໂຍບາຍຂອງພັກມານໍາໃຊ້ໃຫ້ແທດເໝາະກັບໜ້າທີ່ການເມືອງຂອງກົມກອງ, ມີຄວາມເປັນເອກະພາບ ແລະ ເຊື່ອໝັ້ນຕໍ່ການນໍາພາຂອງພັກ, ມີແນວຄິດ ອຸ່ນອ່ຽນ ທຸ່ນທ່ຽງຕໍ່ໜ້າທີ່ວຽກງານຂອງການຈັດຕັ້ງຂັ້ນເທິງມອບໝາຍໃຫ້, ໂຄສະນາ, ສຶກສາອົບຮົມສະມາຊິກແມ່ຍິງ ໃຫ້ມີຄວາມຮັບຮູ້, ເຂົ້າໃຈແຈ້ງຕໍ່ແນວທາງນະໂຍບາຍຂອງພັກ, ລັດຖະທຳມະນູນ, ກົດໝາຍ, ແຜນພັດທະນາເສດຖະກິດ-ສັງຄົມ ແລະ ສົນທິສັນຍາສາກົນຕ່າງໆ ທີ່ພົວພັນເຖິງການພັດທະນາການປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ, ສົ່ງເສີມຄວາມກ້າວໜ້າຂອງແມ່ຍິງ, ເປັນເຈົ້າການ ແລະ ປະສານສົມທົບທຸກຂະແໜງການ ທີ່ກ່ຽວຂ້ອງໃນການຂຶ້ນແຜນບຳລຸງ-ສ້າງຖັນແຖວພະນັກງານ, ສະມາຊິກ ສະຫະພັນແມ່ຍິງດ້ານທິດສະດີການເມືອງ, ວິຊາສະເພາະ, ວິຊາຊີບເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່, ດໍາເນີນຊີວິດການເມືອງພາຍໃນຈຸ-ໜ່ວຍຢ່າງເປັນປົກກະຕິ ແລະ ເສຍເງິນບໍາລຸງສະຕິບໍ່ໄດ້ຂາດ. ຈາກນັ້ນ, ສະຫາຍ ພັນໂທ ນາງ ນຸ່ນແກ້ວ ຄໍາມຸງຄຸນ ຫົວໜ້າພະແນກສະຫະພັນແມ່ຍິງຫ້ອງການເມືອງກົມໃຫຍ່ພະລາທິການກອງທັບ, ກໍໄດ້ຜ່ານຂໍ້ຕົກລົງຂອງຫ້ອງການເມືອງກົມໃຫຍ່ພະລາທິການກອງທັບ ວ່າດ້ວຍການອະນຸມັດບົ່ງຕົວແຕ່ງຕັ້ງຄະນະໜ່ວຍສະຫະພັນແມ່ຍິງກົມການເງິນກົມໃຫຍ່ພະລາທິການກອງທັບຊຸດໃໝ່, ອີງຕາມກົດລະບຽບຂອງສະຫະພັນແມ່ຍິງລາວ ສະໄໝທີ VIII ໝວດທີ IV ມາດຕາ 18 ວ່າດ້ວຍສະຫະພັນແມ່ຍິງຂັ້ນຮາກຖານ 5 ປີໃດ ດໍາເນີນເທື່ອໜື່ງ, ອີງຕາມໜັງສືສະເໜີຂອງຄະນະພັກ-ຄະນະບັນຊາ ແລະ ໜ່ວຍສະຫະພັນແມ່ຍິງກົມການເງິນ, ເລກທີ 06/ໝສຍ, ລົງວັນທີ 26/04/2024, ຫ້ອງການເມືອງກົມໃຫຍ່ພະລາທິການ ຕົກລົງບົ່ງຕົວແຕ່ງຕັ້ງ ພັນໂທ ນາງ ມະນີວອນ ຄໍາມຸງຄຸນ ເປັນຫົວໜ່ວຍສະຫະພັນແມ່ຍິງ, ພັນໂທ ນາງ ທັດສະດີ ວົງຄໍາສົມ ເປັນຮອງໜ່ວຍ ແລະ ພັນໂທ ນາງ ຄໍານ້ອຍ ບຸນຍົງ ເປັນກຳມະການໜ່ວຍສະພັນແມ່ຍິງກົມການເງິນກົມໃຫຍ່ພະລາທິການກອງທັບຊຸດໃໝ່. ໂອກາດນີ້, ສະຫາຍ ພົນຈັດຕະວາ ຕີເບດ ສີແພງຄູນ ປະທານກອງປະຊຸມ ກໍໄດ້ໃຫ້ກຽດໂອ້ລົມຕໍ່ກອງປະຊຸມ, ເຊິ່ງກ່ອນອື່ນ ສະຫາຍ ໄດ້ກ່າວສະເເດງຄວາມຍ້ອງຍໍຊົມເຊີຍຕໍ່ຜົນງານ ແລະ ຜົນສໍາເລັດທີ່ຄະນະໜ່ວຍແມ່ຍິງ, ພ້ອມດ້ວຍສະມາຊິກເອື້ອຍນ້ອງແມ່ຍິງທຸກສະຫາຍສາມາດຍາດຜົນງານມາໄດ້ໃນໄລຍະ 4 ປີຜ່ານມາ ແລະ ຮຽກຮ້ອງມາຍັງຄະນະພັກ-ຄະນະບັນຊາກົມກອງ, ກໍຄືຄະນະໜ່ວຍຊຸດໃໝ່, ພ້ອມດ້ວຍສະມາຊິກເອື້ອຍນ້ອງແມ່ຍິງທຸກສະຫາຍ, ຈົ່ງເອົາໃຈໃສ່ເພີ່ມທະວີເຂົ້າໃນວຽກງານສຶກສາອົບຮົມການເມືອງ-ນໍາພາແນວຄິດເປັນກົກ, ເຊື່ອມຊຶມ, ກໍາແໜ້ນຕໍ່ແນວທາງນະໂຍບາຍປ່ຽນແປງໃໝ່ຂອງພັກ, ກໍ່ສ້າງຊ່ວຍເຫຼືອເຊິ່ງກັນ ແລະ ກັນ, ຕັ້ງໜ້າຝຶກຝົນຫຼໍ່ຫຼອມຕົນເອງທາງດ້ານຄຸນສົມບັດ ສິນທໍາປະຕິວັດ, ປະຕິບັດຂໍ້ກໍານົດກົດລະບຽບຕ່າງໆຂອງຂັ້ນເທິງຢ່າງວາງອອກເຂັ້ມງວດ, ມີຄວາມກະຕືລືລົ້ນ ແລະ ຫ້າວຫັນຕໍ່ໜ້າທີ່ວຽກງານວິຊາສະເພາະຂອງຕົນ, ປະຕິບັດຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ, ແບ່ງວຽກງານໃຫ້ບຸກຄົນຮັບຜິດຊອບຈະແຈ້ງ, ດໍາລົງຊີວິດດ້ວຍຄວາມປອດໃສຂາວສະອາດ, ເຮັດສໍາເລັດທຸກໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍເປັນຢ່າງດີ. ໂດຍ: ຄໍາປະສົງ ລາດຊະວົງ.

news to day and hot news