ວັນເສົາ, ວັນທີ 07 ທັນວາ 2024
ວປກ ເປີດຂະບວນການແຂ່ງຂັນ ປະຈໍາປີ 2024
ເວລາອອກຂ່າວ: 2024-05-16 14:57:02 | ຜູ້ຂຽນ : admin2 | ຈຳນວນຄົນເຂົ້າຊົມ: 1666 | ຄວາມນິຍົມ: 
ວິທະຍາຄານປ້ອງກັນຊາດ ໄກສອນ ພົມວິຫານ (ວປກ)ຈັດຕັ້ງເປີດຂະບວນການແຂ່ງຂັນ ປະຈຳປີ 2024 ສໍາລັບເນື້ອໃນຂໍ້ແຂ່ງຂັນແມ່ນຜັນຂະຫຍາຍເນື້ອໃນຂໍ້ແຂ່ງຂັນລວມຂອງລັດຖະບານ “ ຮັກຊາດ ແລະ ພັດທະນາ" ໃຫ້ສອດຄອງກັບ 4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດ ໂດຍການເຂົ້າຮ່ວມເປັນປະທານ ຂອງສະຫາຍ ພົນຈັດຕະວາ ແກ້ວສຸວັນ ອິນທະວົງສາ ກໍາມະຄະນະພັກກະຊວງປ້ອງກັນປະເທດ ຫົວໜ້າການທະຫານ ວປກ, ມີຄະນະພັກ-ຄະນະບັນຊາ ວິທະຍາຄານ, ຄະນະພັກ-ຄະນະບັນຊາ43 ຫົວໜ່ວຍກົມກອງ, ພ້ອມດ້ວຍພະນັກງານຄູ-ອາຈານເຂົ້າຮ່ວມ.
ສະຫາຍ ພັນໂທ ຈັນດາ ໄຊຈະເລີນ ຮອງຫົວໜ້າກົມການເມືອງ ວປກ ໄດ້ຜ່ານບົດສະຫຼຸບ ແລະ ເນື້ອໃນຂໍ້ແຂ່ງຂັນເຊິ່ງໃນໄລຍະ 1 ປີ ຜ່ານມາ ພາຍໃຕ້ການຊີ້ນໍາ ຂອງກະຊວງປ້ອງກັນປະເທດ ໃນການຈັດຕັ້ງຜັນຂະຫຍາຍຂະບວນການແຂ່ງຂັນປະຈຳ ປີ 2023, ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ປຸກລະດົມທຸກພາກສ່ວນກົມກອງ, ພະນັກງານ, ນັກຮົບໃຫ້ຈັດຕັ້ງເຄື່ອນໄຫວຢ່າງຟົດຟື້ນ ເຖິງວ່າສະພາບການຂອງໂລກຈະພົບກັບຄວາມຫຍຸ້ງຍາກ ຈາກອິດທິກຳລັງປໍລະປັກ ແລະ ກຸ່ມຄົນບໍ່ດີທີ່ຫວັງມ້າງເພລະບອບໃໝ່ຂອງພວກເຮົາ, ໄພທຳມະຊາດເກີດຂຶ້ນ ແລະ ຂໍ້ຫຍຸ້ງຍາກທາງດ້ານເສດຖະກິດສົ່ງ ຜົນຕໍ່ການດໍາລົງຊີວິດຂອງພະນັກງານ, ນັກຮົບແຕ່ພວກເຮົາ ກໍສາມາດຜ່ານຜ່າ ບັນດາອຸປະສັກນັ້ນໄດ້ ໂດຍພາຍໃຕ້ການນໍາພາ-ຊີ້ນໍາ ຂອງຄະນະພັກ ວປກ ໄດ້ຈັດຕັ້ງຜັນຂະຫຍາຍເນື້ອໃນຈິດໃຈ ຕາມແຜນການຂອງກະຊວງປ້ອງກັນປະເທດວາງອອກ. ຄະນະນໍາ ວປກ ໄດ້ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີV ຂອງອົງຄະນະພັກກະຊວງປ້ອງກັນປະເທດ ແລະ ເພື່ອກະກຽມກອງປະຊຸມໃຫຍ່ຄັ້ງທີV ຂອງອົງຄະນະພັກ ວປກ . ຄຽງຄູ່ກັນນັ້ນ ຄະນະພັກ-ຄະນະບັນຊາ ວປກ ໄດ້ຈັດຕັ້ງຜັນຂະຫຍາຍ4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດ ລົງສູ່ຮາກຖານກົມກອງໄດ້ຮັບໝາກຜົນ, ຈາກຜົນສໍາເລັດດັ່ງກ່າວ ຄະນະນໍາ ວປກ ຍັງໄດ້ເພີ່ມທະວີວຽກງານປຸກລະດົມຂົນຂວາຍລົງສູ່ຮາກຖານບັນດາເມືອງອ້ອມຂ້າງ ເພື່ອສ້າງພື້ນຖານປະຊາຊົນ ເພື່ອສະກັດກັ້ນປະກົດການຫຍໍ້ທໍ້ທີ່ເກີດຂຶ້ນທາງພາຍນອກ ແລະ ພາຍໃນໃຫ້ທັນສະພາບການ. ຈາກນັ້ນ, ສະຫາຍ ພົນຈັດຕະວາ ສົມພອນ ສີສຸວັນນະ ຮອງຫົວໜ້າການເມືອງ ຫົວໜ້າກົມການເມືອງ ວປກ ຂຶ້ນຜ່ານຂໍ້ຕົກລົງເປີດຂະບວນການແຂ່ງຂັນຂອງຫົວໜ້າ ວປກ ຢ່າງເປັນທາງການ.
ໃນໂອກາດດັ່ງກ່າວນີ້, ສະຫາຍປະທານໄດ້ມີຄໍາເຫັນຕໍ່ຂະບວນການເປີດຂໍ້ແຂ່ງຂັນເຊິ່ງໄດ້ຮຽກຮ້ອງຫຼາຍບັນຫາທີ່ຈະຕ້ອງສຸມໃສ່ເປັນຕົ້ນ ຄະນະພັກ-ຄະນະບັນຊາ ແຕ່ລະກົມກອງ ຕ້ອງໄດ້ຖືສໍາຄັນວຽກງານສຶກສາອົບຮົມການເມືອງ-ແນວຄິດເປັນກົກ, ເປັນເຈົ້າການຍູ້ແຮງຂະບວນການອົບຮົມຫັດແອບຂອງກົມກອງ, ຂະບວນການກິລາ, ສິລະປະ, ຂະບວນການເພີ່ມພູນຜະລິດຜົນ ແລະ ຂະບວນການອື່ນໆ ທີ່ຕິດພັນກັບ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກ, ສ້າງໃຫ້ໄດ້ນັກຮົບ ແລະ ກົມກອງວັດທະນະທໍາ, ກົມກອງ 3 ປອດ, ໜ່ວຍພັກປອດໃສ ເຂັ້ມແຂງ ໜັກແໜ້ນ, ເພື່ອສ້າງຜົນງານຂໍ່ານັບຮັບຕ້ອນວັນສໍາຄັນຕ່າງໆຂອງຊາດ, ຂອງພັກ, ຂອງກອງທັບໃຫ້ມີບັນຍາກາດຟົດຟື້ນ.
ໂດຍ: ສຸເວດ ສີດາຄໍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
