ວັນເສົາ, ວັນທີ 07 ທັນວາ 2024
ການນຳພັກ-ລັດ ລົງຕິດຕາມ, ຊີ້ນໍາ ໂຄງການກໍ່ສ້າງໂຮງແຮມ ລາດຊະວົງພລາຊາ
ເວລາອອກຂ່າວ: 2024-05-16 15:00:52 | ຜູ້ຂຽນ : admin2 | ຈຳນວນຄົນເຂົ້າຊົມ: 1795 | ຄວາມນິຍົມ: 
ໃນວັນທີ16 ພຶດສະພາ 2024 ນີ້, ການນຳພັກ-ລັດຖະບານ ແຫ່ງ ສປປ ລາວ ນໍາໂດຍ ທ່ານ ບຸນທອງ ຈິດມະນີ ຮອງປະທານປະເທດ, ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມດ້ວຍຄະນະລັດຖະບານ ໄດ້ລົງຕິດຕາມ, ຊີ້ນຳໂຄງການກໍ່ສ້າງໂຮງແຮມ ລາດຊະວົງພລາຊາ ໂດຍການຕ້ອນຮັບຂອງທ່ານ ເສີນສ່ຽງ ຜູ້ອໍານວຍການ ບໍລິສັດ ລາດຊະວົງ ພັດທະນາຈຳກັດ ພ້ອມດ້ວຍຄະນະ.
ໂອກາດນີ້, ທ່ານ ເສີນສຽງ ຜູ້ອໍານວຍການ ບໍລິສັດ ລາດຊະວົງ ພັດທະນາຈຳກັດ ໄດ້ລາຍງານຄວາມຄືບໜ້າຂອງໂຄງການດັ່ງກ່າວ ເຊິ່ງໃນປັດຈຸບັນນີ້ ໂຄງການໄດ້ດໍາເນີນວຽກງານໄລຍະສຸດທ້າຍຂອງການກໍ່ສ້າງ ຄື: ວຽກງານຕິດຕັ້ງລະບົບໄຟຟ້າ, ວຽກງານຕົບແຕ່ງ ສໍາເລັດແລ້ວໃນຫຼາຍພາກສ່ວນ, ບາງຊັ້ນສາມາດພ້ອມໃຊ້ງານ ແລະ ໂຄງການຈະໄດ້ເປີດການທົດລອງນໍາໃຊ້ໂຮງແຮມ ເພື່ອຈະໄດ້ຮູ້ຈຸດບົກຜ່ອງ ແລະ ທ່ວງທັນໃນການແກ້ໄຂບັນຫາຕ່າງໆ ຮັບປະກັນບໍ່ໃຫ້ມີຂໍ້ຜິດພາດກ່ອນການເປີດນໍາໃຊ້ຢ່າງເປັນທາງການ ໃນໄວໆນີ້ ຄຽງຄູ່ກັນນີ້, ກໍໄດ້ເຝິກອົບຮົບພະນັກງານ ແຕ່ລະພາກສ່ວນທີ່ຈະເຂົ້າມາປະຈໍາການ ເພື່ອຮອງຮັບການບໍລິການໃຫ້ໄດ້ຕາມມາດຕະຖານຂອງໂຮງແຮມ 5 ດາວ. ທັງນີ້, ກໍເພື່ອເປັນການຍົກລະດັບພື້ນຖານໂຄງລ່າງ ເພື່ອຮັບໃຊ້ວຽກງານດ້ານການທ່ອງທ່ຽວ ແລະ ດ້ານການຄ້າ, ຍົກສູງຄຸນນະພາບການບໍລິການ ແລະ ມອບປະສົບການໃໝ່ໆອັນໜ້າປະທັບໃຈໃຫ້ແກ່ລູກຄ້າ ທີ່ຈະເຂົ້າມາໃຊ້ບໍລິການ. ສັງລວມແລ້ວການຈັດຕັ້ງປະຕິບັດໂຄງການກໍ່ສ້າງ ໂຮງແຮມ ລາດຊະວົງ ພລາຊາ ຮອດປັດຈຸບັນນີ້ ແມ່ນສຳເລັດແລ້ວເກືອບ 90% ແລະ ຄາດວ່າຈະໃຫ້ສໍາເລັດສົມບູນ 100% ໃນທ້າຍເດືອນມິຖຸນາ 2024 ນີ້.
ໂດຍ: ຈິດ ເພັດພູທອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
