ກອງທັບປະຊາຊົນລາວ
 
ວັນຈັນ, ວັນທີ 24 ມິຖຸນາ 2024

  

ມອບ-ຮັບໜ້າທີ່ຫົວໜ້າກົມການທະຫານທ້ອງຖິ່ນ ຜູ້ເກົ່າ ແລະ ຜູ້ໃໝ່
ເວລາອອກຂ່າວ: 2024-05-16 15:03:49 | ຜູ້ຂຽນ : admin2 | ຈຳນວນຄົນເຂົ້າຊົມ: 594 | ຄວາມນິຍົມ:



ວັນທີ15 ພຶດສະພາ 2024 ນີ້, ກົມການທະຫານທ້ອງຖິ່ນ ກົມໃຫຍ່ເສນາທິການກອງທັບໄດ້ຈັດພິທີມອບ-ຮັບໜ້າທີ່ ລະຫວ່າງ ສະຫາຍ ພົນຈັດຕະວາ ກົງທອງ ສຸຂະວົງ ຫົວໜ້າກົມການທະຫານທ້ອງຖິ່ນ ( ຜູ້ເກົ່າ ) ແລະ ສະຫາຍ ພັນເອກ ບຸນລ້ອມ ອຸດົມສຸກ ຫົວໜ້າກົມການທະຫານທ້ອງຖິ່ນ ( ຜູ້ໃໝ່ ) ໂດຍການເຂົ້າຮ່ວມ ເປັນປະທານ ແລະ ສັກຂິພະຍານຂອງ ສະຫາຍ ພົນຕີ ວັນທອງ ບຸດຕະວົງ ກໍາມະການຄະນະພັກກະຊວງ ຮອງໜ້າກົມໃຫຍ່ເສນາທິການກອງທັບ, ມີຄະນະກົມ, ຫ້ອງການ, ແຂກຖືກເຊີນ, ພະນັກງານຫຼັກແຫຼ່ງພາຍໃນກົມເຂົ້າຮ່ວມ. ສະຫາຍ ພົນຈັດຕະວາ ກົງທອງ ສຸຂະວົງ ຫົວໜ້າກົມການທະຫານທ້ອງຖິ່ນ ( ຜູ້ເກົ່າ ) ໄດ້ຂຶ້ນຜ່ານບົດສະຫຼຸບຫຍໍ້ໃນການນໍາພາ-ຊີ້ນໍາ ບັນດາໜ້າວຽກທີ່ໄດ້ຈັດຕັ້ງປະຕິບັດຕາມພາລະບົດບາດ, ສິດ ແລະ ໜ້າທີ່ ຄວາມຮັບຜິດຊອບຂອງກົມການທະຫານທ້ອງຖິ່ນ ກົມໃຫຍ່ເສນາທິການກອງທັບ ໄລຍະຜ່ານມາເປັນເຈົ້າການ ຈັດຕັ້ງປະຕິບັດ ສຶກສາອົບຮົມວຽກງານການເມືອງ-ແນວຄິດ, ໃຫ້ພະນັກງານ-ນັກຮົບ, ສອດຫ້ອຍເຂົ້າໃນທຸກຂົງເຂດວຽກງານດ້ວຍຫຼາຍຮູບການຫຼາຍລະດັບແຕກຕ່າງກັນ ເຂົ້າໃນແຕ່ລະເປົ້າໝາຍຖັນແຖວພະນັກງານ-ນັກຮົບ, ໄດ້ຫັນເອົາມະຕິ, ຄຳສັ່ງ, ຂໍ້ກຳນົດກົດລະບຽບຂອງກອງທັບ, ກົດໝາຍຂອງພັກ-ລັດ, ກໍ່ຄືເອກະສານຕ່າງໆທີ່ມີການພົວພັນເຖິງຂົງເຂດຄວາມຮັບຜິດຊອບ ແລະ ເປັນບ່ອນອີງອັນແໜ້ນແກ່ນໃຫ້ແກ່ການຈັດຕັ້ງຄົ້ນຄວ້າແຜນງານ, ເຊື່ອມຊຶມຮັບຮູ້ເຂົ້າໃຈຢ່າງເລິກເຊິ່ງ ປັບປຸງລະບຽບການ ແລະ ແບບແຜນວິທີເຮັດວຽກ ການປັບປຸງເນື້ອໃນນິຕິກໍາຕ່າງໆກ່ຽວກັບວຽກງານທະຫານທ້ອງຖິ່ນ, ລົງຊຸກຍູ້-ຊີ້ນໍາທົ່ວປະເທດ, ສ້າງແຜນການອົບຮົມວຽກງານການທະຫານທ້ອງຖິ່ນ ປະຈໍາປີ 2024 ແລະ ຜ່ານອະນຸມັດ, ເປັນກອງເລຂາຈັດຕັ້ງຄະນະກໍາມະການສຶກສາປ້ອງກັນຊາດ-ປ້ອງກັນຄວາມສະຫງົບຂັ້ນສູນກາງ, ຂັ້ນແຂວງສໍາເລັດ, ສົມທົບກັບກົດໝາຍ ກະຊວງປ້ອງກັນປະເທດ ປັບປຸງດໍາລັດ 93/ນຍ ແລະ ຂໍ້ກໍານົດ 1411/ກປທ, ອົບຮົມເປົ້າໝາຍ 3 ໄດ້ 6 ຊຸດຫັດແອບປ້ອງກັນຈັ້ງທ່າເມືອງ 2 ແຂວງ, ບ້ານປ້ອມໝັ້ນ 46 ບ້ານ, ກຸ່ມບ້ານສູ້ຮົບລຽນຕິດໄດ້ 6 ບ້ານ, ອົບຮົມຫັດແອບຜູ້ບັນຊາກອງຮ້ອຍ-ກອງຫຼອນ ໄດ້ 4 ຊຸດ, ອົບຮົມການເມືອງ-ການທະຫານກອງຮ້ອຍ ແລະ ໝວດເອກະລາດ, ປະກາດສ້າງຕັ້ງກອງຮ້ອຍປ້ອງກັນຕົວ 3 ແຂວງ, ປະກອບບັນດາອາວຸດ-ກາສູນ ໃຫ້ກໍາລັງປ້ອງກັນຕົວທີ່ສ້າງຕັ້ງໃໝ່, ເຂົ້າຮ່ວມກັບຄະນະຜູ້ແທນກົມໃຫຍ່ເສນາທິການກອງທັບຢ້ຽມຢາມມິດຕະພາບແມ່ທັບພາກ 3 ກອງທັບແຫ່ງ ລາຊະອານາຈັກໄທ. ຈາກນັ້ນກໍ່ໄດ້ມີພິທີເຊັນບົດບັນທຶກມອບ-ຮັບ ໜ້າທີ່ລະຫວ່າງ ສະຫາຍ ພົນຈັດຕະວາ ກົງທອງ ສຸຂະວົງ ຫົວໜ້າກົມການທະຫານທ້ອງຖິ່ນ ( ຜູ້ເກົ່າ ) ແລະ ສະຫາຍ ພັນເອກ ບຸນລ້ອມ ອຸດົມສຸກ ຫົວໜ້າກົມການທະຫານທ້ອງຖິ່ນ ( ຜູ້ໃໝ່ ). ໂອກາດນີ້, ສະຫາຍ ພົນຕີ ວັນທອງ ບຸດຕະວົງ ກໍໄດ້ໃຫ້ກຽດໂອ້ລົມເຊິ່ງສະຫາຍ ໄດ້ຕີລາຄາສູງ ແລະ ສະແດງຄວາມຍ້ອງຊົມເຊີຍຕໍ່ບັນດາສະຫາຍ ທີ່ເຮັດສຳເລັດໜ້າທີ່ ແລະ ໄດ້ສຸມເຫື່ອແຮງ, ສະຕິປັນຍາ, ປະກອບເຂົ້າໃນວຽກງານຊີ້ນຳ-ນຳພາ, ເຊິ່ງການຍົກຍ້າຍ-ຊັບຊ້ອນໜ້າທີ່ມັນແມ່ນ ກົດເກນພາວະວິໄສ ຕາມລະບຽບຫຼັກການແນວທາງຂອງພັກ, ພ້ອມທັງເນັ້ນໜັກໃຫ້ຜູ້ທີ່ຮັບໜ້າທີ່ໃໝ່ ເປັນແບບຢ່າງໃຫ້ພະນັກງານຂັ້ນລຸ່ມຢ່າງຮອບດ້ານ, ຍົກສູງຄຸນທາດການເມືອງຄຸນສົມບັດສິນທຳປະຕິວັດ, ປັບປຸງແບບແຜນວິທີເຮັດວຽກຢ່າງມີຫຼັກການວິທະຍາສາດ, ຍຶດໝັ້ນຫຼັກການລວມສູນປະຊາທິປະໄຕ ຕາມ 5 ຫຼັກການ 3 ທິດນໍາຂອງພັກ, ມີຄວາມສາມັກຄີພາຍໃນໝູ່ຄະນະຢ່າງໝັກແໜ້ນ, ເສຍສະຫຼະຜົນປະໂຫຍດສ່ວນຕົວເພື່ອສ່ວນລວມ, ຄົ້ນຄວ້າຮໍ່າຮຽນພັດທະນາຕົນເອງ ແລະ ສ້າງບັນດາກົມກອງກໍາລັງຫຼວງ-ກໍາລັງທ້ອງຖິ່ນ ກໍຄືກົມການທະຫານທ້ອງຖິ່ນ ໃຫ້ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ, ປັບປຸງກໍ່ສ້າງກົມກອງ-ກໍາລັງ ໃຫ້ມີແບບແຜນກ້າວໜ້າທັນສະໄໝ ໃນທຸກຂົງເຂດວຽກງານຢ່າງຮອບດ້ານ. ໂດຍ : ເກດຕະວັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ