ກອງທັບປະຊາຊົນລາວ
 
ວັນຈັນ, ວັນທີ 24 ມິຖຸນາ 2024

  

ຄະນະ​ພັກ​ຮາກ​ຖານ ກອງພັນ​ທີ 1 ກອງພັນໃຫຍ່ 611 ສຳເລັດ​ກອງ​ປະຊຸມ​ໃຫຍ່ ຄັ້ງ​ທີ I
ເວລາອອກຂ່າວ: 2024-05-17 08:51:12 | ຜູ້ຂຽນ : admin1 | ຈຳນວນຄົນເຂົ້າຊົມ: 285 | ຄວາມນິຍົມ:



ກອງ​ປະຊຸມ​ໃຫຍ່ ຄັ້ງ​ທີ I ຂອງ​ຄະນະ​ພັກ​ຮາກ​ຖານ ກອງພັນ​ທີ 1 ກອງພັນ​ໃຫຍ່ 611 ໄດ້​ໄຂ​ຂຶ້ນ ແລະ ອັດ​ລົງ​ດ້ວຍ​ຜົນສຳເລັດ​ອັນ​ຈົບງາມ​ໃນ​ວັນ​ທີ 13 ພຶດສະພາ 2024, ໂດຍ​ການ​ເປັນ​ປະທານ ​ຂອງ​ສະຫາຍ ພັນ​ເອກ ອຸໄທ ຖະໜອມ​ໃຈ ເລຂາ​ຄະນະ​ພັກ, ​ຫົວໜ້າ​ການເມືອງ ກອງພັນ​ໃຫຍ່ 611, ມີ ສະຫາຍ ພັນ​ຕີ ໂນ​ໄລ ພົມ​ມະ​ວົງສາ ເລຂາ​ຄະນະ​ພັກ​ຮາກ​ຖານ ກອງພັນ​ທີ 1, ແຂກ​ຖືກ​ເຊີນ​ຕະຫຼອດ​ຮອດ​ຄະນະໜ່ວຍ​ພັກສະມາຊິກພັກ​ສົມບູນ ແລະ ສຳຮອງ ໃນ​ທົ່ວ​ກອງພັນ ເຂົ້າ​ຮ່ວມ. ສະຫາຍ ພັນ​ຕີ ໂນ​ໄລ ພົມ​ມະ​ວົງສາ ໄດ້​ຜ່ານ​ບົດ​ລາຍ​ງານ​ການເມືອງ​ທັງ​ສອງ​ພາກ​ເຊິ່ງ​ໄດ້​ຍົກ​ໃຫ້​ເຫັນ​ຜົນງານ ແລະ ຜົນສຳເລັດ​ໃນ​ຫຼາຍ​ດ້ານ​ພົ້ນ​ເດັ່ນ​ທີ່​ສ້າງໄດ້​ຕະຫຼອດ​ໄລຍະ​ທີ່​ຜ່ານ​ມາ ແລະ ທິດ​ທາງ​ນຳພາ 5 ປີ​ຕໍ່ໜ້າ, ໂດຍ​ປີ່ນ​ອອ້ມ 4 ໜ້າທີ່​ໃຫຍ່ 26 ແຜນ​ງານ​ທີ່​ຄະນະ​ພັກ​ກະຊວງ​ປ້ອງ​ກັນ​ປະເທດ​ວາງ​ອອກ ຕິດ​ພັນ​ກັບ​ໜ້າທີ່​ການເມືອງ​ຂອງ​ກົມ​ກອງ​ຍ່າງ​ໜັກ​ແໜ້ນ, ໂດຍ​ຖື​ເອົາ​ການ​ສຶກ​ສາ​ອົມ​ຮົບ​ການເມືອງ-ນຳພາ​ແນວ​ຄິດ​ເປັນ​ບັນຫາ​ສຳຄັນ ​ເຊື່ອມ​ຊຶມ​ກຳ​ແໜ້ນ​ແນວທາງ​ນະໂຍບາຍ​ຂອງ​ພັກ, ບັນດາ​ກົດໝາຍ​ຂອງ​ລັດ ແລະ ໜ້າທີ່​ການເມືອງ​ຂອງ​ກອງທັບ​ຢ່າງ​ຕໍ່​ເນື່ອງ. ນອກ​ນັ້ນ, ຍັງ​ໄດ້​ເອົາໃຈໃສ່​ຕໍ່ໜ້າ​ທີ່​ວຽກ​ງານ​ແກ້​ໄຂ​ຊີວິດ​ການ​ເປັນ​ຍູ່​ພາຍ​ໃນ​ກົມ​ກອງ​ໂດຍ​ຖື​ເອົາ​ການ​ປູກຝັງ-ລ້ຽງສັດ​ເພື່ອ​ຮັບປະກັນ​ໃຫ້​ແກ່​ຊີວິດ​ການ​ເປັນ​ຍູ່​ນັບ​ມື້​ດີ​ຂຶ້ນ​ເທື່ອ​ລະ​ກ້າວ ​ພ້ອມ​ນີ້​ໄດ້​ຖື​ວຽກ​ງານ​ກໍ່ສ້າງ​ພະນັກງານ​ຕາມ 5 ຫຼັກການ 3 ທິດ​ນຳ​ຂອງ​ພັກ ​ຕິດ​ພັນ​ກັບ​ການ​ກໍ່ສ້າງ​ພັກ​ທັງ 4 ດ້ານ​ແນໃສ່​ຍົກ​ສູງ​ຄຸນ​ທາດ​ການເມືອງ​ຄຸນສົມບັດ​ສິນ​ທຳ​ປະຕິວັດ ​ຄວາມ​ຮູ້​ຄວາມ​ສາມາດຂອງພະນັກງານ, ສາ​ມະ​ຊິກ​ພັກ, ນັກຮົບ​ໃຫ້​ມີ​ຄຸນ​ນະ​ພາບ​ສູງ​ເອົາໃຈໃສ່​ວຽກ​ງານ​ປັບປຸງ​ກໍ່ສ້າງ​ກຳລັງ​ວຽກ​ງານ​ອົບຮົມ-ຫັດ​ແອບ, ​ວຽກ​ງານ​ປັບປຸງ​ກໍ່ສ້າງ​ກົມ​ກອງ, ​ວຽກ​ງານ​ຈັດ​ຕັ້ງ​ມະຫາຊົນ​ ໄດ້​ປະຕິບັດ​ນະໂຍບາຍ​ສະເໜີ​ເລື່ອນ​ຊັ້ນ​ໃຫ້​ພະນັກງານ​ຜູ້​ທີ່​ມີ​ຜົນງານ​ດີເດັ່ນ​ທັງ​ໝົດ 7 ສະຫາຍ ​ສະເໜີ​ຂັ້ນ​ເທິງ​ຍ້ອງຍໍ​ຜົນງານ​ຊ້ອມ​ຮົບ​ໃຫ້​ແກ່​ກົມ​ກອງ​ລວມ​ໝູ່ ແລະ ບຸກຄົນ​ປະເພດ​ຫຼຽນ​ໄຊ, ຫຼຽນ​ກາ 10 ໜ່ວຍ, ໃບ​ຍ້ອງຍໍ 9 ໃບ, ການ​ຊອກ​ແຫຼ່ງ​ລາຍ​ຮັບ ແລະ ການ​ແລກປ່ຽນ​ແຮງ​ງານ​ການ​ປະຢັດ​ອື່ນໆລວມ​ເປັນ​ເງິນ 25.600.000 ກີບ. ປັດຈຸບັນ ກອງພັນ​ທີ 1 ຂອງ​ກອງພັນ​ໃຫຍ່ 611 ມີ 1 ຄະນະ​ພັກ​ຮາກ​ຖານ, ມີ 4 ໜ່ວຍ​​ພັກ​ຂຶ້ນ​ກັບ, ສະມາຊິກ​ພັກ​ທັງ​ໝົດ 34 ສະຫາຍ, ສົມບູນ 33 ສະຫາຍ, ຍິງ 3 ສະຫາຍ, ສຳຮອງ 1 ສະຫາຍ. ໃນ​ກອງ​ປະຊຸມ​ບັນດາ​ຜູ້​ແທນ​ຍັງ​ໄດ້​ປະກອບ​ຄຳ​ຄິດ​ເຫັນ​ຕໍ່​ບົດ​ລາຍ​ງານ​ການເມືອງ​ທັງ​ສອງ​ພາກ​ເພື່ອ​ໃຫ້​ມີ​ເນື້ອ​ໃນ​ຄົບ​ຖ້ວນ​ສົມບູນ ຈາກ​ນັ້ນ, ​ສາ​ມະ​ຊິກ​ໄດ້​ໃຊ້​ສິດ​ປະຊາທິປະໄຕ​ຂອງ​ຕົນ​ປ່ອນ​ບັດ​ຄັດ​ເລືອກ​ເອົາ​ຄະນະ​ພັກ​ຮາກ​ຖານ ກອງພັນ​ທີ 1 ຊຸດ​ໃໝ່​ໄດ້​ຕາມ​ລຳດັບ​ຄາດໝາຍ. ໂດຍ: ພູ​ວາ ເພຍ​ຄຳ​ໂງ່ນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ