ກອງທັບປະຊາຊົນລາວ
 
ວັນພຸດ, ວັນທີ 26 ມິຖຸນາ 2024

  

ກົມ​ໃຫຍ່​ເສນາ​ທິ​ການ​ກອງທັບ ເຂົ້າ​ຊົມ​ງານ​ວາງສະແດງ​ຮູບ​ພາບ​ລະນຶກ ວັນ​ໄຊຊະນະ​ບັ້ນ​ຮົບ​ດຽນ​ບຽນ​ຝູ ຄົບຮອບ 70 ປີ
ເວລາອອກຂ່າວ: 2024-05-17 08:52:34 | ຜູ້ຂຽນ : admin1 | ຈຳນວນຄົນເຂົ້າຊົມ: 257 | ຄວາມນິຍົມ:



ໃນ​ວັນ​ທີ 16 ພຶດສະພາ 2024 ນີ້, ກົມ​ໃຫຍ່​ເສນາ​ທິ​ການ​ກອງທັບ ໂດຍ​ການ​ນຳພາ ຂອງ​ສະຫາຍ ພັນ​ເອກ ເທບ​ພະ​ພອນ ຫອມ​ດີ ຮອງ​ຫົວໜ້າ​ຫ້ອງ​ການເມືອງ ກົມ​ໃຫຍ່​ເສນາ​ທິ​ການ​ກອງທັບ ພ້ອມ​ດ້ວຍ​ພະນັກງານ-ນັກ ຮົບ ໄດ້​ເຂົ້າ​ຊົມ​ງານ​ວາງສະແດງ​ຮູບ​ພາບລະນຶກ​ວັນ​ໄຊຊະນະ​ບັ້ນ​ຮົບ​ດຽນ​ບຽນ​ຝູ ຄົບຮອບ 70 ປີ (7 ພຶດສະພາ 1954-7 ພຶດສະພາ 2024) ຢູ່​ທີ່​ຫໍ​ພິ​ພິ​ທະ​ພັນ​ປະຫວັດສາດ​ກອງທັບ​ປະຊາຊົນ​ລາວ. ການ​ເຂົ້າ​ຊົມ​ງານ​ວາງສະແດງ​ຮູບ​ພາບ ລະນຶກ​ວັນ​ໄຊຊະນະ​ບັ້ນ​ຮົບ​ດຽນ​ບຽນ​ຝູ ຄົບຮອບ 70 ປີ ໃນ​ຄັ້ງ​ນີ້ ໄດ້​ຮັບ​ຟັງ​ການ​ອະທິບາຍ​ເຫດການ​ຕ່າງໆ ​ທາງ​ປະຫວັດສາດ ຜ່ານ​ຮູບ​ພາບ​ຕ່າງໆ ສະແດງ​ໃຫ້​ເຫັນ​ເຖິງ​ການ​ຕໍ່ສູ້​ທີ່​ດຸເດືອດ, ຂ້ຽວຂາດ​ທີ່​ສຸດ​ໃນ​ພາລະກິດ​ຕໍ່ສູ້​ກູ້​ຊາດ​ລະຫວ່າງ​ກອງທັບ​ປະຊາຊົນ​ຫວຽດນາມ ກັບ​ພວກ​ລ່າ​ເມືອງ​ຂຶ້ນ​ຝຣັ່ງ​ຜູ້​ຮຸກ​ຮານ ແລະ ການ​ແຊກ​ແຊງ​ຊ່ວຍ​ໜູນ​ຂອງ​ຈັກກະພັດ​ອາ​ເມ​ຣິ​ກາ ທັງ​ສະທ້ອນ​ໃຫ້​ເຫັນ​ເຖິງ​ຄວາມ​ສາມັກຄີ, ຄວາມ​ອົດທົນ​ຜ່ານ​ຜ່າ, ບໍ່​ຍອມ​ຈຳນົນ​ຕໍ່​ສັດຕູ​ຂອງ​ບັນດາ​ນັກຮົບ​ໃນ​ບັ້ນ​ຮົບ​ດຽນ​ບຽນ​ຝູ​ຈົນ​ສາ ມາດ​ຍາດ​ໄດ້​ໄຊຊະນະ​ມາສູ່​ປະເທດ​ຊາດ. ໄຊຊະນະ​ດຽນ​ບຽນ​ຝູ​ບໍ່​ພຽງ​ແຕ່​ແມ່ນ​ໄຊຊະນະ​ຂອງ​ປະຊາຊົນ​ຫວຽດນາມ ແຕ່​ຍັງ​ແມ່ນ​ໄຊຊະນະ​ຂອງ​ປະຊາຊົນ​ລາວ ແລະ ປະຊາຊົນ​ກຳປູເຈຍ​ທີ່​ໄດ້​ຮ່ວມ​ສຳພັນ​ສູ້​ຮົບ ຮ່ວມ​ຂຸມ​ຄອງ​ຕ້ານ​ຈັກກະພັດ​ໂຕ​ດຽວ​ກັນ. ​ຈຸດປະສົງ​ຂອງ​ການ​ນຳພາ​ພະນັກງານ-ນັກຮົບ ເຂົ້າ​ຊົມ​ງານ​ວາງສະແດງ​ຮູບ​ພາບ ​ເພື່ອ​ເປັນ​ການ​ສ້າງ​ຂະ​ບວນ​ການ ເນື່ອງ​ໃນ​ໂອກາດ​ສະເຫຼີມສະຫຼອງ​ວັນ​ໄຊຊະນະ​ບັ້ນ​ຮົບ​ດຽນ​ບຽນ​ຝູ​ຄົບຮອບ 70 ໃຫ້​ມີ​ບັນຍາກາດ​ຟົດຟື້ນ, ເບີກບານ​ມ່ວນຊື່ນ, ມີ​ຄວາມ​ໝາຍ​ຄວາມ​ສຳຄັນ ທັງ​ຖື​ເອົາ​ໂອກາດ​ນີ້ ປຸກລະດົມ​ແນວ​ຄິດ​ຈິດໃຈ​ຂອງ​ພະນັກງານ-ນັກຮົບ ໄດ້​ຮຽນ​ຮູ້​ເຖິງ​ມູນເຊື້ອ​ທາງ​ດ້ານ​ປະຫວັດສາດ, ມູນເຊື້ອ​ຮ່ວມ​ສຳພັນ​ສູ້​ຮົບ​ກັບ​ບັນດາ​ປະເທດ​ເພື່ອນ​ມິດ​ຍຸດ​ທະ​ສາດ ແລະ ຜົນ ງານ​ໄຊຊະນະ​ໃນ​ບັ້ນ​ຮົບ​ດຽນ​ບຽນ​ຝູ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ