ກອງທັບປະຊາຊົນລາວ
 
ວັນຈັນ, ວັນທີ 24 ມິຖຸນາ 2024

  

ສຸມ​ໃສ່​ອົບຮົມ​ກໍ່ສ້າງ​ວຽກ​ງານ​ຮາກ​ຖານ​ການເມືອງ ແລະ ໄອ​ຍະ​ການ ໃຫ້​ກຳລັງ​ຫຼວງ-ກຳລັງ​ທ້ອງຖິ່ນ
ເວລາອອກຂ່າວ: 2024-05-17 08:57:29 | ຜູ້ຂຽນ : admin1 | ຈຳນວນຄົນເຂົ້າຊົມ: 268 | ຄວາມນິຍົມ:



ສະຫາຍ ພັນ​ໂທ ວັນ​ເຮືອງ ສີວິໄລ ຮອງ​ຫົວໜ້າ​ຫ້ອງ​ອົບຮົມ-ກໍ່ສ້າງ ໂຮງຮຽນ​ທິດ​ສະດີການ ເມືອງ​ກອງທັບ ໃຫ້​ຮູ້​ວ່າ: ຊຸດ​ອົບ ຮົມ​ວຽກ​ງານ​ການ​ບຳລຸງ​ກໍ່ສ້າງ​ຮາກ​ຖານ​ການເມືອງ ລະບົບ 3 ເດືອນ ຊຸດ​ທີ XIV ແລະ ວຽກ​ງານ​ໄອ​ຍະ​ການ ລະບົບ 3 ເດືອນ ຊຸດ​ທີ III ສົກຮຽນ 2023-2024 ໃຫ້​ກຳລັງ​ຫຼວງ-ກຳລັງ​ທ້ອງຖິ່ນ​ ມີ​ຜົນສຳເລັດ​ເປັນ​ຢ່າງ​ດີ ເຊິ່ງ​ໃນ​ນັ້ນ ​ມີ​ນັກ​ສຶກ​ສາ​ທັງ​ໝົດ 60 ສະຫາຍ, ພະນັກງານ​ນຳພາ-ບັນຊາ​ຂັ້ນ​ຫົວໜ້າ​ພະ​ແນກ, ຮອງຫົວໜ້າ​ພະ​ແນກ ແລະ ຊ່ວຍ​ວຽກຂະແໜງການ​ຕ່າງໆ ​ດ້ານ​ວິຊາການ, ຜ່ານ​ການ​ອົບຮົມ​ເຫັນ​ວ່າ​ນັກ​ສຶກ​ສາ​ແຕ່​ລະ​ສະຫາຍ​ມີ​ຄວາມ​ຮັບ​ຮູ້​ເຂົ້າໃຈ​ເລິກເຊິ່ງ ຕໍ່​ວຽກ​ງານ​ກໍ່ສ້າງ​ຮາກ​ຖານ​ການເມືອງ​ພັດທະນາ​ຊົນນະບົດ​ຮອບດ້ານ ​ຕາມ 4 ເນື້ອ​ໃນ 4 ຄາດ ໝາຍທີ່​ ກົມ​ການເມືອງ​ສູນ​ກາງ​ພັກວາງ​ອອກ ຕິດ​ພັນ​ກັບ​ວຽກ​ງານ 3 ສ້າງ​ຂອງ​ພັກ ໃນ​ການ​ສ້າງແຂວງ ​ເປັນ​ຫົວໜ່ວຍ​ຍຸດ​ທະ​ສາດ, ສ້າງ​ເມືອງ​ເປັນ​ຫົວໜ່ວຍ​ເຂັ້ມແຂງ​ຮອບດ້ານ ແລະ ສ້າງ​ບ້ານ​ເປັນ​ຫົວໜ່ວຍ​ພັດທະນາ ເຕົ້າໂຮມ​ບ້ານ​ນ້ອຍ​ໃຫ້​ກາຍ​ເປັນ​ບ້ານ​ໃຫຍ່ ແລະ ເຕົ້າໂຮມ​ບ້ານ​ໃຫຍ່​ໃຫ້​ກາຍ​ເປັນ​ຕົວ​ເມືອງ​ນ້ອຍ​ໃນ​ຊົນນະບົດ; ຈາກ​ການ​ຕິດຕາມ​ສັງເກດ​ໄດ້​ວ່າ​ພະນັກງານ​ນັກ​ສຶກ​ສາ​ແມ່ນ​ກຳ​ແໜ້ນ​ທິດ​ສະ​ດີ​ຫຼັກການ​ຂອງ​ວຽກ​ງານ​ໂຄສະນາ​ຂົນຂວາຍ​ປະຊາຊົນ ແລະ ການ​ສ້າງ​ບ້ານ​ແຮກສ່ຽວ, ບ້ານ​ປ້ອງ​ກັນ​ຊາດ​ເຂັ້ມແຂງ, ບ້ານ​ປອດ​ຄະດີ, ບ້ານ​ສາທາລະນະ​ສຸກ ແລະ ບ້ານ​ພັດ ທະນາ ເຊິ່ງ​ເປັນ​ພື້ນຖານ​ໃຫ້​ແກ່​ ນັກ​ສຶກ​ສາ​ທີ່​ຈະ​ນຳ​ເອົາ​ເນື້ອໃນ ​ດັ່ງກ່າວ​ໄປ​ຈັດ​ຕັ້ງ​ປະຕິບັດ​ຢູ່​ກົມ​ ກອງ​ທ້ອງຖິ່ນ​ຂອງ​ຕົນ​ຢ່າງ​ປະ ດິດ​ສ້າງ. ພ້ອມ​ນັ້ນ​, ຍັງ​ໄດ້​ຂຶ້ນຫ້ອງ ​ສິດສອນ​ໃຫ້​ນັກ​ສຶກ​ສາມີຄວາມ​ ເຂົ້າໃຈ​ແຈ້ງ​ກ່ຽວ​ກັບ 8 ຫຼັກການ, 7 ວິທີ​ການ​ສິດສອນ​ຂອງ​ພະ ນັກງານ​ຄູ-ອາຈານ, 5 ບາດກ້າວ​ຂອງ​ທຳນຽມ​ຄູ ເພື່ອ​ນຳ​ໃຊ້​ເຂົ້າ​ໃນ​ການ​ແຕ່ງ​ບົດ​ສອນ, ຂຶ້ນ​ຫ້ອງ​ສິດສອນ​ແຕ່​ລະ​ຂົງເຂດ​ວຽກ​ງານ​ເປັນຕົ້ນ​ແມ່ນ​ວຽກ​ງານ​ພັກ-ວຽກ​ງານ​ການເມືອງ​ໃນ​ເວລາ​ສູ້​ຮົບ, ເວລາ​ຊ້ອມ​ຮົບ ແລະ ຫຼັກການ​ວິ ທີ​ຫັດ​ແອບ​ການ​ທະຫານ​ບັນຊາ​ສູ້​ຮົບ, ຊ້ອມ​ຮົບ​ຂັ້ນ​ຍຸດທະວິທີ, ຍຸດ​ທະ​ບັ້ນ​ຮົບ​ໃຫ້​ຄູ-ອາຈານ ເພື່ອ ​ໝູນ​ໃຊ້​ທິດ​ສະ​ດີ​ຫຼັກການ​ທີ່ຮຽນ​ ມາ ໄປ​ຈັດ​ຕັ້ງ​ນຳພາ​ນັກ​ສຶກ​ສາ ຫັດ​ແອບ​ຕົວ​ຈິງ​ມີ​ຜົນສຳເລັດ. ຕໍ່​​ການ​ອົບຮົມ​ວຽກ​ງານ​ອົງການ​ໄອ​ຍະ​ການ ໄດ້​ຊີ້​ນຳ​ພະ ນັກງານ​ຄູ-ອາຈານ ຂຶ້ນ​ຫ້ອງ​ສົ່ງ​ຄວາມ​ຮູ້​ໃຫ້​ນັກ​ສຶກ​ສາ​ທາງ​ດ້ານ​ວິຊາ​ການ​ອົງການ​ໄອຍະ​ການ​ທະ ຫານ​ຂັ້ນ​ສູງ ແລະ ອົງການ​ໄອ​ຍະ​ການ​ທະຫານ​ແຕ່​ລະ​ພາກ​ ນັກ​ສຶກ​ສາ​​ກຳ​ແໜ້ນ​ບົດຮຽນ​ທາງ​ດ້ານ​ທິດ​ສະ​ດີ ແລະ ພຶດຕິ​ກຳ​ຕົວ​ຈິງ ເພື່ອ​ນຳ​ເອົາ​ບົດຮຽນ​ດັ່ງກ່າວ​ໄປ​ໝູນ​ໃຊ້​ເຂົ້າ​ໃນ​ໜ້າທີ່​ການເມືອງ​ຂອງ​ກົມ​ກອງ​ຕົນ. ຜ່ານ​ການ​ກວດກາ-ສອບເສັງ ສາມາດ​ຕີ​ລາຄາ​ຢັ້ງຢືນ​ລະດັບ​ຄວາມ​ຮັບ​ຮູ້, ເຂົ້າໃຈ​ຂອງ​ນັກ​ສຶກສາ​ດັ່ງນີ້: ຫ້ອງ​ບຳລຸງ​ວຽກ​ງານ​ກໍ່ສ້າງ​ຮາກ​ຖານ​ການເມືອງ ເກຣດ A ຈຳນວນ 3 ສະຫາຍ ເທົ່າ​ກັບ 10%, ເກຣດ B+ ຈຳນວນ 23 ສະຫາຍ ເທົ່າ​ກັບ 76,70%, ເກຣດ B ຈຳນວນ 4 ສະຫາຍ ເທົ່າກັບ 13,30% ແລະ ຫ້ອງ​ບຳລຸງ​ວຽກ​ງານ​ໄອ​ຍະ​ການ ຊຸດ​ທີ III ເກຣດ A ຈຳນວນ 6 ສະຫາຍ ເທົ່າ​ກັບ 20%, ເກຣດ B+ ຈຳນວນ 24 ສະຫາຍ ເທົ່າ​ກັບ 80%. ສະຫາຍ ພົນ​ຈັດຕະວາ ຄຳຜາຍ ສະພັງ​ເໜືອ ຫົວໜ້າ​ການເມືອງ ໂຮງຮຽນ​ທິດ​ສະ​ດີ​ການເມືອງ​ກອງທັບ ຍັງ​ກ່າວ​ຕື່ມ​ອີ​ກວ່າ: ຍ້ອນ​ຄະນະ​ພັກ-ຄະນະ​ອຳນວຍ​ການ, ຄະນະ​ວິຊາ​ຄູ​ແຕ່​ລະ​ຂະແໜງການ​ໄດ້​ເປັນ​ເຈົ້າ​ການ​ສຶກ​ສາ​ອົບຮົມ​ການເມືອງ​-ນຳພາ​ແນວ​ຄິດ​ເປັນ​ກົກ​ໃນ​ການ​ຄຸ້ມ​ຄອງ, ນຳພາ-ບັນຊາ, ຖ່າຍ​ທອດ​ຄວາມ​ຮູ້ ຄວາມ​ສາມາດ​ຕ່າງໆ ​ໃຫ້​ນັກ​ສຶກ​ສາ​ຢ່າງ​ເຕັມ​ເມັດ​ເຕັມ​ໜ່ວຍ​ສະແດງ​ອອກ​ໃນ​ການ​ກວດກາ, ສອບເສັງ ສາມາດ​ໄດ້​ຄະແນນ​ດີ ແລະ ບັນລຸ​ຄາດໝາຍ. ສຳລັບ​ນັກ​ສຶກ​ສາ​ເມື່ອ​ຈົບ​ໄປ​​ຕ້ອງ​ເອົາໃຈໃສ່​ໃນ​ການ​ເຝິກຝົນຫຼໍ່​ຫຼອມ​ຕົນ​ເອງ​ຮອບດ້ານ, ຕັ້ງໜ້າ​ປະກອບສ່ວນ​ເຂົ້າ​ໃນ​ວຽກ​ງານ​ປັບປຸງ​ກໍ່ສ້າງ​ກົມ​ກອງ​ໃຫ້​ມີ​ໃບ​ໜ້າ​ອັນ​ໃໝ່ ແລະ ມີ​ຄວາມ​ເຂັ້ມແຂງ​ໜັກ​ແໜ້ນ​ໃນ​ທຸກ​ດ້ານ, ເປັນ​ແບບຢ່າງ​ທີ່​ດີ​ໃນ​ການ​ປະຕິບັດ​ລະບຽບ​ວິໄນ​ຂອງ​ກອງທັບ ກໍ​ຄື​ຂອງ​ກົມ​ກອງ​ຂອງ​ຕົນ​ຢ່າງ​ເຂັ້ມ​ງວດ, ນຳ​ເອົາ​ບົດຮຽນ​ຕ່າງໆ ທີ່​ໄດ້​ຮໍ່າ​ຮຽນ​ໄປ​ຈັດ​ຕັ້ງ​ຜັນ​ຂະຫຍາຍ​ເຂົ້າ​ໃນ​ໜ້າທີ່​ການເມືອງ ແລະ ວຽກ​ງານ​ວິຊາ​ສະເພາະ​ຂອງ​ຕົນ ປະກອບສ່ວນ​ຢ່າງ​ຕັ້ງໜ້າ​ສ້າງ​ໃຫ້​ກົມ​ກອງ​ມີ​ແບບແຜນ​ທັນ​ສະໄໝ​ຂຶ້ນ​ຢ່າງ​ບໍ່​ຢຸດ​ຢັ້ງ. ໂດຍ: ວັນໄຊ ໄຊສະຫວັດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ