ກອງທັບປະຊາຊົນລາວ
 
ວັນຈັນ, ວັນທີ 24 ມິຖຸນາ 2024

  

ຮອງຫົວໜ້າກົມໃຫຍ່ເສນາທິການກອງທັບພົບປະໂອ້ລົມພະນັກງານຫຼັກແຫຼ່ງໂຮງຮຽນທະຫານຊາຍແດນ 712
ເວລາອອກຂ່າວ: 2024-05-17 12:33:25 | ຜູ້ຂຽນ : admin2 | ຈຳນວນຄົນເຂົ້າຊົມ: 501 | ຄວາມນິຍົມ:



ໃນວັນທີ10 ພຶດສະພາ 2024 ຜ່ານມານີ້, ສະຫາຍ ພົນຕີ ພັນແສງ ບຸນພັນ ຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ ໄດ້ເຄື່ອນໄຫວພົບປະໂອ້ລົມຄະນະພັກ-ຄະນະອຳນວຍການ, ພະນັກງານຫຼັກແຫຼ່ງຢູ່ ໂຮງຮຽນທະຫານຊາຍແດນ712, ມີຄະນະກົມທະຫານຊາຍແດນ, ກົມອົບຮົມ, ກົມໂຮງຮຽນ, ກົມຊ່າງແສງ, ຄະນະພັກ-ຄະນະອຳນວຍການຕະຫຼອດຮອດຄູ-ອາຈານ ແລະ ພະນັກງານ-ນັກຮົບທົ່ວໂຮງຮຽນເຂົ້າຮ່ວມ. ສະຫາຍ ພັນເອກ ສັກສົມບັດ ແກ້ວສິດທິວົງ ເລຂາຄະນະພັກຮາກຖານ ຫົວໜ້າການທະຫານໂຮງຮຽນທະຫານຊາຍແດນ712 ໄດ້ຂຶ້ນຜ່ານບົດລາຍງານຜົນການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາເປັນຕົ້ນແມ່ນວຽກງານປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກເຮັດໃຫ້ພະນັກງານ-ນັກຮົບ ພາຍໃນກົມກອງມີແນວຄິດຫຼັກໝັ້ນ, ການເມືອງໜັກແໜ້ນ, ເຊື່ອໝັ້ນຕໍ່ການນຳພາຂອງພັກ-ລັດ, ມີຄວາມອຸ່ນອ່ຽນທຸ່ນທ່ຽງຕໍ່ໜ້າທີ່ວຽກງານ ພ້ອມກັນເຮັດສຳເລັດໜ້າທີ່ ທີ່ຂັ້ນເທິງມອບໝາຍໃຫ້. ໂອກາດນີ້, ສະຫາຍ ພົນຕີ ພັນແສງ ບຸນພັນ ກໍໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳເລັດໃນຫຼາຍດ້ານທີ່ຄະນະພັກ-ຄະນະອຳນວຍການ, ພະນັກງານ-ນັກຮົບ ໂຮງຮຽນທະຫານຊາຍແດນ712 ຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຄະນະພັກ-ຄະນະອຳນວຍການ ສືບຕໍ່ເອົາໃຈໃສ່ສຶກສາອົບຮົມການເມືອງນຳພາແນວຄິດ ໃຫ້ພະນັກງານ-ນັກຮົບ ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ກຳແໜ້ນລະບຽບຂອງພັກ, ກົດໝາຍຂອງລັດ, ລະບຽບວິໄນຂອງກອງທັບ, ຍົກສູງບຸກຄະລາກອນຄູ-ອາຈານ ໃຫ້ມີລະດັບຄວາມຮູ້ຄວາມສາມາດ ເພື່ອຮັບປະກັນການຮຽນ-ການສອນ ໃຫ້ໄດ້ທັງດ້ານປະລິມານ ແລະ ຄຸນນະພາບ, ເປັນເຈົ້າການຍົກສູງຄວາມຮັບຜິດຊອບຂອງຕົນເອງໃຫ້ສູງຂຶ້ນ ເພື່ອປັບປຸງ-ກໍ່ສ້າງກຳລັງເຫຼົ່າຮົບທະຫານຊາຍແດນ ໃຫ້ເປັນກຳລັງທີ່ມີແບບແຜນທັນສະໄໝ ກາຍເປັນພະນັກງານ-ນັກຮົບທີ່ມີຄວາມຮູ້ຄວາມສາມາດ ເພື່ອເຮັດໃຫ້ກຳລັງເຫຼົ່າຮົບທະຫານຊາຍແດນກ້າວຂຶ້ນຢ່າງບໍ່ຢຸດຢັ້ງ. ຂ່າວ: ຮທ ວາດ ຄະສົມຜອງ ພາບ: ຮທ ນ. ພິດສະໄໝ ແກ້ວມະນີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ