ກອງທັບປະຊາຊົນລາວ
 
ວັນພຸດ, ວັນທີ 26 ມິຖຸນາ 2024

  

ຫ້ອງອົບຮົມ-ກໍ່ສ້າງຜ່ານແຜນການຊ້ອມຮົບໃຫ້ນັກຮຽນໃນ2ລະບົບປະຈໍາສົກຮຽນ2023– 2024
ເວລາອອກຂ່າວ: 2024-05-17 12:40:05 | ຜູ້ຂຽນ : admin2 | ຈຳນວນຄົນເຂົ້າຊົມ: 335 | ຄວາມນິຍົມ:



ຕອນເຊົ້າວັນທີ15 ພຶດສະພາ 2024 ນີ້, ຫ້ອງອົບຮົມ-ກໍ່ສ້າງໂຮງຮຽນກໍ່ສ້າງນາຍສິບເລກ2 ວຽງໄຊ ໄດ້ຜ່ານແຜນການຊ້ອມຮົບສັງລວມໃຫ້ແກ່ນັກຮຽນນາຍສິບຊຸດທີ 27 ແລະ ນັກສຶກສາກໍ່ສ້າງເລັ່ງລັດບັນຊາຂັ້ນໝວດ, ກອງຮ້ອຍລະບົບ1 ປີ ສົກຮຽນ 2023- 2024. ໂດຍການເຂົ້າຮ່ວມຂອງ ສະຫາຍ ພົນຈັດຕະວາ ວົງມະນີຈັນສາມາວົງ ຫົວໜ້າການທະຫານໂຮງຮຽນ, ມີສະຫາຍ ພັນໂທ ເຂັມພອນ ຈັນທະມາລາ ຫົວໜ້າຫ້ອງອົບຮົມ-ກໍ່ສ້າງ ພ້ອມຄະນະ, ມີຄະນະພັກ-ຄະນະບັນຊາຫ້ອງການ, ມີບັນດາຄະນະຮັບຜິດຊອບ ແລະ ຄູ-ອາຈານ ເຂົ້າຮ່ວມ. ສະຫາຍ ພັນໂທ ສີອຳພອນ ແກ້ວນະຄອນ ຮອງຫົວໜ້າຫ້ອງອົບຮົມ-ກໍ່ສ້າງໂຮງຮຽນໄດ້ຂຶ້ນ ຜ່ານແຜນການ ຫັດແອບຊ້ອມຮົບ, ກວດກາສັງລວມ,ປະສານສຽງແຕກ ທ້າຍຊຸດຮຽນໃຫ້ນັກຮຽນໃນ 2ລະບົບ ປະຈຳສົກຮຽນ 2023-2024, ທັ້ງນີ້, ກໍເພື່ອເປັນການປັບປຸງ ແລະ ຍົກສູງລະດັບຄວາມຮູ້, ຄວາມສາມາດຂອງນັກຮຽນ ຜ່ານການຫັດແອບຮໍ່າຮຽນທາງດ້ານທິດສະດີ, ຫຼັກການກໍຄື ພາກປະຕິບັດຕົວຈິງ ຢູ່ໃນສະໝາມຫັດແອບ ແລະ ທັງເປັນການຕີລາຄາຜົນໄດ້ຮັບຂອງການຮໍ່າຮຽນໃນໄລຍະຜ່ານມາໃຫ້ມີຄວາມຊຳນິຊຳນານກຳໄດ້ລະດັບບາດກ້າວ, ວິທີບັນຊາກົມກອງໃນເວລາເຮັດໜ້າທີ່ສູ້ຮົບ, ຖອດຖອນໄດ້ລະຫວ່າງທິດສະດີຫຼັກການຕິດພັນກັບພຶດຕິກຳຕົວຈີ່ງ, ພ້ອມທັງຮູ້ໝູນໃຊ້ເຂົ້າກັບພູມມີປະເທດຕົວຈິງໃຫ້ເໝາະສົມ, ສະຫາຍ ພົນຈັດຕະວາ ວົງມະນີຈັນ ສາມາວົງ ປະທານກອງປະຊຸມພ້ອມຄະນະ ໄດ້ໃຫ້ທັດສະນະຊີ້ນຳ ແລະ ເນັ້ນໜັກໃຫ້ທຸກພາກສ່ວນ ຈົ່ງເພີ່ມທະວີຄວາມຮັບຜິດຊອບໃຫ້ສູງ, ບັນດາຄູ-ອາ ຈານຕ້ອງກໍາແໜ້ນຈຸດປະສົງຄາດໝາຍຂອງການສູ້ຮົບ, ເອົາໃຈໃສ່ຄຸ້ມຄອງໄກ້ຊິດຕິດແທດຊີ້ນຳ-ນຳພາທຸກການເຄື່ອນໄຫວ,ຮັກສາໄດ້ກຳລັງຂອງນັກຮຽນໃຫ້ຢູ່ໃນເກນທີ່ກຳນົດ, ເພື່ອຮັບປະກັນຄວາມປອດໄພ 100%. ໂດຍ : ສົມພົງ ແກ້ວປະເສີດ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ