ກອງທັບປະຊາຊົນລາວ
 
ວັນອັງຄານ, ວັນທີ 25 ມິຖຸນາ 2024

  

ກຸ່ມ​ບໍລິສັດ ລາວ​ໂກ​ໂບຣ​ພັດທະນາ ມອບ​ເຄື່ອງ​ໃຫ້ກອງ​ບັນຊາ​ການ​ທະຫານ​ແຂວງ​ວຽງ​ຈັນ
ເວລາອອກຂ່າວ: 2024-05-22 08:45:04 | ຜູ້ຂຽນ : admin1 | ຈຳນວນຄົນເຂົ້າຊົມ: 332 | ຄວາມນິຍົມ:



ວັນ​ທີ 14 ພຶດສະພາ 2024 ນີ້, ທ່ານ ອຳໄພ​ວັນ ຈັນທະ​ຜາ​ລີ ປະທານ ກຸ່ມ​ບໍລິສັດ ລາວ​ໂກ​ໂບຣ​ພັດທະນາ ຫຼື LG Group (ແອວ​ຈີ ກຣຸບ) ພ້ອມ​ດ້ວຍ​ຄະນະ ໄດ້​ນຳ​ເອົາ​ເຄື່ອງ​ຜະລິດ​ໄຟຟ້າ ພະລັງງານ​ແສງ​ຕາເວັນ (ໂຊ​ລາ​ເຊວ) ຈຳນວນ 31 ຊຸດ, ຂະໜາດ 1.200 W, ເຄື່ອງພິມເອກະສານ 1 ໜ່ວຍ ແລະ ເຈ້ຍ A4 10 ແກັດ ລວມ​ມູນ​ຄ່າ​ທັງ​ໝົດ 15.900.000 ກີບ ມາ​ມອບ​ໃຫ້ກອງ​ບັນຊາການທະ ຫານ​ແຂວງ​ວຽງ​ຈັນ, ໂດຍການ ​ກ່າວ​ຮັບ ​ຂອງສະຫາຍ ພົນ​ຈັດ ຕະວາ ບຸນ​ຜອງ ບຸດ​ທະ​ວົງ ຫົວ ໜ້າ​ການເມືອງ ກອງ​ບັນຊາ​ການ​ທະຫານ​ແຂວງ​ວຽງ​ຈັນ ພ້ອມ​ດ້ວຍ​ຄະນະ. ທ່ານ ອຳໄພ​ວັນ ຈັນທະ​ຜາລີ ກ່າວ​ວ່າ: ການ​ມອບ​ເຄື່ອງ​ໃນ​ຄັ້ງ​ນີ້ ເປັນ​ການ​ປະກອບສ່ວນ​ອັນ​ສຳ ຄັນ​ເຂົ້າ​ໃນ​ວຽກ​ງານ​ປ້ອງ​ກັນ​ຊາດ ຢູ່​ກອງ​ບັນຊາ​ການ​ທະຫານ​ແຂວງ​ວຽງ​ຈັນ ເພາະວ່າ​ວຽກ​ງານ​ປ້ອງ​ກັນ​ຊາດ ແມ່ນ​ໜ້າທີ່​ຂອງ​ໝົດ​ທຸກ​ຄົນ​ໃນ​ທົ່ວ​ປວງ​ຊົນ ທີ່​ຈະ​ຕ້ອງ​ໄດ້​ປະກອບສ່ວນ​ຊ່ວຍ​ກັນ ທັງ​ເປັນ​ການ​ຊຸກຍູ້​ໃຫ້​ກຳລັງ​ໃຈ ນາຍ ແລະ ພົນທະຫານ ທີ່​ກຳ ລັງ​ປະຕິບັດ​ໜ້າທີ່​ຢູ່​ແຕ່​ລະ​ຂົງເຂດ ໃຫ້​ໄດ້​ຮັບ​ຜົນສຳເລັດ​ຕາມ​ການ​ມອບ​ໝາຍ. ຈາກ​ນັ້ນ, ສະຫາຍ ພົນ​ຈັດຕະວາ ບຸນ​ຜອງ ບຸດ​ທະ​ວົງ ໄດ້​ສະແດງ​ຄວາມ​ຂອບໃຈ​ຕໍ່ ປະທານ ບໍລິສັດ ລາວ​ໂກ​ໂບຣ​ພັດທະນາ ທີ່​ໄດ້​ນຳ​ເອົາ​ອຸປະກອນ​ດັ່ງກ່າວ​ມາ​ມອບ​ໃຫ້​ໃນ​ຄັ້ງ​ນີ້, ເຊິ່ງ​ເປັນ​ການ​ປະກອບສ່ວນ​ເຂົ້າ​ໃນ​ວຽກ​ງານ​ລວມ​ຂອງ​ກອງ​ບັນຊາ​ການ​ທະ ຫານ​ແຂວງ​ວຽງ​ຈັນ ແລະ ໃຫ້​ ຄຳ​ໝັ້ນ​ສັນຍາ​ວ່າ: ຈະ​ນຳເອົາ ​ເຄື່ອງ​ດັ່ງກ່າວ ໄປ​ມອບໃຫ້ບັນດາ​ ກົມ​ກອງ​ທີ່​ຈຳເປັນ​ຕ້ອງ​ໃຊ້​ພະລັງ ງານ​ໄຟຟ້າ ໂດຍ​ສະເພາະ​ແມ່ນ ກົມ​ກອງ​ທີ່​ເຄື່ອນ​ໄຫວ​ປະຕິບັດ​ໜ້າທີ່​ຢູ່​ເຂດ​ຊາຍ​ແດນ ແລະ ຢູ່​ຕາມ​ປ້ອມ​ຕ່າງໆ ໃຫ້​ເກີດ​ຜົນ​ປະ ໂຫຍດ​ສູງ​ສຸດ. ໂດຍ: ສາຍ​ຄຳ ພອນ​ມະນີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ