ວັນເສົາ, ວັນທີ 18 ມັງກອນ 2025
ມອບຄອມພິວເຕີໃຫ້ໂຮງຮຽນການທະຫານທ້ອງຖິ່ນແຂວງຜົ້ງສາລີ
ເວລາອອກຂ່າວ: 2024-05-23 09:14:07 | ຜູ້ຂຽນ : admin1 | ຈຳນວນຄົນເຂົ້າຊົມ: 501 | ຄວາມນິຍົມ: 
ໃນວັນທີ 17 ພຶດສະພາ 2024, ສະຫາຍ ອູ່ຄຳ ຕຸລາພັນ ກຳມະການພັກແຂວງ, ຫົວໜ້າຫ້ອງວ່າການປົກຄອງແຂວງຜົ້ງສາລີ ພ້ອມດ້ວຍຄະນະ ໄດ້ນຳເອົາຄອມພິວເຕີ ມາມອບໃຫ້ໂຮງຮຽນການທະຫານທ້ອງຖິ່ນແຂວງຜົ້ງສາລີ, ໂດຍການກ່າວຮັບຂອງ ສະຫາຍ ພັນຕີ ຄຳອ່ອນ ໄອສຸລິວົງ ຮອງຫົວໜ້າການເມືອງ ໂຮງຮຽນການທະຫານທ້ອງຖິ່ນແຂວງຜົ້ງ ສາລີ ພ້ອມດ້ວຍຄະນະ.
ຄອມພິວເຕີທີ່ນຳມາມອບໃນຄັ້ງນີ້ ເປັນຄອມພິວເຕີຕັ້ງໂຕະ ຈຳນວນ 2 ຊຸດ ລວມມູນຄ່າ 10 ລ້ານກວ່າກີບ ເພື່ອຕອບສະໜອງຄວາມຮຽກຮ້ອງຕ້ອງການ ແລະ ຄວາມຈຳເປັນໃນໜ້າທີ່ວຽກງານຂອງໂຮງຮຽນການທະຫານທ້ອງຖິ່ນແຂວງຜົ້ງສາລີ ໃຫ້ມີຄວາມວ່ອງໄວທັນສະໄໝ ເພື່ອຮັບໃຊ້ເຂົ້າໃນໜ້າທີ່ການ ເມືອງໃນສະເພາະໜ້າ ແລະ ຍາວນານໃຫ້ມີຜົນສຳເລັດເປັນກ້າວໆ.
ສະຫາຍ ພັນຕີ ຄຳອ່ອນ ໄອສຸລິວົງ ໄດ້ສະແດງຄວາມຂອບໃຈມາຍັງຫົວໜ້າຫ້ອງວ່າການປົກຄອງແຂວງຜົ້ງສາລີ ພ້ອມດ້ວຍຄະນະ ທີ່ໄດ້ໃຫ້ການຊ່ວຍເຫຼືອໃນຄັ້ງນີ້ ພ້ອມທັງ, ໃຫ້ຄຳໝັ້ນສັນຍາວ່າ ຈະນຳໃຊ້ເຄື່ອງດັ່ງກ່າວ ເຂົ້າໃນໜ້າທີ່ວຽກງານການເມືອງຂອງກົມກອງໃຫ້ເກີດຜົນປະໂຫຍດສູງສຸດ.
ໂດຍ: ຄຳສານ ຊຽງຍາສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
