ກອງທັບປະຊາຊົນລາວ
 
ວັນຈັນ, ວັນທີ 24 ມິຖຸນາ 2024

  

ຫົວໜ້າ​ການ​ທະຫານ ກອງ​ບັນຊາ​ການ​ທະຫານ​ແຂວງ​ບໍ່​ແກ້ວ ໄດ້​ເຄື່ອນ​ໄຫວ​ຢ້ຽມຢາມ ແລະ ພົບ​ປະ​ໂອ້​ລົມ​ພະ​​ນັັກ​ງານ​ຫຼັກ​ແຫຼ່ງ
ເວລາອອກຂ່າວ: 2024-05-23 09:20:11 | ຜູ້ຂຽນ : admin1 | ຈຳນວນຄົນເຂົ້າຊົມ: 275 | ຄວາມນິຍົມ:



ວັນ​ທີ 16 ພຶດສະພາ 2024 ນີ້, ສະຫາຍ ພັນ​ເອກ ທອງ​ໄຂ ສີ​ຍາ​ລາດ ຫົວໜ້າ​ການ​ທະຫານ​ກອງ​ບັນຊາ​ການ​ທະຫານ​ແຂວງ​ບໍ່​ແກ້ວ ໄດ້​ເຄື່ອນ​ໄຫວ​ຢ້ຽມຢາມ ​ກອງຮ້ອຍ​ທະຫານ​ຊາຍ​ແດນ 124, 125 ແລະ ກອງ​ປະຕິບັດ​ງານ 213 ທີ່​ຂຶ້ນ​ກັບ​ກອງ​ບັນຊາ​ການ​ທະຫານ​ແຂວງ​ບໍ່​ແກ້ວ, ມີ ຄະນະ​ທີມ​ງານ​ມາ​ຈາກ​ກອງ​ບັນຊາ​ການ​ທະຫານ​ແຂວງ, ຄະນະ​ພັກ-ຄະນະ​ບັນຊາ 3 ກົມ​ກອງ ຕະ ຫຼອດ​ຮອດ​ພະນັກງານ​ຫຼັກ​ແຫຼ່ງ​ເຂົ້າ​ຮ່ວມ. ໂອກາດ​ດັ່ງກ່າວ, ​ໄດ້​ຮັບ​ຟັງ​ການ​ລາຍ​ງານ​ຫຍໍ ້​ຂອງ​ຄະນະ​ພັກ-ຄະນະ​ບັນຊາ​ທັງ 3 ກົມ​ກອງ ເຖິ່ງ​ສະພາບ​ຈຸດ​ພິເສດ, ທີ​ຕັ້ງ, ພາລະ​ບົດບາດ, ໜ້າທີ່​ໃນ​ການຈັດຕັ້ງ​ປະຕິບັດ​ໜ້າທີ່​ວຽກ​ງານ​ໂດຍປິ່ນ​ອ້ອມ 4 ໜ້າທີ່​ໃຫຍ່ 26 ແຜນ​ງານ​ ທີ່​ຄະນະ​ພັກ​ກະຊວງ​ປ້ອງ​ກັນ​ປະເທດ​ວາງ​ອອກ​ ດ້ວຍ​ຄວາມ​ຮັບຜິດຊອບ​ສູງ ແລະ ມີ​ຜົນສຳເລັດ​ຫຼາຍ​ດ້ານ ໂດຍ​ລວມ​ພະນັກງານ-ນັກຮົບ​​ມີ​ຄວາມ​ໜັກ​ແໜ້ນ​ທາງ​ດ້ານ​ການເມືອງ, ເຂັ້ມແຂງ​ທາງ​ດ້ານ​ການຈັດຕັ້ງ, ຫ້າວຫັນ​ເຮັດ​ສຳເລັດ​ໜ້າທີ່​ການເມືອງ​ທີ່​ໄດ້​ຮັບ​ມອບ​ໝາຍ, ຂອບ​ເຂດ​ຊາຍ​ແດນ​ທີ່​ຕົນ​ເອງ​ຮັບຜິດຊອບ​ມີ​ຄວາມ​ສະຫງົບ​ປອດ​ໄພ ແລະ ເປັນ​ລະບຽບ​ຮຽບ​ຮ້ອຍ, ຊີວິດ​ການ​ເປັນ​ຢູ່​ຂອງ​ນາຍ ແລະ ພົນທະຫານ​ໄດ້​ຮັບ​ການ​ປັບປຸງ​ແກ້​ໄຂ​ດີ​ຂຶ້ນ​ເປັນ​ກ້າວໆ, ໄປ​ພ້ອມ​ກັນ​ນີ້ ​ຍັງ​ໄດ້​ເຄື່ອນ​ໄຫວ​ພົວພັນ​ຮ່ວມ​ມື​ກັບ​ບັນດາ​ກົມ​ກອງ​ເພື່ອນ​ມິດ​ຍຸດ​ທະ​ສາດ ສອດຄ່ອງ​ຕາມ​ແນວທາງ​ການ​ຕ່າງປະເທດ​ຂອງ​ພັກ. ໂອກາດ​ນີ້, ສະຫາຍ ພັນ​ເອກ ທອງ​ໄຂ ສີ​ຍາ​ລາດ​ ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຜົນງານທີ່ ຄະນະ​ພັກ-ຄະນະ​ບັນຊາ, ນາຍ ແລະ ພົນທະຫານ​ທັງ 3 ກົມ​ກອງ​ສ້າງໄດ້​ຕະຫຼອດ​ໄລຍະ​ຜ່ານ​ມາ, ພ້ອມ​ທັງ​ຍົກ​ໃຫ້​ເຫັນ​ສະພາບ​ຂອງ​ສາກົນ, ພາກ​ພື້ນ​ທີ່​ຜັນ​ແປ​ໄປ​ຢ່າງ​ສະຫຼັບຊັບຊ້ອນ, ສົ່ງ​ຜົນ​ກະທົບ​ ຕໍ່​ການ​ພັດທະນາ​ເສດ​ຖະ​ກິດ-ສັງຄົມ, ກະທົບ​ຕໍ່​ການ​ດຳລົງ​ຊີວິດ​ປະຊາຊົນ​ບັນດາເຜົ່າ ກໍ​ຄື​ພະນັກງານ-ນັກຮົບ ໃນ​ກຳລັງ​ປະກອບ​ອາວຸດ ຢືນ​ຢູ່​ຕໍ່ໜ້າ​ສະພາບ​ການ​ດັ່ງກ່າວ, ຄະນະ​ພັກ-ຄະນະ​ບັນຊາ ແຕ່​ລະ​ຂັ້ນ ຈະ​ຕ້ອງ​ເພີ່ມ​ທະວີ​ສຶກ​ສາ​ອົບຮົມ​ການ ເມືອງ​-ນຳພາ​ແນວ​ຄິດ​ໃຫ້​ຕໍ່​ເນື່ອງ​ເລິກເຊິ່ງ ແນໃສ່​ເຮັດ​ໃຫ້​ນາຍ ແລະ ພົນທະຫານ​ ມີ​ຄວາມ​ຈົງ​ຮັກ​ພັກດີ​ຕໍ່​ພັກ-ລັດ, ຍົກ​ສູງ​ນໍ້າໃຈ​ເສຍສະຫຼະ​ເພື່ອ​ຊາດ, ເພື່ອ​ປະຊາຊົນ, ເສີມ​ຂະຫຍາຍ 3 ທາດ, 6 ມູນເຊື້ອ​ອັນ​ດີງາມ​ຂອງ​ກອງທັບ, ປະຕິບັດ 7 ລະບອບ 18 ວຽກ​ຂອງ​ກອງທັບ​ໃຫ້​ເຂັ້ມ​ງວດ, ຍົກ​ສູງ​ບົດບາດ​ຄວາມ​ຮັບຜິດຊອບ​ຕໍ່ໜ້າ​ທີ່​ການເມືອງ​ທີ່​ໄດ້​ຮັບ​ມອບ​ໝາຍ, ສືບຕໍ່​ເອົາໃຈ​ໃສ​ກໍ່ສ້າງ​ພັກ-ພະນັກງານ ຮຸ່ນ​ສືບ​ທອດ​ໃຫ້​ມີ​ຄຸນ​ທາດ​ການເມືອງ​ໜັກ​ແໜ້ນ, ມີ​ຄຸນສົມບັດ, ສິນ​ທຳ​ປະ​ຕິວັດ​ດີ, ມີ​ຄວາມ​ຮູ້ ຄວາມ​ສາມາດ, ມີ​ແບບແຜນ​ວີ​ທີ​ເຮັດ​ວຽກ​ທີ່​ມີ​ຫຼັກການ​ວິທະຍາສາດ, ກຳ​ແໜ້ນ​ແນວທາງ​ນະໂຍບາຍ​ຂອງ​ພັກ-ລັດ, ຖື​ເອົາ​ມະຫາຊົນ​ເປັນ​ກຳລັງ​ແຮງ​ລວມ​ຂອງ​ກົມ​ກອງ, ສືບຕໍ່​ເຮັດ​ວຽກ​ງານ​ອົບຮົມ-ຫັດ​ແອບ ເພື່ອ​ເຝິກຝົນ​ຫຼໍ່​ຫຼອມ​ກຳລັງ​ແຮງ​ກາຍ​ ຂອງ​ນາຍ ແລະ ພົນທະຫານ ປະຕິບັດ​ລະບອບ​ບົວລະບັດ​ພັດ​ເຊັດ, ກວດກາ​ພາຫະນະ​ເຕັກນິກ​ອາວຸດ​ຍຸດ​ໂທ​ປະກອນ​ຂອງ​ກອງ ທັບ​ໃຫ້​ຕໍ່​ເນື່ອງ​ເຂັ້ມ​ງວດ, ໄປ​ພ້ອມ​ກັບ​ການ​ສູ້​ຊົນ​ສ້າງ​ພະລາທິການ​ກັບ​ທ່ີ, ຍົກ​ສູງ​ນ້ຳໃຈ​ເພິ່ງ​ຕົນ​ເອງ, ກຸ້ມ​ຕົນ​ເອງ ແລະ ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ​ຕາມ​ທິດ 4 ປູກ 4 ລ້ຽງ​ທີ່​ກົມ​ໃຫຍ່​ພະລາທິການ​ກອງທັບ​ວາງ​ອອກ ຕາມ​ທ່າແຮງ​ເງື່ອນໄຂ​ບົ່ມ​ຊ້ອນ​ຂອງ​ກົມ​ກອງ ແລະ ສືບຕໍ່​ພົວພັນ​ຮ່ວມ​ມື​ກັບ​ເພື່ອ​ມິດສາ​ກົນ​ທີ່​ກ້າວໜ້າ ຕາມ​ແນວທາງ​ການ​ຕ່າງປະເທດ​ຂອງ​ພັກ ເພື່ອ​ພັດທະນາ​ຕົນ​ເອງ ແລະ ກົມ​ກອງ​ໃຫ້​ກາຍເປັນ​ກອງທັບ​ປະຕິວັດທີ່​ມີ​ລະບຽບ​ແບບແຜນທັນ​ສະໄໝ​ຂຶ້ນ​ເປັນ​ກ້າວໆ. ຈາກ​ນັ້ນ, ສະຫາຍ ພັນ​ເອກ ທອງ​ໄຂ ສີ​ຍາ​ລາດ ຍັງ​ໄດ້ມອບ​ລົດຈັກ ຈຳນວນ 2 ຄັນ ໃຫ້​ກອງຮ້ອຍ​ທະຫານ​ຊາຍ​ແດນ 125 ກ່າວ​ຮັບ​ໂດຍ ສະຫາຍ ພັນຕີ ສິງ​ທອນ ອິນ​ທະ​ປັນຍາ ຫົວໜ້າ​ການເມືອງ​ກອງ​ຮ້ອຍ​ທະຫານ​ຊາຍ​ແດນ 125 ແລະ ມອບ​ຂອງຂວັນ​ໃຫ້​ກອງຮ້ອຍ​ທະຫານ​ຊາຍ​ແດນ 124 ອີກ​ຈຳນວນ​ໝຶ່ງ. ໂດຍ: ວໍລະ​ສິດ ພິດ​ສະຫາຍ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ