POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ສະຫາຍ ພົນຈັດຕະວາ ພູວັນ ພົມມະຈັນ ເຂົ້າຮ່ວມພິທີເອົາຮ່າງອັດຖິນັກຮົບອາສາສະໜັກ ແລະ ຊ່ຽວຊານຫວຽດນາມເຂົ້າສູ່ສຸສານນະຄອນເຫວ້ ແຫ່ງ ສສ ຫວຽດນາມ
ເວລາອອກຂ່າວ: 2024-05-27 09:19:31 | ຜູ້ຂຽນ : admin2 | ຈຳນວນຄົນເຂົ້າຊົມ: 786 | ຄວາມນິຍົມ:

ໃນຕອນເຊົ້າຂອງວັນທີ21 ພຶດສະພາ 2024 ນີ້, ແຂວງເທື່ອທຽນເຫວ້ ແຫ່ງ ສ.ສ ຫວຽດນາມ ໄດ້ຈັດພິທີເອົາຮ່າງອັດຖິນັກຮົບອາສາສະໜັກ ແລະ ຊ່ຽວຊານຫວຽດນາມເຂົ້າສູ່ສຸສານນັກຮົບນິລະນາມນະຄອນເຫວ້ທີ່ເສຍສະຫຼະຊິວິດໃນປາງສົງຄາມຢູ່ລາວຈຳນວນ 12 ຮ່າງອັດຖິທີ່ໄດ້ຂຸດຄົ້ນໃນຂອບເຂດບໍລິເວນບັນດາເມືອງຂອງແຂວງສາລະວັນ ແລະ ແຂວງເຊກອງ ພິທີດັ່ງກ່າວໄດ້ຈັດຂຶ້ນຢູ່ທີ່ສຸສານນັກລົບນິລະນາມ ນະຄອນເຫວ້ແຫ່ງ ສ.ສ ຫວຽດນາມ, ໂດຍການເຂົ້າຮ່ວມຂອງ ສະຫາຍ ພົນໂທ ຫວໍມິນເລືອງ ກໍາມະການສູນກາງພັກ-ຄະນະປະຈໍາພັກກະຊວງ ຮອງນາຍົກລັດຖະມົນຕີກະຊວງປ້ອງກັນປະເທດ ຫົວໜ້າຊີ້ນໍາລະດັບຊາດ 515 ແຫ່ງ ສສ ຫວຽດນາມ, ທ່ານ ຟານຫງັອກຖໍ້ ຮອງເລຂາພັກແຂວງ ຮອງເຈົ້າແຂວງແຂວງເທື່ອທຽນເຫວ້ ແຫ່ງ ສ.ສ ຫວຽດນາມ, ມີສະຫາຍ ພົນຈັດຕະວາ ພູວັນ ພົມມະຈັນ ຄະນະປະຈໍາພັກແຂວງ ຫົວໜ້າການເມືອງກອງບັນຊາການທະຫານແຂວງສາລະວັນ ແຫ່ງ ສປປ ລາວ ພ້ອມດ້ວຍຄະນະ ນອກນີ້ຍັງມີຄະນະປະຈຳພັກແຂວງ, ກຳມະການພັກແຂວງ, ນາຍ ແລະ ພົນທະຫານ, ນາຍຕຳຫຼວດພະແນກການ, ພະນັກງານ, ນັກຮຽນຮູ້-ນັກສຶກສາຈາກແຂວງເທື່ອທຽນເຫວ້ ແຫ່ງ ສ.ສ ຫວຽດນາມເຂົ້າຮ່ວມຢ່າງຫຼວງຫຼາຍ. ໃນພິທີເອົາຮ່າງອັດຖິນັກຮົບອາສາສະໜັກ ແລະ ຊ່ຽວຊານຫວຽດນາມເຂົ້າສູ່ສຸສານນັກຮົບນິລະນາມໃນຄັ້ງນີ້ ສະຫາຍ ພົນໂທ ຫວໍມິນເລືອງ ກໍາມະການສູນກາງພັກ-ຄະນະປະຈໍາພັກກະຊວງ ຮອງນາຍົກລັດຖະມົນຕີກະຊວງປ້ອງກັນປະເທດ ຫົວໜ້າຊີ້ນໍາລະດັບຊາດ 515 ແຫ່ງ ສສ ຫວຽດນາມ, ທ່ານ ຟານຫງັອກຖໍ້ ຮອງເລຂາພັກແຂວງ, ຮອງເຈົ້າແຂວງເທື່ອທຽນເຫວ້ ແຫ່ງ ສ.ສ ຫວຽດນາມ ແລະ ສະຫາຍ ພົນຈັດຕະວາ ພູວັນ ພົມມະຈັນ ຄະນະປະຈໍາພັກແຂວງ ຫົວໜ້າການເມືອງກອງບັນຊາການທະຫານແຂວງສາລະວັນ ພ້ອມດ້ວຍພະນັກງານຕ່າງໜ້າອ້ອມຂ້າງແຂວງ ກໍ່ໄດ້ພ້ອມກັນໃຫ້ກຽດວາງພວງມະລາ ແລະ ໄຕ້ທູບທຽນ ຕໍ່ໜ້າອັດຖິຂອງນັກຮົບອາສາສະໜັກ ແລະ ຊ່ຽວຊານຫຽດນາມ ທີ່ໄດ້ອຸທິດເລືອດເນື້ອຂອງຕົນເພື່ອພາລະກິດຂອງປວງຊົນລາວໃນການປະຕິວັດ ເຮັດສຳເລັດພັນທະສາກົນອັນມີກຽດທີ່ພັກ-ລັດຫວຽດນາມມອບໝາຍໃຫ້ຢ່າງໜ້າສັນລະເສີນ ໃນໂອກາດດັ່ງກ່າວນີ້ ທ່ານ ຟານຫງັອກຖໍ້ ຮອງເຂລາພັກແຂວງ ຮອງເຈົ້າແຂວງເທື່ອທຽນເຫວ້ ແຫ່ງ ສ.ສ ຫວຽດນາມ ແລະ ສະຫາຍ ພົນຈັດຕະວາ ພູວັນ ພົມມະຈັນ ຄະນະປະຈໍາພັກແຂວງ ຫົວໜ້າການເມືອງກອງບັນຊາການທະຫານແຂວງສາລະວັນ ຕ່າງກໍ່ໄດ້ຜັດປ່ຽນກັນຂຶ້ນກ່າວຄຳສະດຸດີຕໍ່ພິທີດັ່ງກ່າວເຊິ່ງໄດ້ຍົກໃຫ້ເຫັນຄຸນງາມຄວາມດີ, ໄລຍະຜ່ານມາລາວ-ຫວຽດນາມໄດ້ມີມູນເຊື້ອສາມັກຄີ, ຊ່ວຍເຫຼືອເຊິ່ງກັນ ແລະ ກັນໃນພາລະກິດຕໍ່ສູ້ກູ້ຊາດຕ້ານຈັກກະພັດລ່າເມືອງຂຶ້ນເພື່ອຄວາມເປັນຄວາມເປັນເອກະລາດແຫ່ງຊາດຂອງແຕ່ລະປະເທດ ແລະ ຄວາມອິດສະລະພາບຂອງປະຊາຊົນ 2 ຊາດ ລາວ-ຫວຽດນາມ, ເຊິ່ງໄດ້ຮ່ວມສຸກ, ຮ່ວມທຸກ, ຮ່ວມຂຸດຄອງດຽວກັນ, ເພື່ອຕີສັດຕູໂຕດຽວກັນ, ນີ້ກໍ່ເປັນການຢັ້ງຢື້ນວ່າອັດຖິຂອງນັກຮົບອາສາສະໜັກ ແລະ ຊ່ຽວຊານຫວຽດນາມ ຈຳນວນ 12 ອັດຖິນີ້ແມ່ນໝາກຜົນແຫ່ງການຮ່ວມມືຂອງລັດຖະບານ ສປປລາວ ກັບ ລັດຖະບານ ແຫ່ງ ສສ ຫວຽດນາມ ກໍ່ຄືອຳນາດການປົກຄອງທ້ອງຖິ່ນຊາວແຂວງສາລະວັນທີ່ໄດ້ເອົາໃຈໃສ່ຂອງຄະນະປະຕິບັດງານພິເສດທັງສອງຝ່າຍພ້ອມທັງໄດ້ຮັບການຮ່ວມມືຈາກອຳນາດການປົກຄອງພໍ່ແມ່ປະຊາຊົນ ໃນແຕ່ລະທ້ອງຖິ່ນເຂົ້າໃນການຂຸດຄົ້ນຮ່າງອັດຖິດັ່ງກ່າວ ແລະ ພ້ອມນີ້ກໍ່ໄດ້ເຄື່ອນຍ້າຍເອົາອັດຖິຂອງນັກຮົບອາສາສະໜັກ ແລະ ຊ່ຽວຊານຫວຽດນາມເຂົ້າສູ່ສຸສານັກຮົບນິລະນາມ ນະຄອນເຫວ້ ແຫ່ງ ສ.ສ ຫວຽດນາມຢ່າງສົມກຽດ. ໂດຍ: ສຸຂາວພອນ ສອນນາລີ

news to day and hot news