ວັນເສົາ, ວັນທີ 07 ທັນວາ 2024
ກອງປະຊຸມສະຫຼຸບກວດກາຈໍານວນພົນທົ່ວກອງທັບຢູ່ບັນດາກົມກອງເຂດພາກເໜືອ
ເວລາອອກຂ່າວ: 2024-05-27 09:26:41 | ຜູ້ຂຽນ : admin2 | ຈຳນວນຄົນເຂົ້າຊົມ: 1006 | ຄວາມນິຍົມ: 
ກອງປະຊຸມສະຫຼຸບກວດກາຈຳນວນພົນທົ່ວກອງທັບ ຢູ່ບັນດາກົມກອງເຂດພາກເໜືອ ທີ່ກອງບັນຊາການທະຫານແຂວງຊຽງຂວາງ ໄດ້ຈັດຂຶ້ນໃນວັນທີ23 ພຶດສະພາ 2024 ນີ້, ໂດຍການເປັນປະທານຂອງ ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ, ເຂົ້າຮ່ວມມີ ສະຫາຍ ພັນເອກ ບຸນຊູ ໄຊລາສີ ຫົວໜ້າການທະຫານ ກອງບັນຊາການທະຫານແຂວງຊຽງຂວາງ, ມີບັນດາສະຫາຍຫົວໜ້າການທະຫານຈາກກຳລັງຫຼວງ, ກຳລັງທ້ອງຖິ່ນ, ກອງພົນ, ໂຮງຮຽນ, ໂຮງໝໍ, ໂຮງງານເຂດພາກເໜືອເຂົ້າຮ່ວມ 17ຫົວໜ່ວຍກົມກອງ.
ສະຫາຍ ພົນຈັດຕະວາ ສຸລິນພອນ ຄໍາພະຈັນ ຫົວໜ້າກົມກວດກາ ກົມໃຫຍ່ການເມືອງກອງທັບ ໄດ້ລາຍງານຜົນການກວດກາຕົວຈິງຢູ່ບັນດາກົມກອງເຂດພາກເໜືອ. ຈາກນັ້ນ ບັນດາກຳລັງຫຼວງ ແລະ ກຳລັງທ້ອງຖິ່ນກໍໄດ້ປະກອບຄຳເຫັນ ກ່ຽວກັບການຄຸ້ມຄອງກຳລັງພົນຢູ່ກົມກອງຂອວຕົນ.
ຈຸດປະສົງຄາດໝາຍເພື່ອສືບຕໍ່ປະຕິບັດຕາມທິດຊີ້ນໍາຂອງກະຊວງປ້ອງກັນປະເທດໃນການກວດກາສະກັດກັ້ນ ແລະ ແກ້ໄຂບັນຫາການໂຕນປະລະໜ້າທີ່ຈາກກົມກອງ, ການຮັກສາບັນຊີລາຍຊື່ຄົນບໍ່ມີໜ້າ, ເພື່ອຮັກສາກໍາລັງຕົ້ນຕໍໃນການປະຕິບັດໜ້າທີ່ກຽມພ້ອມສູ້ຮົບ ແລະ ເຄື່ອນໄຫວສູ້ຮົບປົກປັກຮັກສາຄວາມເປັນເອກະລາດຂອງຊາດ ແລະ ກຽມພ້ອມຊ່ວຍເຫຼືອເວລາເກີດໄພພິບັດສຸກເສີນໃນທົ່ວປະເທດ ເພື່ອເພີ່ມທະວີການຄຸ້ມຄອງກຳລັງພົນ, ຮັບປະກັນໃນການການອົບຮົມວຽກງານການເມືອງ, ການທະຫານ, ພະລາທິການ-ເຕັກນິກໃຫ້ພະນັກງານນັກຮົບມີຄວາມຊໍານິຊໍານານໃນການນໍາໃຊ້ອາວຸດຍຸດໂທປະກອນໃນກອງທັບ.
ຂ່າວ: ສົມຮັກ ຈັນທະວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
