ກອງທັບປະຊາຊົນລາວ
 
ວັນພຸດ, ວັນທີ 26 ມິຖຸນາ 2024

  

ຄະນະ​ພັກ​ຮາກ​ຖານ​ ພະແນກການ​ເມືອງ ກອງພັນ​ໃຫຍ່ 611 ດຳເນີນ​ກອງ​ປະຊຸມ​ໃຫຍ່ ຄັ້ງ​ທີ I
ເວລາອອກຂ່າວ: 2024-05-28 08:36:11 | ຜູ້ຂຽນ : admin1 | ຈຳນວນຄົນເຂົ້າຊົມ: 148 | ຄວາມນິຍົມ:



ກອງ​ປະຊຸມ​ໃຫຍ່​ສະມາ ຊິກ​ພັກ ຄັ້ງ​ທີ I ຂອງຄະນະ​ພັກ​ຮາກ​ຖານ​ ພະແນກການ​ເມືອງ ກອງພັນ​ໃຫຍ່ 611 ໄດ້​ຈັດ​ຂຶ້ນ​ໃນ​ວັນ​ທີ 21 ພຶດສະພາ 2024, ໂດຍ​ການ​ເປັນ​ປະທານ ​ຂອງ ສະຫາຍ ພັນ​ເອກ ອຸໄທ ຖະໜອມ​ໃຈ ເລຂາ​ຄະນະ​ພັກ, ຫົວໜ້າ​ການເມືອງ​ ກອງພັນ​ໃຫຍ່ 611, ມີ​ຄະນະ​ພັກ-ຄະນະ​ບັນ, ແຂກ​ທີ່​ຖືກ​ເຊີນ ຕະຫຼອດ​ຮອດສະມາຊິກ​ພັກສົມບູນ ແລະ ສຳຮອງ ເຂົ້າ​ຮ່ວມ. ສະຫາຍ ພັນ​ໂທ ສາຍສະໝອນ ສາລີ​ຄຳ ເລຂາ​ຄະນະ​ພັກ​ຮາກ​ຖານ, ຫົວໜ້າ​ພະແນກການ​ເມືອງ ໄດ້​ຜ່ານ​ບົດ​ລາຍ​ງານ​ການເມືອງ​ທັງ​ສອງ​ພາກ ໃນ​ໄລຍະ​ທີ່​ຜ່ານ ​ມາ, ຄະນະ​ພັກ​ໄດ້​ຖື​ສຳຄັນ​ວຽກ​ງານ​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດເປັນ​ກົກ ​ນຳ​ເອົາ​ບັນດາ​ມະຕິ​ຕ່າງໆ​ ຂອງ​ຂັ້ນ​ເທິງ​ມາ​ຈັດ​ຕັ້ງ​ຜັນ​ຂະຫຍາຍ ແລະ ເຊື່ອມ​ຊຶມ​ເຮັດ​ໃຫ້​ພະນັກງານສະມາ​ຊິກ​ພັກ-ນັກຮົບໃນ​ກົມ​ກອງ​ໄດ້​ຮັບ​ຮູ້​ເຊື່ອມ​ຊຶມ​ກຳ​ແໜ້​​ນຕໍ່​ແນວທາງ​ນະໂຍບາຍ​ຂອງ​ພັກ, ລະບຽບ​ກົດໝາຍ​ຂອງ​ລັດ; ຖື​ວຽກ​ງານ​ກໍ່ສ້າງ​ພະນັກງານ​ຕາມ 5 ຫຼັກ​ການ 3 ທິດ​ນຳ​ຂອງ​ພັກ ຕິດ​ພັນ​ກັບການ​ກໍ່ສ້າງ​ພັກ​ທັງ 4 ດ້ານ​ແນໃສ່​ຍົກ​ສູງ​ຄຸນ​ທາດ​ການເມືອງ​ຄຸນສົມບັດ​ສິນ​ທຳ​ປະຕິວັດ​ຄວາມ​ຮູ້​ຄວາມ​ສາມາດ​ແກ່​ພະນັກງານ ສາ​ມະ​ຊິກ​ພັກ-ນັກຮົບ​ໃຫ້​ມີ​ຄຸນ​ນະ​ພາບ​ສູງ​ເອົາໃຈໃສ່​ວຽກ​ງານ​ປັບປຸງ​ກໍ່ສ້າງ​ກຳລັງ​ວຽກ​ງານ​ອົບຮົມ-ຫັດ​ແອບ; ວຽກ​ງານ​ປັບປຸງ​ກໍ່ສ້າງ​ກົມ​ກອງ; ວຽກ​ງານ​ຈັດ​ຕັ້ງ​ມະຫາຊົນ ແລະ ວຽກ​ງານ​ນະໂຍບາຍ​ຕ່າງໆ. ໃນ​ວາລະ​ດຳເນີນ​ກອງ​ປະຊຸມ ບັນດາ​ຜູ້​ແທນ​ຍັງ​ໄດ້​ປະກອບ​ຄຳ​ຄິດ​ເຫັນ​ຕໍ່​ບົດ​ລາຍ​ງານ​ການເມືອງທັງ​ສອງ​ພາກ​ເພື່ອ​ໃຫ້​ມີ​ເນື້ອ​ໃນ​ຄົບ​ຖ້ວນ​ສົມບູນ ແລະ ດຳເນີນ​ ການ​ໃຊ້​ສິດ​ປະຊາທິປະໄຕ​ຂອງ​ຕົນ​ປ່ອນ​ບັດ​ຄັດ​ເລືອກ​ເອົາ​ຄະນະ​ພັກ​ຮາກ​ຖານ​ພະແນກການ​ເມືອງ​ຊຸດ​ໃໝ່ ​ເລືອກ​ເອົາ ສະຫາຍພັນ​ໂທ ສາຍສະໝອນ ສາລີ​ຄຳ ເປັນ​ເລຂາ, ສະຫາຍ ພັນ​ໂທ ພານິດ ພົມ​ມະ​ສານ ເປັນ​ຮອງ​ເລຂາ, ສະຫາຍ ພັນ​ໂທ ຈິດ​ຖະໜອມ ອະນຸລັກ, ສະຫາຍ ພັນ​ໂທ ຄຳ​ປານ ສຸລິຍະ​ວົງ ແລະ ສະຫາຍ ພັນ​ຕີ ບຸດ​ສະ​ດີ ສີ​ສົມ​ພອນ ເປັນ​ກຳມະການ. ໂດຍ: ພູ​ວາ ເພຍ​ຄຳ​ໂງ່ນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ