POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ທະຫານແຂວງຫຼວງພະບາງ ຕ້ອນຮັບການມາຢ້ຽມຢາມ ແລະ ເຮັດວຽກ ຂອງຄະນະຜູ້ແທນວິທະຍາຄານເຕັກໂນໂລຊີ ປ້ອງກັນຊາດ ສປ ຈີນ
ເວລາອອກຂ່າວ: 2024-05-29 08:38:18 | ຜູ້ຂຽນ : admin1 | ຈຳນວນຄົນເຂົ້າຊົມ: 441 | ຄວາມນິຍົມ:

ໃນວັນທີ 25 ພຶດສະພາ 2024 ນີ້, ສະຫາຍ ພັນເອກ ພິເສດ ຮສ ປອ ຮ່ວງຢົງ ຫົວໜ້າພະແນກອາຊີອາຄະເນ ພ້ອມດ້ວຍຄະນະຄູອາຈານ-ນັກສຶກສາວິທະຍາ ຄານເຕັກໂນໂລຊີ ປ້ອງກັນຊາດ ສປ ຈີນ, ໄດ້ເດີນທາງມາຢ້ຽມ ແລະ ເຮັດວຽກຢູ່ກອງບັນຊາການທະຫານແຂວງຫຼວງພະບາງ, ໂດຍມີ ສະຫາຍ ພັນເອກ ວິລະສິນ ມິດຕະພອນ ຮອງຫົວ ໜ້າຫ້ອງການເມືອງກອງບັນ ຊາການທະຫານແຂວງຫຼວງພະບາງ ພ້ອມຄະນະໃຫ້ການຕ້ອນ ຮັບ. ສະຫາຍ ພັນເອກ ວິລະສິນ ມິດຕະພອນ ໄດ້ລາຍງານຈຸດພິ ເສດພູມສາດ, ລວມທັງການພັດ ທະນາເສດຖະກິດ-ສັງຄົມຂອງແຂວງ ໃຫ້ຮູ້ວ່າ: ແຂວງຫຼວງພະບາງເປັນແຂວງໜຶ່ງຕັ້ງຢູ່ພາກເໜືອຂອງລາວ ມີເນື້ອທີ່ທັງໝົດ 16.875 ກິໂລຕາແມັດ, ພື້ນທີ່ສ່ວນຫຼາຍ່ເປັນພູດອຍ, ມີເຂດແດນຕິດກັບ 6 ແຂວງພາກເໜືອລາວ, ການປົກຄອງ ມີ 1 ນະຄອນ, 11 ເມືອງ, ມີພົນລະເມືອງ 400.000 ກວ່າຄົນ, ອາຊີບປະຊາຊົນສ່ວນຫຼາຍແມ່ນຢຶດຖື ເອົາການກະສິກຳປູກຝັງ-ລ້ຽງ ສັດ ແລະ ບໍລິການເປັນຕົ້ນຕໍ, ໄລຍະຜ່ານມາ ກອງບັນຊາການ ທະຫານແຂວງຫຼວງພະບາງ ໄດ້ພົວພັນຮັດແໜ້ນຄວາມສາ ມັກຄີກັບກົງສູນໃຫຍ່ ສປ ຈີນ ປະຈຳແຂວງຫຼວງພະບາງດ້ວຍ ການຈັດຕັ້ງຄະນະໄປອວຍພອນ ຊຸກຍູ້ໃຫ້ກຳລັງໃຈເຊິ່ງກັນ ແລະ ກັນໃນຍາມວັນບຸນສຳຄັນຕ່າງໆຂອງທັງສອງຊາດ, ທັງພົວພັນແລກປ່ຽນບົດຮຽນກັນ ແລະ ກັນເປັນປົກກະຕິ. ພ້ອມກັນນີ້, ຍັງໄດ້ຈັດຕັ້ງກຳລັງປ້ອງກັນບັນດາໂຄງການກໍ່ສ້າງເຂື່ອນໄຟຟ້າ, ໂຄງການຂຸດຄົ້ນບໍ່ແຮ່, ໂຄງ ການເສັ້ນທາງລົດໄຟ ລາວ-ຈີນ ແລະ ໂຄງການອື່ນໆ ລວມທັງໝົດ 16 ໂຄງການ ເຊິ່ງຜ່ານມາສາມາດຮັບປະກັນຄວາມປອດໄພໃຫ້ແກ່ການລົງທຶນຂອງ ສປ ຈີນ. ໂອກາດນີ້, ຍັງໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກ ຂອງສະຫາຍ ຮສ ປອ ຮ່ວງຢົງ ພ້ອມດ້ວຍຄະນະຢູ່ກອງບັນຊາການທະຫານ ແຂວງຫຼວງພະບາງໃນຄັ້ງນີ້ສຸດທີ່ມີຄວາມໝາຍສຳຄັນ, ເປັນການເສີມຂະຫຍາຍມູນເຊື້ອສາຍພົວພັນສາມັກຄີໄມຕີຈິດມິດຕະພາບ ລະຫວ່າງ ສອງຊາດ, ສອງກອງທັບລາວ-ຈີນ ໃຫ້ນັບມື້ກ່າວເຂົ້າສູ່ລວງເລິກ. ໂອກາດດຽວກັນນີ້, ສະຫາຍ ພັນເອກ ພິເສດ ຮສ ປອ ຮ່ວງຢົງ ໄດ້ສະແດງຄວາມຮູ້ສຶກດີໃຈ ແລະ ຕີຄວາມໝາຍສູງໃນການຕ້ອນຮັບອັນອົບອຸ່ນ, ພ້ອມທັງ ລາຍງານຈຸດປະສົງໃນການ ເຄື່ອນໄຫວພົບປະຢ້ຽມຢາມ ແລະ ເຮັດວຽກໃນຄັ້ງນີ້ ເພື່ອນຳພາຄະນະ ຄູ-ອາຈານ ແລະ ນັກສຶກສາປີທີ 4 ຂອງວິທະຍາຄານ ເຕັກໂນໂລຊີ ປ້ອງກັນຊາດ ສປ ຈີນເຄື່ອນໄຫວຢ້ຽມຢາມທັດ ສະນະສຶກສາແລກປ່ຽນບົດ ຮຽນທາງດ້ານວັດທະນະທຳ-ສັງຄົມລາວ ຢູ່ເມືອງມໍລະດົກ ໂລກ. ໂອກາດນີ້ທັງສອງຝ່າຍຍັງໄດ້ມອບຂອງຂວັນທີ່ລະນຶກໃຫ້ກັນ ແລະ ກັນຕື່ມອີກ. ໂດຍ: ສົມພອນ ສຸວັນທອນ

news to day and hot news