ກອງທັບປະຊາຊົນລາວ
 
ວັນຈັນ, ວັນທີ 24 ມິຖຸນາ 2024

  

ໂຮງຮຽນ​ຕິ​ພິເສດ 303 ປິດ​ຊຸດ​ອົບຮົມ​ທະຫານ​ໃໝ່​ ຊຸດ​ທີ VI
ເວລາອອກຂ່າວ: 2024-05-29 08:39:21 | ຜູ້ຂຽນ : admin1 | ຈຳນວນຄົນເຂົ້າຊົມ: 132 | ຄວາມນິຍົມ:



ວັນ​ທີ 22 ພຶດສະພາ 2024 ນີ້​, ໂຮງຮຽນ 303 ໄດ້​ປິດ ຊຸດ​ອົບຮົມ​ທະຫານ​ໃໝ່ ຊຸດ​ທີ Vl, ໂດຍ​ການ​ເປັນ​ປະທານ​ ຂອງ​ສະຫາຍ ພັນ​ເອກ ຄຳ​ພຽນ ຈິດ​ຕະ​ສຸບັນ​ລິດ ຮອງ​ຫົວໜ້າ​ກົມ​ກຳລັງ​ພົນ​ ກົມ​ໃຫຍ​່ເສນາ​ທິ​ການ, ມີ​ຄະນະ​ພັກ-ຄະນະ​ອໍານວຍການໂຮງຮຽນ, ມີ​ບັນ ດາ​ແຂກ, ກົມ​ກອງ​ອ້ອມ​ຂ້າງ​ພະ ນັກງານ ​ຄູ-ອາຈານ ແລະ ນັກ ຮຽນ​ເຂົ້າ​​ຮ່ວມ. ສະຫາຍ ພັນ​ໂທ ໄຊ​ພອນ ນະຄອນ​ໄຊ ຫົວໜ້າ​ການ​ທະຫານ​ໂຮງຮຽນ 303 ໄດ້ຜ່ານ​ຂໍ້​ຕົກລົງ​ປິດ​ຮຽນ​ ໂດຍ​ອິງ​ຕາມ​ແຜນການ​ລະດົມ​ທະຫານ​ໃໝ່​ປະຈຳ​ປີ 2023 ຂອງ​ກົມ​ໃຫຍ່​ເສນາ​ທິ​ການກອງທັບ. ຈາກ​ນັ້ນ, ​ສະຫາຍ​ພັນ​ໂທ ສົມ​ປອງ ຈັນທະ​ລັງສີ ໄດ້ຜ່ານ​ບົດ​ສະຫຼຸບ​ວຽກ​ງານ​ອົບຮົມ-​ຫັດ​ແອບ​ທະຫານ​ໃໝ່ ຊຸດທີ Vl ປະຈຳ​ປີ 2024 ໃນ​ໄລຍະ 3 ເດືອນ​ຜ່ານ​ມາ ​ມີ​ທັງ​ຂໍ້​ສະດວກ, ຂໍ້​ຫຍຸ້ງຍາກ ແລະ ບົດຮຽນ​ທີ່​ຖອດ​ຖອນ​ໄດ້ ​ເຊິ່ງ​ຄະນະ​ພັກ-ຄະນະ​ບັນຊາ​ໄດ້ເອົາ ໃຈໃສ່​ຊີ້​ນຳ​ລົງ​ເລິກ​ໃກ້​ຊິດຕິດ​ ແທດ​ກັບ​ພະນັກງານ ຄູ-ອາ ຈານ ແລະ ນັກຮຽນ​ໃນ​ເວລາ​ຂຶ້ນ​ຫ້ອງ​ພາກ​ທິດ​ສະ​ດີ, ພາກ​ປະຕິບັດ​ຕົວ​ຈິງ​ໃຫ້​ດຳເນີນ​ໄປ​ຕາມ​ແຜນການ ແລະ ບັນລຸຕາມ ​ລະດັບ​ຄາດໝາຍ​ທີ່​ວາງ​ໄວ້, ​ມີ​ ທະຫານ​ໃໝ່​ທັງ​ໝົດ 233 ສະ ຫາຍ, ມີ 5 ວິຊາ​ຄື: ວິຊາ​ການເມືອງ, ​ຂັ້ນ​ດີ 233 ສະຫາຍ ເທົ່າ 100 %, ວິຊາ​ລວມ ​ຂັ້ນ​ດີເລີດ 180 ສະຫາຍ ເທົ່າກັບ 77,25 %, ຂັ້ນ​ດີ 53 ສະຫາຍ ເທົ່າກັບ 22,74 %, ວິຊາການທະຫານ ຂັ້ນ​ດີ 220 ສະຫາຍ ເທົ່າກັບ 94,42 %, ຂັ້ນ​ກາງ 13 ສະ ຫາຍ ເທົ່າກັບ 5,51 %, ວິຊາ​ສິລະປະ​ຍຸດ ​ຂັ້ນ​ດີເລີດ 6 ສະຫາຍ ເທົ່າກັບ 2,57 %, ຂ້ັນ​ດີ 147 ສະຫາຍ ເທົ່າກັບ 63,09 %, ຂັ້ນ​ກາງ 73 ສະຫາຍ ເທົ່າກັບ 31,33% ແລະ ວິຊາ​ຍຸດທະວິທີ ຂັ້ນ​ດີ 233 ສະຫາຍ ເທົ່າກັບ100%. ໃນ​ພິທີ​ຍັງ​ໄດ້​ມອບ​ໃບຢັ້ງຢືນ​ໃຫ້​ທະ ຫານ​ໃໝ່ ຊຸດ​ທີ Vl ຢ່າງ​ສົມ​ກຽດ. ໂດຍ: ຟອງ​ລາ ສົມ​ພອນ ພາບ: ທອງ​ລິນ ພົມ​ມະ​ແສງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ