ກອງທັບປະຊາຊົນລາວ
 
ວັນສຸກ, ວັນທີ 19 ກໍລະກົດ 2024

  

ຄະນະ​ສະເພາະ​ກິດ ກົມ​ໃຫຍ່​ພະລາທິການ​ກອງທັບ ເກັບ​ກຳ​ຂໍ້​ມູນ​ດ້ານ​ຈຳນວນ​ພົນ​ ຢູ່ກົມ​ກອງ​ຮາກຖານ
ເວລາອອກຂ່າວ: 2024-06-12 08:31:00 | ຜູ້ຂຽນ : admin1 | ຈຳນວນຄົນເຂົ້າຊົມ: 149 | ຄວາມນິຍົມ:



ວັນ​ທີ 10 ມິຖຸນາ 2024 ນີ້,ສະຫາຍ ພັນ​ໂທ ສົມ​ພອນ ນັນທະ​ວົງ ຫົວໜ້າ​ພະ​ແນກ​ກຳລັງ​ພົນ ກົມ​ເສນາ​ພະ​ລາ ກົມ​ໃຫຍ່​ພະລາທິການ​ກອງທັບ ພ້ອມ​ດ້ວຍຄະນະພະ​ແນກ​ພະນັກງານ, ພະ​ແນກ​ປ້ອງ​ກັນ​ພາຍ​ໃນ ແລະ ພະແນກການ​ເງິນ ກົມ​ໃຫຍ່​ພະລາທິການ​ກອງທັບ ໄດ້​ເຄື່ອນ​ໄຫວ​ຕິດຕາມ, ກວດກາ, ເກັບ​ກຳ​ຂໍ້​ມູນການຄຸ້ມ​ຄອງ​ດ້ານ​ຈຳນວນ​ພົນ​ຂອງ​ນາຍ ແລະ ພົນທະຫານ ຢູ່​ກອງ​ຜະລິດກະສິກຳເລກ 1 ກອງທັບ, ໂດຍ​ມີຄະນະ​ພັກ-ຄະນະ​ບັນຊາ, ພະນັກງານ ແລະ ນັກ ຮົບ​ໃນ​ທົ່ວ​ກົມ​ກອງ ເຂົ້າ​ຮ່ວມ. ອີງ​ຕາມ ຄຳ​ສັ່ງ​ ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ ການຈັດຕັ້ງ​ຜັນ​ຂະຫຍາຍ​ມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ພັກ​ກະຊວງ​ປ້ອງ​ກັນ​ປະເທດ ຄັ້ງ​ທີ 1 ສະໄໝ​ທີ V ຂົງເຂດ​ວຽກ​ງານ​ຄຸ້ມ​ຄອງ​ການຈັດຕັ້ງ ປະກອບ​ຈຳນວນ​ພົນ​ກອງທັບ ຂອງ​ກົມ​ໃຫຍ່​ເສນາ​ທິ​ການ ວ່າ​ດ້ວຍ​ ໃຫ້​ຈັດ​ຕັ້ງ​ກວດກາ​ການ​ຄຸ້ມ​ຄອງ​ກຳ ລັງ​ພົນ​ອົງການ ແລະ ກົມ​ກອງ​ຂຶ້ນ​ກັບ​ຂັ້ນ​ຕົນ, ອີງ​ຕາມທິດ​ຊີ້​ນຳ ​ຂອງ​ຄະນະ​ພັກ​ອົງການ​ກົມ​ໃຫຍ່​ພະລາທິການ​ກອງທັບ ໃນ​ເດືອນພຶດສະພາ 2024 ເພື່ອ​ຮັບ ປະກັນ​ວຽກ​ງານ​ການຈັດຕັ້ງ​ຜັນ​ຂະຫຍາຍ​ຄຳ​ສັ່ງ​ ຂອງ​ກົມ​ໃຫຍ່​ເສນາ​ທິ​ການ​ກອງທັບ ວ່າ​ດ້ວຍ​ໃຫ້​ຈັດ​ຕັ້ງ​ກວດກາ​ການ​ຄຸ້ມ​ຄອງ​ກຳລັງ​ພົນ​ອົງການ ແລະ ກົມ​ກອງ​ທີ່​ຂຶ້ນ​ກັບ​ຂັ້ນ​ຕົນ​ໃຫ້​ຖືກຕ້ອງ​ຕາມ​ຫຼັກການ. ຈຸດປະສົງ ຄາດໝາຍ​ເພື່ອ​ສືບຕໍ່​ປະຕິບັດ​ຕາມ​ທິດ​ຊີ້​ນຳ​ຂອງ​ກະຊວງ​ປ້ອງ​ກັນ​ປະເທດ​ໃນ​ການ​ກວດກາ​ສະກັດ​ກັ້ນ ແລະ ແກ້​ໄຂ​ບັນຫາ​ການ​ໂຕນ​ປະລະ​ໜ້າທີ່​ຈາກ​ກົມ​ກອງ, ການ​ຮັກສາ​ບັນຊີ​ລາຍ​ຊື່​ຄົນ​ບໍ່​ມີໜ້າ, ເພື່ອ​ຮັກສາ​ກຳລັງ​ຕົ້ນຕໍ​ໃນ​ການ​ປະຕິບັດ​ໜ້າທີ່​ກຽມພ້ອມ​ສູ້​ຮົບ ແລະ ເຄື່ອນ​ໄຫວ​ສູ້​ຮົບ​ປົກ​ປັກ​ຮັກສາ​ຄວາມ​ເປັນ​ເອກະລາດ​ຂອງ​ຊາດ ແລະ ກຽມພ້ອມ​ຊ່ວຍເຫຼືອ ເວລາ​ເກີດ​ໄພພິບັດ​ສຸກ​ເສີນ​ໃນ​ທົ່ວ​ປະເທດ ເພື່ອ​ເພີ່ມ​ທະວີ​ການ​ຄຸ້ມ​ຄອງ​ກຳລັງ​ພົນ, ຮັບປະກັນ​ໃນ​ການ​ການ​ອົບຮົມ​ວຽກ​ງານ​ການເມືອງ, ການ​ທະຫານ, ພະລາທິການ-ເຕັກນິກ​ໃຫ້​ພະນັກງານ​ນັກຮົບ​ມີ​ຄວາມ​ຊຳ​ນິ​ຊຳ​ນານ​ໃນ​ການ​ນຳ​ໃຊ້​ອາວຸດ​ຍຸດ​ໂທ​ປະກອນ​ໃນກອງທັບ. ໂດຍ: ຄຳ​ປະສົງ ລາດ​ຊະ​ວົງ ພາບ: ວິຊາ​ການ​ກົມ​ກອງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ