ກອງທັບປະຊາຊົນລາວ
 
ວັນສຸກ, ວັນທີ 19 ກໍລະກົດ 2024

  

ຂະແໜງ​ສະຫະພັນ​ແມ່ຍິງ ກອງພັນ​ໃຫຍ່ 661 ສະຫຼຸບ​ການ​ປະຕິບັດ ​ຂໍ້​ແຂ່ງຂັນ 3 ດີ ແລະ ວຽກ​ງານ​ກຸ່ມ​ທ້ອນ​ເງິນ ປະຈຳ​ປີ 2023
ເວລາອອກຂ່າວ: 2024-06-12 08:37:40 | ຜູ້ຂຽນ : admin1 | ຈຳນວນຄົນເຂົ້າຊົມ: 146 | ຄວາມນິຍົມ:



ວັນ​ທີ11 ມິຖຸນາ 2024 ນີ້, ຂະແໜງ​ສະຫະພັນ​ແມ່ຍິງ ກອງພັນ​ໃຫຍ່ 661 ໄດ້​ເປີດ​ກອງ​ປະຊຸມ​ສະຫຼຸບ​ປະຕິບັດ​ຂໍ້​ແຂ່ງຂັນ 3 ດີ ແລະ ວຽກ​ງານ​ກຸ່ມ​ທ້ອນ​ເງິນ​ໄລຍະ 4 ປີ (2021-2024) ແລະ ວາງ​ທິດ​ທາງ​ແຜນການ 5 ປີ (2025-2029), ໂດຍ​ການ​ເປັນ​ປະທານ​ ຂອງສະຫາຍ ພັນເອກ ນາງ ໄພ​ວອນ ອິນ​ທະບຸດ ຄະນະ​ບໍລິຫານ​ງານ​ສູນ​ກາງ​ສະ ຫະພັນ​ແມ່ຍິງ​ລາວ, ຫົວໜ້າ​ຫ້ອງ ການ​ສະຫະພັນ​ແມ່ຍິງ​ກອງທັບ, ມີ​ຄະນະ​ພັກ-ຄະນະ​ບັນຊາ​ກອງພັນ​ໃຫຍ່, ກອງພັນ, ພະແນກການ, ແຂກ​ຖືກ​ເຊີນ, ຄະນະ​ໜ່ວຍ ແລະ ສະມາຊິກ​ແມ່ຍິງເຂົ້າ​ຮ່ວມ. ສະຫາຍ ພັນ​ໂທ ນາງ ລີວັນ ພົມມະ​ໄຊ ຫົວໜ້າ​ຂະແໜງ​ສະ ຫະພັນ​ແມ່ຍິງ ກອງພັນ​ໃຫຍ່ 661 ໄດ້​ສະຫຼຸບ​ຕີ​ລາຄາ​ຄືນ​ການຈັດ ຕັ້ງ​ປະຕິບັດ​ຂະ​ບວນ​ການ​ຂໍ້​ແຂ່ງ ຂັນ 3 ດີ​ໃນ​ໄລຍະ​ຜ່ານ​ມາ, ຄະ ນະ​ສະຫະພັນ​ແມ່ຍິງແຕ່​ລະ​ຂັ້ນ​ໃນ​ທົ່ວ​ກອງພັນ​ໃຫຍ່ 661 ໄດ້​ມີ​ແຜນການ, ວິທີ​ການຈັດຕັ້ງ​ປະຕິບັດ​ວຽກ​ງານ​ຂອງ​ຕົນ​ຢ່າງ​ມີ​ຄວາມ​ຮັບຜິດຊອບ​ສູງ ທີ່​ແທດເໝາະ​ກັບ​ສະພາບ​ເງື່ອນໄຂ ຄວາມ​ເປັນ​ຈິງ​ຂອງ​ກົມ​ກອງ, ຊຸກຍູ້, ຕິດຕາມ, ກວດກາ ແລະ ປະ​ເມີນ​ຜົນ​ໃນ​ແຕ່​ລະ​ໄລຍະ​ຢ່າງ​ເປັນ​ຂະ​ບວນ​ການ​ຟົດຟື້ນ​ຕໍ່​ເນື່ອງ ຕິດ​ພັນ​ກັບ​ໜ້າທີ່​ການເມືອງ​ຂອງ​ກົມ​ກອງ. ຜ່ານ​ການຈັດຕັ້ງ​ປະຕິ ບັດ​ຕົວ​ຈິງ​ໃນ​ໄລຍະ 4 ປີຜ່ານ ມາ (2021-2024) ສາມາດ​ຄັດ​ເລືອກ​ພົນລະເມືອງ​ດີ 163 ສະຫາຍ ກວມ​ເອົາ 100%, ພັດ ທະນາ​ດີ 155 ສະຫາຍ ກວມ​ເອົາ 70,89%, ສ້າງ​ຄອບຄົວ​ດີ 133 ສະຫາຍ ກວມ​ເອົາ 82,09%, ບຸກຄົນ 3 ດີ ປະເພດ I ຈຳນວນ 107 ສະຫາຍ ກວມ​ເອົາ 66,4%, ບຸກຄົນ 3 ດີ ປະ ເພດ II ຈຳນວນ 55 ສະຫາຍ ກວມ​ເອົາ 33,95%, ຄອບຄົວ​ຕົວ​ແບບ 15 ສະຫາຍ ກວມ​ເອົາ 9,25%, ຂະແໜງ 3 ດີ 1 ຂະ ແໜງ, ໜ່ວຍ 3 ດີ 8 ໜ່ວຍ, ກົມ​ກອງ​ນຳພາ​ດີເດັ່ນ 8 ກົມ​ກອງ. ພ້ອມ​ນັ້ນ, ຍັງ​ໄດ້​ສະຫຼຸບ​ການຈັດ ຕັ້ງ​ປະຕິບັດ​ວຽກ​ງານ​ກອງ​ທຶນ ​ຊ່ວຍເຫຼືອ​ເຊິ່ງ​ກັນ ແລະ ກັນ ປະ ຈຳ​ປີ 2023 ແລະ ທິດ​ທາງ​ແຜນ ການ​ປະຈຳ​ປີ 2024 ເຊິ່ງ​ເຫັນ​ວ່າ​ນັບ​ແຕ່​ມື້​ສ້າງຕັ້ງ​ຈົນ​ມາ​ຮອດ​ປັດຈຸບັນ ​ກຸ່ມ​ທ່ອນ​ເງິນ​ໄດ້​ຮັບ​ການ​ພັດທະນາ ແລະ ເຕີບ​ໃຫຍ່​ຂະຫຍາຍຕົວ​ຂຶ້ນ​ຢ່າງ​ຕັ້ງໜ້າ ສາມາດ​ແກ້​ໄຂ​ຊີວິດ​ການ​ເປັນ​ຢູ່​ຂອງສະມາຊິກ​ສະຫະພັນ​ແມ່ ຍິງ​ນັບ​ມື​້ນັບ​ດີ​ຂຶ້ນ​ເທື່ອ​ລະ​ກ້າວ. ປັດຈຸບັນມີ​ສະມາຊິກ​ກຸ່ມ​ທ້ອນ​ເງິນ​ທັງ​ໝົດ 1.085 ສະຫາຍ, ຍິງ 364 ສະຫາຍ, ມີ​ເງິນ​ທ້ອນ​ທັງ​ໝົດ 3.986.192.000 ກີບ. ຈາກ​ນັ້ນ, ບັນດາ​ຄະນະ​ພັກ-ຄະ ນະ​ບັນຊາ, ຄະນະ​ໜ່ວຍ​ສະຫະພັນ ແລະ ​ສະມາຊິກ​ແມ່ຍິງ ໄດ້​ຜັດປ່ຽນ​ກັນ​​ປະກອບ​ຄຳ​ຄິດ​ຄຳ​ເຫັນ, ແລກປ່ຽນ​ຖອດ​ຖອນ​ບົດຮຽນ​ນຳ​ກັນ ຢ່າງ​ກົງໄປ​ ກົງ​ມາ ເພື່ອ​ຍົກ​ໃຫ້​ເຫັນ​ດ້ານ​ດີທີ່​ ຕັ້ງໜ້າ, ດ້ານ​ອ່ອນ​ຂໍ້ຄົງຄ້າງ ແລະ ບາງ​ບົດຮຽນ​ທີ່​ຈະ​ຕ້ອງ​ໄດ້​ພ້ອມ​ກັນ​ປັບປຸງ​ແກ້ໄຂ​ໃນຕໍ່ໜ້າ​ໃຫ້​ດີ​ຂຶ້ນ​ກວ່າ​ເກົ່າ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ