ວັນອັງຄານ, ວັນທີ 22 ເມສາ 2025
ຫົວໜ້າການເມືອງ ໂຮງຮຽນກໍ່ສ້າງນາຍສິບ ເລກ 2 ວຽງໄຊ ໂອ້ລົມພະນັກງານຫຼັກແຫຼ່ງ
ເວລາອອກຂ່າວ: 2024-06-12 08:47:04 | ຜູ້ຂຽນ : admin1 | ຈຳນວນຄົນເຂົ້າຊົມ: 454 | ຄວາມນິຍົມ: 
ທ້າຍເດືອນພຶດສະພາ 2024 ນີ້, ສະຫາຍ ພັນເອກ ສຳລີ ຈັນທະວົງ ເລຂາຄະນະພັກ, ຫົວ ໜ້າການເມືອງ ໂຮງຮຽນກໍ່ສ້າງນາຍສິບ ເລກ 2 ວຽງໄຊ ໄດ້ພົບປະໂອ້ລົມພະນັກງານຫຼັກແຫຼ່ງໃນໂອກາດຮັບໜ້າທີ່ໃໝ່.
ສະຫາຍ ພັນເອກ ສຳລີ ຈັນທະວົງ ໄດ້ແນະນຳໂຕເອງໃຫ້ພະນັກງານຫຼັກແຫຼ່ງໄດ້ຮັບຮູ້ ແລະ ສະແດງຄວາມຍ້ອງຍໍຊົມ ເຊີຍຄະນະພັກ-ຄະນະບັນຊາແຕ່ ລະຂັ້ນທີ່ໄດ້ເອົາໃຈໃສ່ຊີ້ນຳພະ ນັກງານ-ນັກຮົບ ເຮັດສຳເລັດໜ້າ ທີ່ການເມືອງ ແລະ ວິຊາສະເພາະຂອງຕົນໃນໄລຍະຜ່ານມາ, ເຮັດໃຫ້ສະພາບຂອບເຂດກົມກອງຮັບຜິດຊອບມີຄວາມສະຫງົບໂດຍພື້ນຖານ ບໍ່ວ່າຈະເປັນວຽກງານພັກ-ວຽກງານການເມືອງ ແລະ ວິຊາສະເພາະໃນການເປັນ ເບົ້າລໍ່ກໍ່ສ້າງນາຍທະຫານຮັບໃຊ້ໃຫ້ກຳລັງຫຼວງ-ກຳລັງທ້ອງ ຖິ່ນ ພ້ອມນັ້ນ, ສະຫາຍ ໄດ້ຮຽກ ຮ້ອງໃຫ້ພະນັກງານຫຼັກແຫຼ່ງເອົາ ໃຈໃສ່ວຽກງານສຶກສາອົບຮົມການເມືອງ-ນຳພາແນວຄິດໃຫ້ເປັນປົກກະຕິ, ນຳເອົາບັນດານິຕິກຳຕ່າງໆ ມາຈັດຕັ້ງເຊື່ອມຊຶມໃຫ້ທົ່ວເຖິງ ໂດຍສະເພາະແມ່ນການຈັດຕັ້ງຜັນຂະຫຍາຍ 2 ວາລະແຫ່ງຊາດ ໃຫ້ຕິດພັນກັບການດຳເນີນຊີວິດການເມືອງເປັນປົກກະຕິ ໄປພ້ອມກັບການຈັດຕັ້ງປະຕິບັດຂະບວນການດ້ານຕ່າງໆຂອງກົມກອງໃຫ້ເປັນຂະບວນການຟົດຟື້ນ ໂດຍປິ່ນອ້ອມ 4 ໜ້າ ທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ; ສືບຕໍ່ປັບປຸງກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຕັ້ງໜ້າເພີ່ມທະວີວຽກງານວິຊາສະເພາະຂອງແຕ່ລະຂັ້ນໃຫ້ມີຄວາມເຂັ້ມແຂງ ສາມາດຕອບສະໜອງກັບຄວາມຮຽກຮ້ອງຕ້ອງການຂອງຂັ້ນເທິງ ເພື່ອແນ ໃສ່ຕ້ານ ແລະ ສະກັດກັ້ນຕໍ່ບັນ ດາປະກົດການຫຍໍ້ທໍ້ຕ່າງໆ ໃນສັງຄົມໃຫ້ຫຼຸດໜ້ອຍຖອຍລົງເທື່ອລະກ້າວ, ສືບຕໍ່ເສີມຂະຫຍາຍທາດແທ້ມູນເຊື້ອຂອງກອງທັບ, ຂອງກົມກອງຕິດພັນກັບການກໍ່ສ້າງພັກ-ພະນັກງານຮຸ່ນສືບທອດປ່ຽນແທ່ນໃຫ້ມີຄຸນນະພາບ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີຄວາມຮູ້ ຄວາມສາມາດ, ປອດໃສຂາວສະອາດ, ບຸກບືນຜ່ານຜ່າທຸກຂໍ້ຫຍຸ້ງຍາກ ເພື່ອສ້າງໃຫ້ກົມກອງມີຄວາມກ້າວໜ້າຂຶ້ນຢ່າງບໍ່ຢຸດຢັ້ງ.
ໂດຍ: ສົມພົງ ແກ້ວປະເສີດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
