ກອງທັບປະຊາຊົນລາວ
 
ວັນເສົາ, ວັນທີ 13 ກໍລະກົດ 2024

  

ມອບວັດຖຸກໍາທາງການທະຫານໃຫ້ຫໍພິພິທະພັນປະຫວັດສາດກອງທັບ
ເວລາອອກຂ່າວ: 2024-06-12 10:49:32 | ຜູ້ຂຽນ : admin2 | ຈຳນວນຄົນເຂົ້າຊົມ: 369 | ຄວາມນິຍົມ:



ວັນທີ 11 ມິຖຸນາ 2024 ນີ້, ສະຫາຍ ພັນຕີ ອາໂລ້ ໄຊຍະຈັກ ຫົວໜ້າຂະແໜງໂຄສະນາ ກອງພັນໃຫຍ່ 605 ພ້ອມຄະນະ ໄດ້ຕາງໜ້າໃຫ້ຄະນະພັກ-ຄະນະບັນຊາກອງພັນໃຫຍ່ 605 ນໍາເອົາວັດຖຸກໍາທາງການທະຫານ ມາມອບໃຫ້ຫໍພິພິທະພັນປະຫວັດສາດກອງທັບກ່າວຮັບໂດຍສະຫາຍ ພັນໂທ ສອນໄຊ ມີໄຊຜົນ ຫົວໜ້າພະແນກວິທະຍາສາດຊອກຄົ້ນ ຫໍພິພິທະພັນປະຫວັດສາດກອງທັບ ເຂົ້າຮ່ວມມີ ສະຫາຍ ພັນໂທ ໂມງຄໍາ ບົວລະວັນ ຮອງຫົວໜ້າອໍານວຍການຫໍພິພິທະພັນປະຫວັດສາດກອງທັບພ້ອມຄະນະ. ວັດຖຸກໍາທາງການທະຫານທີ່ນໍາມາມອບໃນຄັ້ງນີ້ມີ 9 ລາຍການຄື: ກະສອບລູກປືນປືນໃຫຍ່ໜ້າດີນ 130 ມມ ຈໍານວນ 1 ກະສອບ, ກະສອບລູກປືນໃຫຍ່ໜ້າດີນ 152 ມມ ຈໍານວນ 1 ກະສອບ, ກ້ອງຊ່ອງ II AB-2 ຈໍານວນ 1 ເຄື່ອງ, ຂາກ້ອງຊ່ອງ II AB-2 ຈໍານວນ 1 ເຄື່ອງ, ກ້ອງຊ່ອງ ACT-1 ຈໍານວນ 1 ເຄື່ອງ, ກ້ອງຊ່ອງ IC-1 ຈໍານວນ 1 ເຄື່ອງ, ຂາກ້ອງຊ່ອງ IC-1 ຈໍານວນ 1 ເຄື່ອງ, ກ້ອງຊ່ອງມື B8X 30 ຈໍານວນ 1 ເຄື່ອງ ແລະ ກະດານບັນຊາ II YO-9 ຈໍານວນ 1 ເຄື່ອງ. ໂອກາດນີ້, ສະຫາຍຮອງຫົວໜ້າອໍານວຍການຫໍພິພິທະພັນປະຫວັດສາດກອງທັບ ກໍ່ໄດ້ກ່າວຂອບໃຈຕໍ່ຄະນະພັກ-ຄະນະບັນຊາ ກອງພັນໃຫຍ່ 605 ທີ່ໄດ້ນໍາເອົາວັດຖຸດັ່ງກ່າວມາມອບໃຫ້ຫໍພິພິທະພັນປະຫວັດສາດກອງທັບ ເພື່ອເຂົ້າຈັດວາງສະແດງໃຫ້ພະນັກງານ-ນັກຮົບ, ນັກຮຽນ-ນັກສຶກສາ ແລະ ຊັ້ນຄົນຕ່າງໆໃນສັງຄົມໄດ້ສຶກສາຮໍ່າຮຽນປະຫວັດສາດມູນເຊື້ອຂອງກອງພັນໃຫຍ່ 605 ຕື່ມອີກ. ໂດຍ: ສອນໄຊ ສໍ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ