POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 22 ເມສາ 2025

ປະກາດການຈັດຕັ້ງວຽກງານເຕັກນິກ ທົ່ວກອງບັນຊາການທະຫານນະຄອນຫຼວງວຽງຈັນ
ເວລາອອກຂ່າວ: 2024-06-13 08:23:40 | ຜູ້ຂຽນ : admin1 | ຈຳນວນຄົນເຂົ້າຊົມ: 370 | ຄວາມນິຍົມ:

ໃນຕົ້ນເດືອນພຶດສະພາ 2024 ນີ້, ຢູ່ກອງບັນຊາການທະຫານນະຄອນຫຼວງວຽງຈັນ ໄດ້ປະກາດການຈັດຕັ້ງ ຂັ້ນຫົວໜ້າພະແນກ, ຮອງຫົວໜ້າພະແນກ, ຮອງຫົວໜ້າກອງພັນ, ຫົວໜ້າຂະແໜງເຕັກນິກ, ໂດຍການເປັນປະທານ ຂອງສະຫາຍ ພັນເອກ ບຸນວານ ພົມມະວົງ ຫົວໜ້າການທະຫານ ກອງບັນຊາການທະຫານນະຄອນຫຼວງວຽງຈັນ, ມີຜູ້ຕາງໜ້າກົມເສນາເຕັກນິກ ກົມໃຫຍ່ເຕັກນິກກອງທັບ, ສະຫາຍ ພັນເອກ ສີວອນ ດາວມະນີຈັນ ຫົວໜ້າຫ້ອງເຕັກນິກ ກອງບັນຊາການທະຫານ ນະຄອນຫຼວງວຽງຈັນ, ມີຄະນະພັກ-ຄະນະບັນຊາ ອົງການ 5 ຫ້ອງ, ແຂກຖືກເຊີນ ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ. ສະຫາຍ ພັນເອກ ວິນທອງ ໄຊຍະວົງ ຮອງຫົວໜ້າກົມເສນາເຕັກນິກ ກົມໃຫຍ່ເຕັກນິກກອງ ທັບ ໄດ້ຜ່ານຂໍ້ຕົກລົງ ຂອງລັດຖະມົນຕີກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ຮອງຫົວໜ້າກອງບັນຊາການທະຫານເມືອງ ຮັບຜິດຊອບວຽກງານເຕັກນິກ, ອີງຕາມກົດໝາຍ ນາຍທະຫານ ກອງທັບປະຊາຊົນລາວ ວ່າດ້ວຍ ການແຕ່ງຕັ້ງຍົກຍ້າຍນາຍທະຫານ ກ່ຽວກັບການປັບປຸງບູລະ ນະກົງຈັກການຈັດຕັ້ງນຳພາ-ບັນຊາ ໃນກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສານ ແລະ ສ້າງສາພັດທະນາປະເທດຊາດ ໃນນີ້, ໄດ້ຕົກລົງແຕ່ງຕັ້ງ ສະຫາຍ ພັນໂທ ອຸ່ນຄຳ ຫຼວງລາດ ເປັນຮອງຫົວໜ້າກອງບັນຊາການ ຮັບຜິດຊອບວຽກງານເຕັກນິກ ທັງເປັນຫົວໜ້າພະແນກເຕັກນິກ ທະຫານເມືອງສີໂຄດຕະບອງ, ສະຫາຍ ພັນຕີ ສົມຈັນ ພົມມະຫາໄຊ ເປັນຮອງ ຫົວໜ້າກອງບັນຊາການຮັບຜິດຊອບວຽກງານເຕັກນິກ ທະຫານເມືອງນາຊາຍທອງ, ສະຫາຍ ພັນຕີ ບຸນນຳ ນ້ອຍວັນດີ ເປັນຮອງຫົວໜ້າກອງບັນຊາການ ຮັບຜິດຊອບວຽກງານເຕັກນິກ ທະຫານເມືອງໄຊທານີ, ສະຫາຍ ພັນຕີ ຄຳສະຫວັນ ວົງໄຊ ເປັນຮອງຫົວໜ້າກອງບັນຊາການ ຮັບຜິດຊອບວຽກງານເຕັກນິກ ທະຫານເມືອງສີສັດຕະນາກ, ພັນໂທ ຈັນຫອມ ບຸນມີໄຊ ເປັນຮອງຫົວໜ້າກອງບັນຊາການ ຮັບຜິດຊອງວຽກງານເຕັກນິກ ທະຫານເມືອງນາຊາຍທອງ, ຮ້ອຍເອກ ສຸພີ ພັນສົດໃສ ເປັນຮອງຫົວໜ້າພະແນກເຕັກນິກ ກອງບັນຊາການທະຫານເມືອງສີໂຄດຕະບອງ, ຮ້ອຍເອກ ພອນທິບ ໄຊຍະລາດ ເປັນຮອງຫົວໜ້າພະແນກເຕັກນິກ ກອງບັນຊາການທະຫານເມືອງໄຊທານີ, ຮ້ອຍເອກ ເພັດສະໄໝ ຈັນທະລາ ເປັນຮອງຫົວໜ້າພະແນກເຕັກນິກ ທະຫານເມືອງໄຊເສດຖາ, ຮ້ອຍເອກ ບຸນພອນ ພວງສີ ເປັນຮອງຫົວໜ້າກອງພັນ 513 ຮັບຜິດຊອບວຽກງານເຕັກນິກ, ຮ້ອຍເອກ ສົນທະສັກ ສຸວັນມີໄຊ ເປັນຮອງຫົວໜ້າພະແນກເຕັກນິກ ທະຫານເມືອງສັງທອງ, ຮ້ອຍເອກ ອຸໄທ ຈັນທະວົງ ເປັນຮອງຫົວໜ້າພະແນກເຕັກນິກ ທະຫານເມືອງຈັນທະບູລີ, ພັນໂທ ແສງ ທອງວັນມາ ເປັນຮອງຫົວໜ້າພະແນກເຕັກນິກ ທະຫານເມືອງປາກງື່ມ, ຮ້ອຍເອກ ຕ້າ ລັງຈະເລີນ ເປັນຮອງຫົວໜ້າພະແນກເຕັກນິກ ທະຫານເມືອງຫາດຊາຍຟອງ, ພັນຕີ ກົງສີ ວົງສາ ເປັນຮອງ ຫົວໜ້າກອງພັນ 512 ຮັບຜິດຊອບວຽກງານເຕັກນິກ, ພັນຕີ ແສງຈັນ ຈັນສອນ ເປັນຮອງຫົວໜ້າກອງພັນ 511 ຮັບຜິດຊອບວຽກງານເຕັກນິກ ແລະ ສະຫາຍ ພັນຕີ ແກ້ວອຸດອນ ນ້ອຍວົງສາ ເປັນຮອງຫົວໜ້າກອງພັນ 415 ຮັບຜິດຊອບວຽກງານເຕັກນິກ. ພ້ອມນັ້ນ, ຍັງໄດ້ຜ່ານຂໍ້ຕົກລົງ ວ່າດ້ວຍການແຕ່ງຕັ້ງພະນັກງານຊ່ວຍວຽກຂອງຫ້ອງ, ຂະແໜງການ ແລະ ກົມກອງຂຶ້ນກັບກອງບັນຊາການທະຫານນະຄອນຫຼວງວຽງຈັນ ຈຳນວນ 38 ສະຫາຍ ຕື່ມອີກ.

news to day and hot news