ກອງທັບປະຊາຊົນລາວ
 
ວັນສຸກ, ວັນທີ 19 ກໍລະກົດ 2024

  

ມອບ​ວັດຖຸ​ກຳ​ທາງ​ການ​ທະຫານ ​ໃຫ້​ຫໍ​ພິ​ພິ​ທະ​ພັນ​ປະຫວັດສາດ​ກອງທັບ
ເວລາອອກຂ່າວ: 2024-06-20 09:14:21 | ຜູ້ຂຽນ : admin1 | ຈຳນວນຄົນເຂົ້າຊົມ: 282 | ຄວາມນິຍົມ:



ວັນ​ທີ 11 ມິຖຸນາ 2024 ນີ້, ສະຫາຍ ພັນ​ຕີ ອາ​ໂລ້ ໄຊຍະຈັກ ຫົວໜ້າ​ຂະແໜງໂຄສະນາ ກອງ ພັນ​ໃຫຍ່ 605 ພ້ອມ​ຄະນະ ໄດ້​ຕາງໜ້າ​ໃຫ້​ຄະນະ​ພັກ-ຄະນະ​ບັນຊາ​ກອງພັນ​ໃຫຍ່ 605 ນຳ​ ເອົາ​ວັດຖຸ​ກຳ​ທາງ​ການທະຫານ ມາ​ມອບ​ໃຫ້​ຫໍ​ພິ​ພິ​ທະ​ພັນປະຫວັດສາດ​ກອງທັບ ກ່າວ​ຮັບ ໂດຍ ​ສະຫາຍ ພັນ​ໂທ ສອນໄຊ ມີ​ໄຊຜົນ ຫົວໜ້າ​ພະ​ແນກ​ວິທະ ຍາສາດ​ຊອກ​ຄົ້ນຫໍ​ພິ​ພິ​ທະ​ພັນ​ປະຫວັດສາດ​ກອງທັບ ໂດຍມີ ສະຫາຍ ພັນ​ໂທ ໂມງ​ຄຳ ບົວ​ລະ​ວັນ ຮອງ​ຫົວໜ້າ​ອຳນວຍ​ການ ຫໍ​ພິ​ພິ​ທະ​ພັນ​ປະຫວັດສາດ​ກອງທັບ​ພ້ອມ​ຄະນະ ເຂົ້າຮ່ວມ. ວັດຖຸ​ກຳ​ທາງ​ການ​ທະຫານ​ທີ່​ນຳ​ມາ​ມອບ​ໃນ​ຄັ້ງ​ນີ້​ ມີ 9 ລາຍ ການ​ຄື: ກະສອບ​ລູກ​ປືນ​ໃຫຍ່​ໜ້າ​ດິນ 130 ​ມມ ຈຳນວນ 1 ກະສອບ, ກະສອບ​ລູກປືນ​ໃຫຍ່​ໜ້າ​ດິນ 152 ​ມມ ຈຳນວນ 1 ກະສອບ, ກ້ອງ​ສ່ອງ II AB-2 ຈຳນວນ 1 ໜ່ວຍ, ຂາ​ກ້ອງ​ຊ່ອງ II AB-2 ຈຳນວນ 1 ອັນ, ກ້ອງ​ສ່ອງ ACT-1 ຈຳນວນ 1 ໜ່ວຍ, ກ້ອງ​ສ່ອງ IC-1 ຈຳນວນ 1 ໜ່ວຍ, ຂາກ້ອງສ່ອງ IC-1 ຈຳນວນ 1 ອັນ, ກ້ອງ​ສ່ອງ​ມື B8X 30 ຈຳນວນ 1 ໜ່ວຍ ແລະ ກະດານ​ບັນຊາ II YO-9 ຈຳນວນ 1 ແຜ່ນ. ໂອກາດ​ນີ້, ສະຫາຍ​ຮອງ​ຫົວໜ້າ​ອຳນວຍ​ການ ​ຫໍ​ພິ​ພິ​ທະ​ພັນ​ປະຫວັດສາດ​ກອງທັບ ​ໄດ້​ກ່າວ​ຂອບໃຈ ​ຕໍ່​ຄະນະພັກ-ຄະນະ​ບັນຊາ ກອງພັນ​ໃຫຍ່ 605 ທີ່​ໄດ້​ນຳ​ເອົາ​ວັດຖຸດັ່ງກ່າວມາມອບໃຫ້​ ຫໍ​ພິ​ພິ​ທະ​ພັນ​ປະຫວັດສາດ​ກອງ ທັບ ເພື່ອ​ເຂົ້າ​ຈັດ​ວາງສະແດງໃຫ້​ພະນັກງານ-ນັກຮົບ, ນັກຮຽນ-ນັກ​ສຶກ​ສາ ແລະ ຊັ້ນ​ຄົນ​ຕ່າງໆ​ໃນ​ສັງຄົມ​ໄດ້​ສຶກ​ສາ​ຮ່ຳຮຽນ​ປະ ຫວັດສາດ​ມູນເຊື້ອ ​ຂອງ​ກອງພັນ​ໃຫຍ່ 605 ຕື່ມ​ອີກ. ໂດຍ: ສອນ​ໄຊ ສໍ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ