ກອງທັບປະຊາຊົນລາວ
 
ວັນສຸກ, ວັນທີ 19 ກໍລະກົດ 2024

  

ທະຫານ​ແຂວງ​ຫຼວງ​ພະ​ບາງ​ ມອບ​ເງິນ​ອຸດ​ໜູນ​ເສຍ​ຊີວິດ
ເວລາອອກຂ່າວ: 2024-06-21 08:58:49 | ຜູ້ຂຽນ : admin1 | ຈຳນວນຄົນເຂົ້າຊົມ: 217 | ຄວາມນິຍົມ:



ພິທີ​ມອບ​ເງິນ​ອຸດ​ໜູນ​ໃຫ້​ຄອບຄົວ​ ຂອງ​ນາຍ ແລະ ພົນທະຫານຜູ້​ເສຍ​ຊີວິດ ຢູ່​ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ ໄດ້​ຈັດ​ຂຶ້ນ​ໃນ​ວັນ​ທີ 18 ມິຖຸນາ 2024 ນີ້, ໂດຍ​ມີ​ ສະຫາຍ ພັນ​ໂທ ສົມໃຈ ສີສະ​ຫວັດ ກໍາມະການຄະນະ​ພັກ​ກອງ​ບັນຊາ​ການ, ຮອງຫົວໜ້າ​ຫ້ອງ​ການເມືອງ​ ກອງບັນຊາການທະຫານ​ແຂວງ, ມີຜູ້ຕາງໜ້າພະແນກການ​ທີ່​ກ່ຽວຂ້ອງ ຕະຫຼອດ​ຮອດ​ຄອບຄົວ ຂອງນາຍ ແລະ ພົນທະຫານ​ຜູ້​ເສຍ​ຊີວິດ ເຂົ້າ​ຮ່ວມ. ສະຫາຍ ພັນ​ໂທ ສະ​ມິດສຸກ​ຈະເລີນ ຮອງ​ຫົວໜ້າ​ພະ​ແນກ​ປະກັນ​ສັງຄົມ ຫ້ອງ​ການເມືອງ​ກອງບັນຊາການທະຫານ​ແຂວງ ໄດ້​ກ່າວ​ວ່າ: ການ​ມອບ​ເງິນ​ອຸດ​ໜູນ​ໃຫ້​ຄອບຄົວ​ ​ຂອງ​ນາຍ ແລະ ພົນທະຫານ​ ຜູ້​ເສຍ​ຊີວິດ ແມ່ນ​ການ​ປະຕິບັດ​ນະໂຍບາຍ​ຕາມ​ກົດໝາຍ​ປະກັນ​ສັງຄົມ (ສະ ບັບ​ປັບປຸງ). ເຊິ່ງ​ໃນ​ຄັ້ງ​ນີ້ ​ຢູ່​ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ ມີ​ພະນັກງານ​ປະຈຳ ການ​ທີ່​ເສຍ​ຊີວິດ ຈຳນວນ 9 ສະ ຫາຍ ລວມ​ເປັນ​ມູນ​ຄາ​ທັງ​ໝົດ 722.061.351 ກີບ. ສະຫາຍ ພັນ​ໂທ ສົມ​ໃຈ ສີສະ​ຫວັດ ໄດ້​ຍົກ​ໃຫ້​ເຫັນ​ເຖິງ​ຄວາມ​ໝາຍ​ຄວາມສຳຄັນ​ໃນ​ການ​ປະຕິບັດ​ນະໂຍບາຍ​ມອບ​ເງິນ​ອຸດ​ໜູນ​ຄັ້ງ​ນີ້, ເຊິ່ງ​ເປັນ​ການ​ ຕອບ​ແທນ​ບຸນຄຸນ ​ຂອງ​ນາຍ ແລະ ພົນທະຫານ ທີ່​ໄດ້​ປະກອບສ່ວນ​ພາລະກິດ​ປະຕິວັດ, ອຸທິດ​ເລືອດ​ເນື້ອ, ເຫື່ອແຮງ, ສະຕິ​ປັນຍາ ເຂົ້າ​ໃນ​ການ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ ໃນ​ໄລຍະ​ຜ່ານ​ມາ, ພ້ອມ​ທັງ​ຮຽກຮ້ອງ​ໃຫ້​ຄອບຄົວ​ຜູ້​ທີ່​ໄດ້​ຮັບ​ເງິນ​ອຸດ​ໜູນ​ຄັ້ງ​ນີ້ ສືບຕໍ່​ຮັກສາ​ຄຸນງາມຄວາມດີ​ ຂອງ​ຜູ້​ທີ່​ໄດ້​ລ່ວງ​ລັບ​ໄປ​ແລ້ວ​ນັ້ນ ດ້ວຍ​ການ​ເປັນ​ເຈົ້າ​ການ​ໃນ​ການ​ສຶກ​ສາ​ອົບຮົມ​ບົ່ມ​ສອນ​ລູກ​ຫຼານໃຫ້​ເຂົ້າໃຈ​ແຈ້ງ​ຕໍ່​ແນວທາງ​ປ່ຽນແປງ​ໃໝ່​ຂອງ​ພັກ, ເຄົາ ລົບ​ກົດໝາຍ​ຂອງ​ລັດ, ພ້ອມ​ທັງ​ນຳ​ເອົາ​ເງິນ​ຈຳນວນ​ດັ່ງກ່າວ​ໄປ​ພັດທະນາ​ເສດຖະກິດ​ຄອບຄົວ​ໃຫ້​ຮັ່ງມີ​ເຂັ້ມແຂງ. ໂດຍ: ບຸນ​ເພັງ ວົງ​ແກ້ວ​ມະນີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ