ກອງທັບປະຊາຊົນລາວ
 
ວັນສຸກ, ວັນທີ 19 ກໍລະກົດ 2024

  

ກົມ​ໃຫຍ່​ເສນາ​ທິ​ການ​ກອງທັບ ປະກາດການ​ເລື່ອນ​ຊັ້ນ​ໃຫ້​ນາຍ​ທະຫານ
ເວລາອອກຂ່າວ: 2024-06-21 09:01:58 | ຜູ້ຂຽນ : admin1 | ຈຳນວນຄົນເຂົ້າຊົມ: 211 | ຄວາມນິຍົມ:



​ໃນ​ວັນ​ທີ 19 ມິຖຸນາ 2024 ກົມໃຫຍ່ເສນາທິການກອງທັບ ໄດ້ປະກາດການ​ເລື່ອນ​ຊັ້ນ, ເລື່ອນ​ທຽບ​ຊັ້ນ ໃຫ້​ນາຍ​ທະຫານ ໂດຍ​ການ​ເປັນ​ປະທານ ຂອງ​ສະຫາຍ ພັນ​ເອກ ສັນຕິ ເພັດ​ດວງ​ສິດ ຮອງ​ຫົວໜ້າ​ຫ້ອງ​ການເມືອງ ກົມ​ໃຫຍ່​ເສນາ​ທິ​ການ​ກອງທັບ, ມີ​ຜູ້ຕາງໜ້າ​ບັນດາ​ກົມ, ຫ້ອງການ, ພະແນກການ, ຄະນະ​ພັກ-ຄະນະ​ບັນຊາ ກົມ​ກອງ​ຮາກ​ຖານ ພ້ອມ​ດ້ວຍ​ຜູ້​ທີ່​ໄດ້​ຮັບ​ການ​ເລື່ອນ​ຊັ້ນ​ໃໝ່​ເຂົ້າ​ຮ່ວມ. ສະຫາຍ ພັນ​ໂທ ສະໄຫວ​ທອງ ບຸດ​ດາ​ວົງ ຫົວໜ້າ​ພະ​ແນກ​ພະນັກງານ ຫ້ອງ​ການເມືອງ​ກົມ​ໃຫຍ່​ເສນາ​ທິ​ການ​ກອງທັບ ໄດ້​ຜ່ານ​ຂໍ້​ຕົກລົງ​ ຂອງ​ກົມ​ໃຫຍ່​ການເມືອງ​ກອງທັບ ວ່າ​ດ້ວຍ​ການ​ເລື່ອນ​ຊັ້ນ-ເລື່ອນ​ທຽບ​ຊັ້ນ ໃຫ້​ນາຍ​ທະຫານ ​ຢູ່ ກົມ​ໃຫຍ່​ເສນາ​ທິ​ການ​ກອງທັບ, ອີງ​ຕາມ ກົດໝາຍ​ນາຍ​ທະຫານ​ກອງທັບ​ປະ ຊາຊົນ​ລາວ (ສະບັບ​ປັບປຸງ) ໃນ​ພາກ​ທີ II ໝວດ​ທີ 3 ມາດຕາ 22 ແລະ ມາດຕາ 23 ວ່າ​ດ້ວຍ​ການ​ເລື່ອນ​ຊັ້ນ​ນາຍ​ທະຫານ ໃນ​ນີ້, ຕົກລົງ​ເລື່ອນ​ທຽບ​ຊັ້ນ ຮ້ອຍ​ຕີ ຂຶ້ນ ຮ້ອຍ​ໂທ ຈຳນວນ 45 ສະຫາຍ ແລະ ເລື່ອນ​ຊັ້ນ ວາທີ ຂຶ້ນ ຮ້ອຍ​ຕີຈຳນວນ 59 ສະຫາຍ. ໂອກາດ​ນີ້, ສະຫາຍ ພັນ​ເອກ ສັນຕິ ເພັດ​ດວງ​ສິດ ໄດ້​ສະແດງ​ຍ້ອງຍໍ​ຊົມເຊີຍ ຕໍ່​ຜົນງານ​ທີ່​ສ້າງ​ໄດ້ ພ້ອມ​ທັງ​ຮຽກຮ້ອງ​ໃຫ້​ແຕ່​ລະ​ສະຫາຍ​ ສືບຕໍ່​ເຝິກຝົນ​ຫຼໍ່​ຫຼອມ​ຕົນ​ເອງ​ໃນ​ຮອບດ້ານ ດຸໝັ່ນ​ຊອກ​ຮູ້​ຄົ້ນຄວ້າ​ຮ່ຳຮຽນ​ເປັນ​ສຳຄັນ, ຍົກ​ສູງ​ສະຕິ​ຄວາມ​ຮັບຜິດຊອບ​ຕໍ່ໜ້າ​ທີ່​ການເມືອງ​ທີ່​ໄດ້​ຮັບ​ການ​ມອບ​ໝາຍ, ມີ​ແບບແຜນ​ໃນ​ການ​ດຳລົງ​ຊີວິດ​ທີ່​ປອດ​ໃສ​ຂາວ​ສະອາດ, ເສີມ​ຂະຫຍາຍ​ຫົວຄິດ​ປະດິດ​ສ້າງ, ປັບປຸງ​ແບບແຜນ​ວິທີ​ການ​ເຮັດ​ວຽກ​ໃຫ້​ມີ​ວິທະຍາສາດ​ໃຫ້​ແທດເໝາະ​ກັບ​ໜ້າທີ່​ການເມືອງ ເພື່ອ​ພ້ອມ​ກັນ​ເຮັດ​ສຳເລັດ​ໜ້າທີ່​ທີ່​ການຈັດຕັ້ງ​ມອບ​ໝາຍ​ໃຫ້​ດ້ວຍ​ໝາກຜົນ​ສູງ. ໂດຍ: ພຸດ​ທະ​ວອນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ