ວັນເສົາ, ວັນທີ 12 ຕຸລາ 2024
ກະຊວງປ້ອງກັນປະເທດ ສສ ຫວຽດນາມ ມອບອຸປະກອນການແພດ ໃຫ້ແກ່ກະຊວງປ້ອງກັນປະເທດ ສປປ ລາວ
ເວລາອອກຂ່າວ: 2024-06-21 09:06:15 | ຜູ້ຂຽນ : admin1 | ຈຳນວນຄົນເຂົ້າຊົມ: 342 | ຄວາມນິຍົມ: 
ວັນທີ 17 ມິຖຸນາ 2024, ຢູ່ທີ່ກົມພົວພັນຕ່າງປະເທດ ກະຊວງປ້ອງກັນປະເທດ ສສ ຫວຽດນາມ ໄດ້ມີພິທີ ມອບ-ຮັບ ອຸປະກອນການແພດ ລະຫວ່າງກະຊວງປ້ອງກັນປະເທດ ສສ ຫວຽດນາມ ແລະ ກະຊວງປ້ອງກັນປະເທດ ສປປ ລາວ, ໂດຍມີ ສະຫາຍ ພັນເອກ ພິເສດ ເລ ວັນດົງ ຮອງຫົວໜ້າກົມເສນາຮັກ ກົມໃຫຍ່ພະລາທິການ ກອງທັບ ປະຊາຊົນຫວຽດນາມ, ມີສະຫາຍ ພັນເອກ ວົງໄຊ ອິນທະຄຳ ທີ່ປຶກສາທູດປ້ອງກັນຊາດ ແຫ່ງ ສປປ ລາວ ປະຈຳ ສສ ຫວຽດ
ນາມ, ມີຜູ້ຕາງໜ້າຈາກກົມພົວພັນຕ່າງປະເທດ, ກົມປ້ອງກັນຄວາມສະຫງົບກອງທັບ ເຂົ້າຮ່ວມ.
ສະຫາຍ ພັນເອກ ພິເສດ ເລ ວັນດົງ ໄດ້ໃຫ້ຮູ້ວ່າ: ການຮ່ວມມືໃນຂະແໜງເສນາຮັກ ເປັນໜຶ່ງໃນບັນດາຂົງເຂດການພົວພັນປ້ອງກັນຊາດ ຫວຽດນາມ-ລາວ, ເປັນສິ່ງຢັ້ງຢືນໃຫ້ແກ່ການຮ່ວມມືທີ່ມີໝາກຜົນ ລະຫວ່າງສອງຊາດ ເວົ້າລວມ, ເວົ້າສະເພາະ ສອງກະຊວງປ້ອງກັນປະເທດ ຫວຽດນາມ-ລາວ, ລາວ-ຫວຽດນາມ ເພື່ອພ້ອມກັນຍົກສູງກຳລັງແຮງໃນການປິ່ນປົວ, ຮັກສາສຸຂະ
ພາບ ຂອງນາຍ ແລະ ພົນທະຫານສອງຊາດ ຂະແໜງເສນາຮັກຫວຽດນາມ ໄດ້ໃຫ້ຄວາມສຳຄັນສູງກັບການປະກອບສ່ວນ ແລະ ເພີ່ມທະວີສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານລະ
ຫວ່າງສອງຊາດ, ສືບຕໍ່ໃຫ້ການຊ່ວຍເຫຼືອ ສປປ ລາວຕາມຄວາມສາມາດ ກໍຄືການຈັດຕັ້ງບັນດາກິດຈະກຳດ້ານການທະຫານ-ປ້ອງກັນຊາດອາຊຽນປີ 2024 ໃນຂົງເຂດເສນາຮັກ.
ພ້ອມນັ້ນ, ສະຫາຍ ພັນເອກ ພິເສດ ເລ ວັນດົງ ໄດ້ສະແດງຄວາມຊົມເຊີຍ ແລະ ຫວັງວ່າສອງກະຊວງປ້ອງກັນປະເທດ ຫວຽດນາມ-ລາວ ເວົ້າລວມ ຂະແໜງເສນາຮັກ ຫວຽດນາມ-ລາວ ເວົ້າສະເພາະ ຈະເສີມຂະຫຍາຍບັນດາຜົນງານທີ່ສ້າງມາໄດ້, ເປີດກວ້າງການຮ່ວມມືທາງກົງ ແລະ ທາງອ້ອມ.
ໂອກາດດັ່ງກ່າວ, ສະຫາຍພັນເອກ ວົງໄຊ ອິນທະຄຳ ໄດ້ສະແດງຄວາມຂອບໃຈ ແລະ ຍ້ອງຍໍຊົມເຊີຍໃນໄລຍະຜ່ານມາ ກະຊວງປ້ອງກັນປະເທດ
ສສ ຫວຽດນາມ ໄດ້ໃຫ້ການຊ່ວຍເຫຼືອກະຊວງປ້ອງກັນປະເທດ ສປປ ລາວ ຕະຫຼອດມາ, ບໍ່ວ່າຈະເປັນທາງດ້ານຈິດໃຈ ແລະ ວັດຖຸ, ຄວາມຮັກແພງສະໜິດສະໜົມ, ສະເໝີຕົ້ນສະເໝີປາຍ. ຕໍ່ກັບການຊ່ວຍເຫຼືອອຸປະກອນການແພດໃຫ້ແກ່ກະຊວງປ້ອງກັນປະເທດ ສປປ ລາວ ໃນຄັ້ງນີ້, ເພື່ອເປັນການສະໜັບສະໜູນ ສປປ ລາວ ໃນຖານະເປັນປະທານອາຊຽນ 2024 ແລະ ຈະນຳໃຊ້ບັນດາອຸປະກອນການແພດດັ່ງກ່າວໃຫ້ເກີດໝາກຜົນສູງທີ່ສຸດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
