ກອງທັບປະຊາຊົນລາວ
 
ວັນອາທິດ, ວັນທີ 14 ກໍລະກົດ 2024

  

ສະພາ​ແຫ່ງ​ຊາດ ພິຈາລະນາ​ຮ່າງ​ກົດໝາຍ ວ່າດ້ວຍການ​ຕ້ານ​ການ​ສໍ້​ລາດ​ບັງ​ຫຼວງ ສະບັບ​ປັບປຸງ
ເວລາອອກຂ່າວ: 2024-06-21 09:09:07 | ຜູ້ຂຽນ : admin3 | ຈຳນວນຄົນເຂົ້າຊົມ: 87 | ຄວາມນິຍົມ:



ໃນ​ເວລາດໍາເນີນ​ກອງ​ປະຊຸມ​ສະໄໝ​ສາມັນ ​ເທື່ອ​ທີ 7 ຂອງ​ສະພາ​ແຫ່ງ​ຊາດ ​ຊຸດ​ທີ IX ໃນ​ວັນ​ທີ 18 ມິຖຸນາ 2024, ພາຍ​ໃຕ້​ການ​ເປັນ​ປະທານ ​ຂອງ ທ່ານ ຈະເລີນ ເຢຍ​ປາວ​ເຮີ ຮອງ ​ປະທານ​ສະພາ​ແຫ່ງ​ຊາດ, ທ່ານ ວິໄລ​ວັນ ບຸດ​ດາ​ຄຳ ຮອງ​ປະທານ ​ອົງການ​ກວດກາ​ແຫ່ງ​ລັດ ໄດ້​ສະເໜີ​ຮ່າງ​ກົດໝາຍ ​ວ່າ​ດ້ວຍ​ການ​ຕ້ານ​ການ​ສໍ້​ລາດ​ບັງ​ຫຼວງ (ສະບັບ​ປັບປຸງ) ເຊິ່ງ​ປະກອບ​ມີ 10 ພາກ, 8 ໝວດ ແລະ 95 ມາດຕາ ນອກຈາກ​ນີ້, ຍັງ​ໄດ້​ປັບ ປຸງ​ໂຄງ​ສ້າງ, ຈັດ​ລຽງ​ບາງ​ພາກ, ບາງ​ໝວດ ແລະ ບາງ​ມາດຕາ.ໃນ​ ນີ້, ໄດ້​ຕັດ​ອອກ 9 ມາດຕາ,ເພີ່ມ ​ໃໝ່ 41 ມາດຕາ, ປັບປຸງ 38 ມາດຕາ, ຮັກສາ​ເນື້ອ​ໃນ​ເກົ່າ​ໄວ້ 16 ມາດຕາ ເພື່ອ​ໃຫ້​ສະມາຊິກ​ ສະພາ​ແຫ່ງ​ຊາດ ຄົ້ນຄວ້າ, ປະ ກອບ​ຄຳ​ຄິດ​ຄຳ​ເຫັນ ໃສ່​ຮ່າງ​ກົດ ໝາຍ​ດັ່ງກ່າວ ໃຫ້​ມີ​ເນື້ອ​ໃນ​ຄົບ​ຖ້ວນ, ສົມບູນ, ຮັດກຸມ ແລະ ສາ ມາດ​ນຳໄປ​ຈັດ​ຕັ້ງ​ປະຕິບັດ ໃຫ້​ສອດຄ່ອງ​ກັບ​ສະພາບ​ຄວາມ​ເປັນ​ຈິງ​ໃນ​ປັດຈຸບັນ. ໂອກາດ​ນີ້, ທ່ານ ວິໄລ​ວັນ ບຸດ​ດາ​ຄຳ ໄດ້​ຍົກ​ໃຫ້​ເຫັນ​ສະພາບ​ການຈັດຕັ້ງ​ປະຕິບັດ ກົດໝາຍ ​ວ່າ​ດ້ວຍ​ການ​ຕ້ານ​ການ​ສໍ້​ລາດ​ບັງ​ຫຼວງ ໃນ​ໄລຍະ​ຜ່ານ​ມາ ໂດຍ​ໄດ້​ ຖືກ​ສ້າງ​ຂຶ້ນ, ຮັບຮອງ ແລະ ປະ ກາດ​ໃຊ້​ນັບ​ແຕ່​ປີ 2005 ຈາກ​ນັ້ນ​ໄດ້​ປັບປຸງ​ຄັ້ງ​ທີ 1 ໃນ​ປີ 2012 ແລະ ປັດຈຸບັນ ກຳລັງ​ປັບປຸງ​ເປັນ​ຄັ້ງ​ທີ 2 ເພື່ອ​ໃຊ້​ເປັນ​ບ່ອນ​ອີງ ໃຫ້​ ແກ່​ການເຄື່ອນໄຫວ​ວຽກ​ງານ​ສະ ກັດ​ກັ້ນ ແລະ ຕ້ານ​ການ​ສໍ້​ລາດ​ບັງ​ຫຼວງ, ການ​ກໍ່ສ້າງ-ປັບປຸງ​ກົງຈັກ​ ການຈັດຕັ້ງ ແລະ ການເຄື່ອນໄຫວ​ຂອງ​ອົງການ ຕ້ານ​ການ​ສໍ້​ລາດ​ ບັງ​ຫຼວງ​ແຕ່​ລະ​ຂັ້ນ. ຜ່ານ​ການ ຈັດຕັ້ງ​ປະຕິບັດ​ຕົວ​ຈິງ ໃນ​ໄລຍະ​ ຜ່ານ​ມາ, ເຫັນ​ໄດ້​ດ້ານ​ດີ​ຕັ້ງໜ້າ ແລະ ດ້ານ​ອ່ອນ​ຄົງ​ຄ້າງ,ປະກົດ ​ການ​ລ່ວງ​ລະເມີດ​ກົດໝາຍ ແລະ ລະບຽບ​ການ​ຕ່າງໆ ເປັນຕົ້ນ ການ ​ຍັກ​ຍອກ-ສໍ້​ໂກງ, ການ​ໃຫ້-ຮັບ​ສິນ​ບົນ, ການ​ສວຍ​ໃຊ້​ຖານະ​ຕຳ ແໜ່ງ-ໜ້າທີ່, ການ​ຟອກເງິນ ທີ່​ຕິດ​ພັນ​ກັບ​ການ​ສໍ້​ລາດ​ບັງ​ຫຼວງ ແລະ ອື່ນໆ ເຊິ່ງ​ບັນຫາ​ດັ່ງກ່າວ, ກໍ​ໄດ້​ຮັບ​ການ​ແກ້​ໄຂ, ໄດ້​ປະກອບ ສ່ວນ​ສຳຄັນ ເຂົ້າ​ໃນ​ການ​ຮັບປະ ກັນ​ສະຖຽນ​ລະ​ພາບ​ທາງ​ດ້ານ​ການເມືອງ, ຄວາມ​ສະຫງົບ​ປອດ​ ໄພ, ການ​ພັດທະນາ​ເສດ​ຖະກິດ- ສັງຄົມ, ການ​ລົງທຶນ​ພາຍ​ໃນ ແລະ ຕ່າງປະເທດ ສືບຕໍ່​ຂະຫຍາຍຕົວ​ ຢ່າງ​ຕໍ່​ເນື່ອງ ແລະ ດຳເນີນ​ສອດ ຄ່ອງ​ຕາມ​ກົດໝາຍ, ປະກົດ​ການ​ ຫຍໍ້ທໍ້​ຕ່າງໆ ໄດ້​ຖືກ​ຕີ​ຖອຍ ໂດຍ​ ພື້ນຖານ. ເຖິງ​ແນວໃດ​ກໍ​ຕາມ, ເມື່ອ​ທຽບໃສ່​ຄວາມ​ຮຽກຮ້ອງ ຕ້ອງການ​ຕົວ​ຈິງ​ຂອງ​ສະພາບ​ ການ​ໃໝ່, ເຫັນ​ວ່າ​ກົດໝາຍ​ດັ່ງ ກ່າວ, ຍັງ​ບໍ່​ທັນ​ຄົບ​ຖ້ວນ. ສະນັ້ນ, ຈຶ່ງ​ມີ​ຄວາມ​ຈຳເປັນ​ທີ່​ຈະ​ຕ້ອງ​ໄດ້​ ຮັບ​ການ​ປັບປຸງ​ແກ້​ໄຂ​ຕື່ມ​ອີກ ເພື່ອ​ເຮັດ​ໃຫ້​ເນື້ອ​ໃນ​ຂອງ​ກົດ ໝາຍ​ຄົບ​ຖ້ວນ, ຊັດ​ເຈນ, ສອດ ຄ່ອງ​ກັບ​ສະພາບ​ການ​ໃໝ່, ຈັດ​ຕັ້ງ​ປະຕິບັດ​ມີ​ປະ​ສິດທິ​ຜົນ ແລະ ເພື່ອ​ຮວບ​ຮວມ​ເອົາ​ບາງ​ເນື້ອ​ໃນ​ ທີ່​ກ່ຽວຂ້ອງ​ກັບ​ວຽກ​ງານ​ສະກັດ​ ກັ້ນ ແລະ ຕ້ານ​ການ​ສໍ້​ລາດ​ບັງ​ ຫຼວງ ທີ່​ໄດ້​ກຳນົດ​ຢູ່​ໃນ​ກົດໝາຍ, ລະບຽບ​ການ ແລະ ນິຕິ​ກຳ​ອື່ນໆ ມາ​ໄວ້​ໃນ​ກົດໝາຍ​ສະບັບ​ນີ້ ເຮັດ​ ໃຫ້​ມີ​ລັກສະນະ​ກວມ​ລວມ,ການ ຈັດຕັ້ງ​ປະຕິບັດ​ຕົວ​ຈິງ​ມີ​ຄວາມ ​ເປັນ​ເອກະ​ພາບ, ການເຄື່ອນໄຫວ​ ວຽກ​ງານ​ດັ່ງກ່າວ ມີ​ຄວາມ​ສັກ ສິດ, ໜັກ​ແໜ້ນ, ເຂັ້ມແຂງ. ພາຍຫຼັງ​ທີ່​ຮ່າງ​ກົດໝາຍ​ດັ່ງກ່າວ, ໄດ້​ຖືກ​ຮັບຮອງ ແລະ ປະກາດ​ໃຊ້​ແລ້ວ ຈະ​ກາຍເປັນ​ນິຕິິ​ ກຳ​ພື້ນຖານ​ທີ່​ສຳຄັນ ໃຫ້​ແກ່​ການ ເຄື່ອນໄຫວ​ວຽກ​ງານ​ສະກັດ​ກັ້ນ ແລະ ຕ້ານ​ການ​ສໍ້​ລາດ​ບັງ​ຫຼວງ, ເປັນ​ບ່ອນ​ອີງ​ທີ່​ຈະແຈ້ງ​ຊັດ​ເຈນ ໃຫ້​ແກ່​ການ​ນຳພາ-ຊີ້​ນຳ ຂອງ​ຄະ ນະ​ພັກ, ຄະນະ​ນຳ ຂອງ​ອົງການ​ລັດ ກໍ​ຄື​ອົງການ​ຕ້ານ​ການ​ສໍ້​ລາດ ​ບັງ​ຫຼວງ​ແຕ່​ລະ​ຂັ້ນ ໃນ​ການ​ແກ້​ ໄຂ​ບັນຫາ​ດັ່ງກ່າວ ເຊິ່ງ​ຈະ​ປະ ກອບສ່ວນ​ສຳຄັນ ເຂົ້າ​ໃນ​ການ​ຮັບປະກັນ​ເຮັດ​ໃຫ້​ປະເທດ​ຊາດ ມີ​ຄວາມ​ໝັ້ນຄົງ, ມີ​ສະຖຽນ​ລະ​ພາບ​ທາງ​ດ້ານ​ການ ເມືອງ​ທີ່​ໜັກ​ແໜ້ນ, ເຂັ້ມແຂງ, ສັງຄົມ​ມີ​ຄວາມ​ສະຫງົບ​ປອດ​ໄພ, ເປັນ​ລະບຽບ​ຮຽບ​ຮ້ອຍ ແລະ ຍຸຕິ​ທຳ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ