POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 18 ມັງກອນ 2025

ຫ້ອງເຕັກນິກ ກອງບັນຊາການທະຫານແຂວງໄຊຍະບູລີ ເອົາໃຈໃສ່ຕໍ່ວຽກງານຄຸ້ມຄອງພາຫະນະເຕັກນິກ
ເວລາອອກຂ່າວ: 2024-06-24 09:23:24 | ຜູ້ຂຽນ : admin1 | ຈຳນວນຄົນເຂົ້າຊົມ: 407 | ຄວາມນິຍົມ:

ວຽກງານການຄຸ້ມຄອງ, ບົວລະບັດຜັດເຊັດວັດຖຸພາຫະນະເຕັກນິກ ແມ່ນວຽກງານໜຶ່ງທີ່ສຳຄັນໃນຄວາມຮັບຜິດຊອບໂດຍກົງ ຂອງຫ້ອງເຕັກນິກໃນກຳ ລັງຫຼວງ ແລະ ກຳລັງທ້ອງຖິ່ນ ໃນນີ້, ເວົ້າສະເພາະຢູ່ກອງບັນຊາການທະຫານແຂວງໄຊຍະບູລີ ແມ່ນກຳລັງປະກອບອາວຸດທ້ອງຖິ່ນທີ່ເປັນເສນາທິການໃຫ້ຄະນະພັກແຂວງ ຂົງເຂດວຽກງານຮັບປະກັນເຮັດໃຫ້ສະພາບມີຄວາມສະຫງົບ. ສະຫາຍ ພັນໂທ ວິໄລສັກ ຄຳອ່ອນ ຫົວໜ້າຫ້ອງເຕັກນິກ ກອງບັນຊາການທະຫານແຂວງ ໄຊຍະບູລີ ໄດ້ໃຫ້ຮູ້ວ່າ: ພາຍໃຕ້ການຊີ້ນຳ ຂອງກົມໃຫຍ່ເຕັກນິກກອງທັບ ກໍຄືຄະນະພັກ-ຄະນະບັນຊາກອງບັນຊາການທະຫານ ແຂວງໄຊຍະບູລີ ວຽກງານຮັບ ປະກັນເຕັກນິກໃນກົມກອງ ເຫັນວ່າມີຄວາມສະດວກສາມາດຕອບສະໜອງໄດ້ກັບໜ້າທີ່ການເມືອງໃນໄລຍະໃໝ່; ບົດບາດການຊີ້ນຳ ຂອງຄະນະຫ້ອງເຕັກນິກ ມີຄວາມຮັບປະກັນໃນການຈັດຕັ້ງປະຕິບັດວຽກງານເສນາເຕັກນິກ, ຄຸ້ມຄອງອາວຸດກະສຸນ, ພາຫະນະເຕັກນິກ ແລະ ຂະແໜງການອື່ນໆ ຂອງກົມກອງ ໃນການເປັນເສນາທິການໃຫ້ຄະນະພັກກອງບັນຊາການ ກໍຄືຜູ້ທີ່ຊີ້ນຳບັນຊາດ້ານວຽກງານເຕັກນິກ ຂອງກອງບັນຊາການ ໃນໄລຍະຜ່ານມາ ຄະນະຫ້ອງເຕັກນິກ ໄດ້ຈັດຕັ້ງຊີ້ນຳບັນດາອົງການກົມກອງຮາກຖານທີ່ຂຶ້ນກັບເຮັດວຽກງານຮັບ ປະກັນເຕັກຕິກ, ເອົາໃຈໃສ່ຄຸ້ມຄອງ, ບົວລະບັດຜັດເຊັດ ວັດຖຸພາຫະນະເຕັກນິກການທະຫານຕາມວັນເຕັກນິກທີ່ຂັ້ນເທິງກຳ ນົດ, ເພື່ອຮັບປະກັນໃຫ້ແກ່ການກຽມພ້ອມສູ້ຮົບ, ອົບຮົມ-ຫັດແອບ ແລະ ວຽກງານບໍລິຫານໃນກົມກອງໃຫ້ເດີນແມ່ນແລ່ນສະດວກດີ; ເພື່ອຕອບສະໜອງກັບຄວາມຮຽກຮ້ອງຕ້ອງການ ຂອງໜ້າທີ່ການເມືອງໃນສະ ເພາະໜ້າ ແລະ ຍາວນານ ຄະນະຫ້ອງເຕັກນິກໄດ້ເຄື່ອນໄຫວຊີ້ນຳ 6 ພະແນກການ ແລະ 1 ກອງຮ້ອຍສ້ອມແປງປະສົມ, 1 ໝວດລົດສຳຮອງ, 43 ຫົວໜ່ວຍທີ່ຂຶ້ນກັບກອງບັນຊາການທະຫານແຂວງໄຊຍະບູລີ ເອົາວຽກງານຄຸ້ມຄອງພາຫະນະເຕັກນິກ, ອາວຸດກະສຸນ ແລະ ອຸປະກອນເຕັກນິກຕ່າງໆ ທີ່ຂັ້ນເທິງປະກອບໃຫ້ຢ່າງເຂັ້ມງວດ, ສ້າງຂໍ້ກຳນົດກ່ຽວກັບວຽກງານການຄຸ້ມຄອງ-ນຳໃຊ້, ການບົວລະບັດຜັດເຊັດ ແລະ ສ້ອມແປງປ່ຽນຖ່າຍວັດຖຸອາໄຫຼ່ ເພື່ອເປັນບ່ອນອີງໃຫ້ບັນດາກົມກອງຮາກຖານຈັດຕັ້ງປະຕິບັດຢ່າງຖືກຕ້ອງເຫັນວ່າຫຼາຍກົມກອງໄດ້ເປັນເຈົ້າການຄຸ້ມຄອງ-ນຳໃຊ້ພາຫະນະເຕັກນິກຖືກຕ້ອງຕາມລະບຽບຫຼັກການ ແລະ ຂໍ້ກຳນົດຕ່າງໆ ທັງຮັບປະກັນຄວາມປອດໄພ 100% ແລະ ຮັບປະກັນບໍ່ໃຫ້ຕົກເຮ່ຍເສຍຫາຍ ໃນນັ້ນ, ໄດ້ປະຕິບັດລະບອບເຕັກນິກໃນແຕ່ລະອາທິດບົວລະບັດຜັດເຊັດປືນໃຫຍ່ລາກແກ່, ເຫຼົ່າຮົບທະຫານຮາບ ໄດ້ປະຕິບັດເປັນປະຈຳ ແລະ ໄດ້ແບ່ງຄວາມຮັບຜິດຊອບໃຫ້ພະນັກງານ-ນັກຮົບ ໝວດປືນໃຫຍ່ ແລະ ໝວດລົດ ກ່ອນເຂົ້າການໃນແຕ່ລະວັນ 10-20 ນາທີ ໄດ້ບົວລະບັດຜັດເຊັດສຳເລັດແລ້ວຈຶ່ງໄປເຮັດວຽກອື່ນ; ສ່ວນທ້າຍອາທິດ ເປັນວັນເຕັກນິກ ຂອງກົມກອງລວມ ເດັ່ນກວ່າໝູ່ແມ່ນກອງພັນ 609, ສ່ວນຂະແໜງລົດ ໄດ້ອຸ່ນຈັກເປັນປົກກະຕິທຸກໆ ເດືອນ ແລະ 3 ເດືອນກໍໄດ້ແລ່ນຍາວ 1 ເທື່ອ ການນຳໃຊ້ລົດຢູ່ບັນດາກົມກອງທີ່ຂຶ້ນກັບ ຖືກຕ້ອງຕາມລະບຽບຫຼັກການນຳໃຊ້ເຂົ້າໃນວຽກງານລວມຢູ່ແຕ່ລະກົມກອງຮາກຖານມີກະລາລົດ ແລະ ສາງຄຸ້ມຄອງອາວຸດ-ກະສຸນ ຖືກຕາມລະບຽບທີ່ຂັ້ນເທິ່ງກຳນົດ ແລະ ຮັບປະກັນການກຽມພ້ອມສູ້ຮົບ, ເຝິກແອບຮ່ຳຮຽນອີກດ້ວຍ. ສະຫາຍ ຫົວໜ້າຫ້ອງເຕັກນິກ ຍັງໃຫ້ຮູ້ອີກວ່າ: ທິດທາງແຜນການຕໍ່ໜ້າຈະສືບຕໍ່ຈັດຕັ້ງປະຕິບັດຍົກສູງດ້ານການ ເມືອງ-ນຳພາແນວຄິດເປັນກົກ ສອດຫ້ອຍເຂົ້າໃນທຸກຂົງເຂດວຽກງານລວມແນໃສ່ໃຫ້ພະນັກ ງານ-ນັກຮົບ ມີທັດສະນະຫຼັກໝັ້ນ, ມີຄຸນທາດການເມືອງໜັກແໜ້ນ ສືບຕໍ່ເຄື່ອນໄຫວນຳພາ-ຊີ້ນຳຂະແໜງການເຕັກນິກໃຫ້ມີຄວາມຮັບປະກັນເຮັດສຳເລັດໜ້າ ທີ່ວຽກງານວິຊາສະເພາະຂອງ ຕົນ, ສືບຕໍ່ປັບປຸງກໍ່ສ້າງກຳລັງຂະແໜງເຕັກນິກ ໃຫ້ມີຄວາມຮັບ ປະກັນດີ, ຍົກສູງຄວາມຮູ້ຄວາມສາມາດ ຂອງພະນັກງານວິຊາການເຕັກນິກເປັນຕົ້ນນາຍຊ່າງສ້ອມແປງ, ນັກຂັບຂີ່ ແລະ ວິຊາການຄຸ້ມຄອງພາຫະນະປະເພດຕ່າງໆໃຫ້ໄດ້ຕາມຂໍ້ກຳນົດທີ່ ກົມໃຫຍ່ເຕັກນິກກອງທັບວາງອອກ. ໂດຍ: ສົມຄິດ ພູມມີຈິດ

news to day and hot news