ກອງທັບປະຊາຊົນລາວ
 
ວັນເສົາ, ວັນທີ 13 ກໍລະກົດ 2024

  

ການ​ນຳພາ​ ຂອງ​ໜ່ວຍ​ພັກ ​ສູນ​ຄົ້ນຄວ້າ​ວິໄຈ​ເຄ​ມີ ຕໍ່​ຂົງເຂດ​ວຽກ​ງານ​ຕ່າງໆ
ເວລາອອກຂ່າວ: 2024-06-24 09:25:18 | ຜູ້ຂຽນ : admin1 | ຈຳນວນຄົນເຂົ້າຊົມ: 151 | ຄວາມນິຍົມ:



ໃນ​ໂອກາດ​ດຳເນີນ​ກອງ​ປະຊຸມ​ໃຫຍ່​ ຂອງ​ໜ່ວຍ​ພັກ ​ສູນ​ຄົ້ນຄວ້າ​ວິໄຈ​ເຄ​ມີ ຄັ້ງ​ທີ II ສະຫາຍ ພັນ​ໂທ ຄຳ​ຫຼອຍ ອິນ​ທິ​ອະ​ນົງ​ແກ້ວ ເລຂາ​ໜ່ວຍ​ພັກ, ຫົວໜ້າ​ການເມືອງ ​ສູນ​ຄົ້ນຄວ້າ​ວິໄຈ​ເຄ​ມີ ໄດ້​​ຜ່ານ​ບົດ​ສະຫຼຸບ​ຕີ​ລາຄາ​ໝາກຜົນ​ການ​ນຳພາ​ຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ I ຂອງ​ໜ່ວຍ​ພັກ ​ສູນ​ຄົ້ນຄວ້າ​ວິໄຈ​ເຄ​ມີ ໃນ​ໄລຍະ​ຜ່ານ​ມາ, ຄະນະ​ໜ່ວຍ​ພັກ​ໄດ້​ເອົາໃຈໃສ່​ສຶກ​ສາ​ອົບຮົມ​ການເມືອງ-ແນວ​ຄິດ ໃຫ້​ພະນັກງານ​ສະມາຊິກ​ພັກ-ນັກຮົບ ເຊື່ອມ​ຊຶມ​ກຳ​ແໜ້ນ​ແຜນ​ນະໂຍບາຍ​ຂອງ​ພັກ, ກົດ​ລະບຽບ​ ຂອງ​ພັກ-ລັດ ເປັນຕົ້ນ​ແມ່ນ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ, ຖື​ເອົາ 5 ຫຼັກການ 3 ທິດ​ນຳ​ຂອງ​ພັກ​ເປັນ​ໄມ້​ຫຼາ​ວັດແທກ​ຄຸນ​ທາດ​ການເມືອງ​ໂດຍ​ປິ່ນ​ອ້ອມ 4 ໜ້າທີ່​ໃຫຍ່ 26 ແຜນ​ງານ​ທີ່​ຄະນະ​ພັກ​ກະຊວງ​ປ້ອງ​ກັນ​ປະເທດ​ວາງ​ອອກ ຕິດ​ພັນ​ກັບ​ການ​ເປີດ​ບັ້ນ​ດຳເນີນ​ຊີວິດ​ການເມືອງ​ພາຍ​ໃນ​ໜ່ວຍ​ພັກ ເຮັດ​ໃຫ້​ພະນັກງານ-ສະມາຊິກ​ພັກ ​ມີ​ທັດສະນະ​ຫຼັກ​ໝັ້ນ​ຊົນ​ຊັ້ນ, ຈົງ​ຮັກ​ພັກດີ​ຕໍ່​ພັກ-ຕໍ່​ປະເທດ​ຊາດ, ເດັດດ່ຽວ​ໜ້ຽວ​ແໜ້ນ​ຕໍ່​ອຸດົມ​ການ​ສັງຄົມ​ນິຍົມ, ຮູ້​ປ້ອງ​ກັນ​ພັກ, ປ້ອງ​ກັນ​ການຈັດຕັ້ງ ແລະ ຕົນ​ເອງ. ນອກ​ນັ້ນ,​ ຍັງ​ໄດ້​ມີ​ການປັບ ປຸງ​ການຈັດຕັ້ງ​ພັກ​ຄື: ໄດ້​ປະກາດ​ການ​ບົ່ງ​ຕົວ​ແຕ່ງຕັ້ງ​ປ່ຽນ​ແທນ​ເລຂາ​ໜ່ວຍ​ພັກ 1 ສະຫາຍ, ປັບ ປຸງ​ສັບຊ້ອນ​ການຈັດຕັ້ງ​ຂັ້ນ​ຈຸ​ພັກ 1 ຄັ້ງ, ແຕ່ງຕັ້ງ​ຮອງ​ຫົວໜ້າຈຸ​ພັກ 3 ສະຫາຍ ພ້ອມ​ນັ້ນ​, ຍັງ​ໄດ້​ຕີ​ລາຄາ​ແບ່ງ​ປະເພດ​ຄຸນ​ທາດ​ການເມືອງ ​ຂອງ​ສະມາຊິກ​ພັກ​ໄດ້​ດັ່ງນີ້: ສະມາຊິກ​ພັກ​ແຂງ 61 ສະຫາຍ, ຍິງ 19 ສະຫາຍ, ກາງ 1 ສະຫາຍ, ໄດ້​ສະເໜີ​ຄະນະ​ພັກ​ຂັ້ນ​ເທິງ​ອອກ​ບັດ​ໃຫ້​ສະມາຊິກ​ພັກ​ທີ່​ໄດ້​ມາດຖານ​ຈຳນວນ 27 ສະຫາຍ, ຂະຫຍາຍ​ມະຫາຊົນ​ກ້າວໜ້າ​ເຂົ້າ​ເປັນ​ສະມາຊິກພັກ​ ໄດ້ 15 ສະຫາຍ, ຍິງ 7 ສະຫາຍ ແລະ ເລື່ອນສະມາຊິກພັກ​ສຳຮອງ ຂຶ້ນສົມບູນ​ ໄດ້ 8 ສະຫາຍ, ຍິງ 3 ສະຫາຍ, ໄດ້​ຮັບຮອງ​ເປັນ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ 4 ສະໄໝ​ຕິດຕໍ່​ກັນ; ນອກ​ນັ້ນ, ​ຍັງ​ໄດ້​ສຸມ​ໃສ່​ການ​ກໍ່ສ້າງ​ພະນັກງານ​ໃຫ້​ມີ​ຄວາມ​ຮູ້ ຄວາມ​ສາມາດ ເຊິ່ງ​ໄດ້​ຄັດ​ເລືອກ ແລະ ຈັດ​ສົ່ງ​ພະນັກງານ-ນັກຮົບ ໄປ​ສຶກ​ສາ​ກໍ່ສ້າງ​ທັງ​ພາຍ​ໃນ ແລະ ຕ່າງປະເທດ ທັງ​ໝົດ 23 ສະຫາຍ, ກໍ່ສ້າງ​ນາຍ​ສິບ 7 ສະຫາຍ, ກໍ່ສ້າງນາຍຮ້ອຍ 5 ສະຫາຍ, ບຳລຸງ​ວິຊາສະເພາະ 9 ສະຫາຍ, ກໍ່ສ້າງ​ກັບທ່ີ 20 ສະຫາຍ, ໄດ້​ປັບປຸງ​ລະບົບ​ການ ຈັດຕັ້ງ 5 ຕຳແໜ່ງ ໃນ​ນີ້​, ມີ​ຂັ້ນ​ຮອງ​ຫົວໜ້າ​ພະ​ແນກ 2 ຕຳແໜ່ງ, ຫົວໜ້າ​ຂະແໜງ 3 ຕຳແໜ່ງ, ໄດ້​ ຄົ້ນຄວ້າ​ນຳ​ສະເໜີ​ຂັ້ນ​ເທິງ​ເລື່ອນ ​ຊັ້ນ​ໃຫ້​ພະນັກງານ-ນັກຮົບ ຈຳ ນວນ 39 ສະຫາຍ. ສະຫາຍ ພັນ​ໂທ ຄຳ​ຫຼອຍ ອິນ​ທິ​ອະ​ນົງ​ແກ້ວ ຍັງ​ໃຫ້​ຮູ້​ຕື່ມອີ​ກວ່າ: ໄປ​ຄຽງຄູ່​ກັບ​ວຽກ​ງານ​ກໍ່ສ້າງ​ພັກ-ພະນັກງານ​ ​ຍັງ​ໄດ້​ເອົາໃຈໃສ່​ຕໍ່​ວຽກ​ງານ​ເຮັດ​ໃຫ້​ສະພາບ​ມີ​ຄວາມ​ສະຫງົບ, ຊີ້​ນຳ​ກຳລັງ​ຫັນ​ລົງ​ກໍ່ສ້າງ​ຮາກ​ຖານ​ການເມືອງ ​ຕາມ​ຂອບ​ເຂດ​ກົມ​ກອງ​ຮັບຜິດຊອບ ​ປະສານ​ສົມທົບ​ກັບ​ອຳນາດ​ການ​ປົກຄອງ​ທ້ອງຖິ່ນ​ເຊັ່ນ: ບ້ານ​ໂນນ​ສະອາດ ເມືອງ​ໄຊ​ທານີ, ເຂົ້າ​ຮ່ວມ​ສ່ອງ​ແສງ​ລາຍ​ງານ​ສະພາບ​ນຳ​ກຸ່ມ​ບ້ານທ່າ​ງ່ອນ ເພື່ອ​ເກັບ​ກຳ​ສະພາບ​ການເຄື່ອນໄຫວ​ຂອງ​ກຸ່ມ​ຄົນ​ບໍ່​ດີ​ຕາມ​ຂອບ​ເຂດ​ຮັບຜິດຊອບ​ເປັນ​ປົກກະຕິ ພ້ອມ​ນັ້ນ​, ກໍ​ໄດ້​ຕິດຕາມ​ການເຄື່ອນໄຫວ​ການ​ໄປ-ມາ​ ຂອງ​ພະນັກງານ-ນັກຮົບ​ໃນ​ກົມ​ກອງ ແລະ ສຸມ​ໃສ່​ຈັດ​ຕັ້ງ​ກຳລັງ​ປະຈຳການ​ກຽມພ້ອມ​ສູ້​ຮົບ​ຕະຫຼອດ 24 ຊົ່ວໂມງ, ຕິດຕາມສະພາບ​ດິນ, ຟ້າ ແລະ ອາກາດ ເມື່ອ​ມີ​ສະພາບ​ໄພພິບັດ​ນ້ຳ​ຖົ້ມ ກໍໄດ້​ນຳ​ໃຊ້​ພາຫະນະ ແລະ ກຳລັງ​ເຂົ້າ​ຊ່ວຍ​ປະຊາຊົນ, ເຊິ່ງ​ໄລຍະ​ຜ່ານ​ມາ, ​ໄດ້​ປຸກລະດົມ​ນ້ຳໃຈ​ນຳ ​ພະນັກງານ-ນັກຮົບ ແລະ ບໍລິສັດ, ຫ້າງ​ຮ້ານ ປະກອບ ສ່ວນຊື້​ເຂົ້າສານ, ອາຫານ​ແຫ້ງ, ນ້ຳ​ດື່ມ ຊ່ວຍເຫຼືອ​ຜູ້​ປະສົບ​ໄພນ້ຳ​ ຖ້ວມ​ທີ່​ເມືອງ​ເຊ​ໂປນ ແຂວງ​ສະຫວັນ​ນະ​ເຂດ ເປັນ​ມູນ​ຄ່າ 11.135.000 ກີບ. ດ້ານ​ວຽກ​ງານ​ນະໂຍບາຍ​ໄດ້​ຄົ້ນຄວ້າ​ນຳ​ສະເໜີ​ຂັ້ນ​ເທິງ​ອະນຸມັດ​ໃຫ້​ພະນັກງານ​ທີ່​ຮອດ​ອາຍຸ​ກະສຽນ​ພັກການ ​ຮັບ​ບຳ ນານ​ຈຳນວນ 5 ສະຫາຍ, ຍິງ 1 ສະຫາຍ, ລາ​ພັກ​ປິ່ນປົວ​ສຸຂະພາບ 5 ສະຫາຍ, ສ້າງ​ຄອບຄົວ​ໃໝ່ 15 ຄູ່, ຄົ້ນຄວ້າ​ຍ້ອງຍໍ​ຜົນງານ 70 ປີ​ ຂອງ​ກອງທັບ ໄດ້​ຮັບ​ຫຼຽນ​ໄຊ​ແຮງ​ງານ​ ຊັ້ນ II ຈຳນວນ 1 ສະຫາຍ, ຫຼຽນ​ໄຊ​ແຮງ​ງານ​ ຊັ້ນ III ຈຳນວນ 7 ສະຫາຍ, ຫຼຽນ​ກາ​ແຮງ​ງານ ຈຳນວນ 8 ສະຫາຍ, ໃບ​ຍ້ອງຍໍ​ລັດຖະບານ 7 ສະຫາຍ, ຫຼຽນ​ໄຊ​ພິລະ​ອາດ​ຫານ ​ຊັ້ນ III ຈຳນວນ 9 ສະຫາຍ, ໃບ​ຍ້ອງຍໍ​ກະຊວງ​ປ້ອງ​ກັນ​ປະເທດ 7 ສະຫາຍ, 1 ກົມ​ກອງ, ໃບ​ຍ້ອງຍໍ​ກົມ​ໃຫຍ່​ການເມືອງ​ກອງທັບ 10 ສະຫາຍ ແລະ ຫຼຽນ​ກາ​ລະນຶກ 70 ປີ​ ກອງ ທັບ​ປະຊາຊົນ​ລາວ 23 ສະຫາຍ. ຕໍ່​​ວຽກ​ງານ​ການ​ຄຸ້ມ​ຄອງ​ງົບປະມານ, ລາຍ​ຮັບ-ລາຍ​ຈ່າຍ, ເຄື່ອງ​ອຸປະໂພກ-ບໍລິໂພກ, ນ້ຳມັນ​ເຊື້ອ​ໄຟ ມີ​ຄວາມ​ຮັບປະກັນ​ໃຫ້​ການເຄື່ອນໄຫວ​ໜ້າທີ່​ວຽກ​ງານ ແລະ ເຝິກແອບ​ຮ່ຳຮຽນ​ຕົວ​ຈິງ​ຂອງ​ກົມ​ກອງ​ໃນ​ແຕ່​ລະ​ປີ ໃນ​ນັ້ນ​, ໄດ້​ມີ​ການ​ປັບປຸງ​ກໍ່ສ້າງ​ສະຖານທີ່​ພັກ​ເຊົ່າ​ຕ່າງໆ​ໂດຍ​ສົມທົບ​ງົບປະມານ​ທີ່​ຂັ້ນ​ເທິງ​ສະໜອງ​ໃຫ້ ແລະ ທຶນ​ຮອນ ​ຂອງ​ກົມ​ກອງ​ເຊັ່ນ: ກໍ່ສ້າງ​ຫໍ​ຂ່າວ​ຖາວອນ 1 ຫຼັງ, ເຮືອນນອນ​ໂສດ 1 ຫຼັງ ລວມ​ມູນ​ຄ່າ 261.771.000 ກີບ, ຊີ້​ນຳ​ພະນັກງານ-ນັກຮົບ ​ເອົາໃຈໃສ່​ວຽກ​ງານ​ປູກຝັງ-ລ້ຽງສັດ ເພື່ອ​ສ້າງ​ລາຍ​ຮັບ​ເຂົ້າ​ກົມ​ກອງ ແລະ ບຸກຄົນ ໃນ​ນີ້, ໄດ້​ປູກ​ຜັກ​ຊະນິດ​ຕ່າງໆ​ເກັບ​ກູ້​ໄດ້ 6.865 ກິ​ໂລກ​ຣາມ, ປູກ​ເຫັດ​ນາງ​ລົມ-ເຫັດ​ນາງ​ຟ້າ ເກັບ​ກູ້​ໄດ້ 751 ກິ​ໂລກ​ຣາມ, ລ້ຽງ​ປາ 9.150 ໂຕ, ລ້ຽງ​ເປັດ-ໄກ່ 8.660 ໂຕ, ລ້ຽງ​ກົບ 2.565 ໂຕ, ງົວ 12 ໂຕ, ປູກ​ຕົ້ນໄມ້​ກິນ​ໝາກ ແລະ ໄມ້​ອຸດສາຫະກຳ 400 ຕົ້ນ ສ້າງ​ລາຍ​ຮັບ​ໃຫ້​ກົມ​ກອງ​ໄດ້ 215.263.000 ກີບ. ໂດຍ: ສົມ​ຄິດ ພູມີ​ຈິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ