ກອງທັບປະຊາຊົນລາວ
 
ວັນອາທິດ, ວັນທີ 14 ກໍລະກົດ 2024

  

ກອງພັນ​ໃຫຍ່ 497 ເຜີຍແຜ່​ກົດໝາຍ ວ່າ​ດ້ວຍ ​ການ​ຈະລາຈອນ​ທາງບົກ
ເວລາອອກຂ່າວ: 2024-06-25 09:18:20 | ຜູ້ຂຽນ : admin1 | ຈຳນວນຄົນເຂົ້າຊົມ: 108 | ຄວາມນິຍົມ:



ໃນ​ວັນ​ທີ 13 ມິຖຸນາ 2024, ກອງພັນ​ໃຫຍ່ 497 ໄດ້​ເຜີຍແຜ່​ກົດໝາຍ ວ່າ​ດ້ວຍ ​ການ​ຈະລາຈອນ​ທາງບົກ, ໂດຍ​ການ​ເປັນ​ປະທານ ຂອງ​ສະຫາຍ ພັນ​ໂທ ຄຳ​ສອນ ວອນ​ພະຈັນ ຮອງ​ຫົວໜ້າ​ພະ​ແນກ​ເຕັກນິກ ​ກອງພັນ 497, ມີ​ຄະນະ​ພັກ-ຄະນະ​ບັນຊາ ພະແນກການ, ກອງພັນ, ກອງຮ້ອຍ​ເອກະລາດ ແລະ ພະນັກ ງານ-ນັກຮົບ ເຂົ້າ​ຮ່ວມ. ສະຫາຍ ພັນ​ໂທ ແສງ​ເພັດ ທິບ​ພະ​ວົງ ຫົວໜ້າ​ຂະແໜງ​ຄຸ້ມ​ຄອງ​ລົດ ກອງພັນ​ໃຫຍ່ 497 ໄດ້​ບັນ​ລະ​ຍາຍ​ຄວາມ​ຮູ້​ກ່ຽວ​ກັບ​ກົດ​ລະບຽບ​ການ​ຈະລາຈອນ​ທາງບົກ ເປັນຕົ້ນ​ແມ່ນ​ກົດ​ລະບຽບ​ການ​ສັນຈອນ​ຕາມ​ຖະໜົນຫຼວງ, ຫຼັກການ​ຂັບ​ຂີ່​ດ້ວຍ​ຄວາມ​ປອດ​ໄພ, ບັນດາ​ປ້າຍ​ເຕືອນ, ປ້າຍ​ຫ້າມ, ໄຟ​ອຳນາດ ແລະ ອື່ນໆ. ພ້ອມ​ທັງ, ໄດ້​ຍົກ​ໃຫ້​ເຫັນ​ບັນຫາ​ທີ່​ພາໃຫ້​ເກີດ​ອຸບັດ​ຕິ​ເຫດ ເປັນຕົ້ນ​ແມ່ນ​ຜູ້​ລະເມີດ​ຕໍ່​ກົດ​ລະບຽບ​ການ​ຈະລາຈອນ, ສະພາບ​ເຕັກນິກ​ລົດ​ບໍ່​ຮັບປະກັນ, ການ​ດື່ມ​ສິ່ງ​ມືນ​ເມົາ, ການ​ຂັບ​ຂີ່​ໄວ​ເກີນ​ກຳນົດ, ບໍ່​ໃສ່​ໝວກ​ກັນ​ກະທົບ ແລະ ອື່ນໆ ທັງ​ນີ້, ເພື່ອ​ແນໃສ່​ເຮັດ​ໃຫ້​ນາຍ ແລະ ພົນທະຫານ​ຮັບ​ຮູ້​ເຂົ້າໃຈ​ກຽ່ວ​ກັບ​ກົດ​ລະບຽບ​ຈະລາຈອນ​ຕ່າງໆ​ໃນ​ການ​ຂັບ​ຂີ່ ແລະ ການ​ໃຊ້​ລົດ​ໃຊ້​ຖະໜົນ​ໃຫ້​ມີ​ສະຕິ​ໃນ​ການ​ຂັບ​ຂີ່​ດ້ວຍ​ຄວາມ​ປອດ​ໄພ ເພື່ອ​ຫຼີກ​ລ່ຽງ​ການ​ເກີດ​ອຸບັດ​ຕິ​ເຫດ ເຮັດ​ໃຫ້​ສັງຄົມ​ມີ​ຄວາມ​ສະຫງົບ ແລະ ມີ​ຄວາມ​ເປັນ​ລະບຽບ​ຮຽບ​ຮ້ອຍ. ໂດຍ: ເປີ້ນ ແສງ​ຄຳ​ມີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ