ກອງທັບປະຊາຊົນລາວ
 
ວັນອາທິດ, ວັນທີ 14 ກໍລະກົດ 2024

  

ກອງ​ບັນຊາ​ການ​ທະຫານ​ແຂວງ​ໄຊ​ສົມບູນ ເຜີຍແຜ່ດຳລັດ ວ່າ​ດ້ວຍ​ ກຳລັງ​ສຳຮອງ​ປ້ອງ​ກັນ​ຊາດ
ເວລາອອກຂ່າວ: 2024-06-25 09:25:34 | ຜູ້ຂຽນ : admin1 | ຈຳນວນຄົນເຂົ້າຊົມ: 148 | ຄວາມນິຍົມ:



ໃນ​ວັນ​ທີ 20 ມິຖຸ​ນາ 2024, ກອງ​ບັນຊາ​ການ​ທະຫານ​ແຂວງ​ໄຊ​ສົມບູນ ໄດ້​ເຜີຍແຜ່ດຳລັດ ວ່າ​ດ້ວຍ​ ກຳລັງ​ສຳຮອງ​ປ້ອງ​ກັນ​ຊາດ, ໂດຍ​ການ​ເປັນ​ປະທານ​ ຂອງ​ ສະຫາຍ ພັນ​ເອກ ສຸກ​ສະ​ຫວັດ ດາລາ​ສຸກ ຮອງ​ຫົວໜ້າ​ກົມ​ກຳລັງ​ພົນ ກົມ​ໃຫຍ່​ເສນາ​ທິ​ການ​ກອງທັບ, ມີ​ສະຫາຍ ພັນ​ເອກ ສຸດ​ໃຈ ເຈີ​ບົວ​ແພງ ຫົວໜ້າ​ຫ້ອງ​ການເມືອງ ກອງ​ບັນຊາ​ການ​ທະຫານ​ແຂວງ​ໄຊ​ສົມບູນ, ຄະນະ​ພັກ- ຄະ ນະ​ບັນຊາ ອົງການ 5 ຫ້ອງ, 5 ກອງ​ບັນຊາ​ການ​ທະຫານ​ເມືອງ, ກອງພັນ, ກອງຮ້ອຍ​ເອກະລາດ, ໂຮງຮຽນ, ໂຮງໝໍ ພ້ອມ​ດ້ວຍ ພະນັກງານ​ຫຼັກ​ແຫຼ່ງ ເຂົ້າ​ຮ່ວມ. ເພື່ອ​ກຳນົດ​ຫຼັກການ, ລະບຽບ​ການ ແລະ ມາດ​ຕະການ ກ່ຽວ​ກັບ​ວຽກ​ງານ​ກຳລັງ​ສຳຮອງ​ປ້ອງ​ກັນ​ຊາດ ເພື່ອ​ປະກອບ​ກຳລັງ​ສຳຮອງ​ປ້ອງ​ກັນ​ຊາດ ໃຫ້​ກຳລັງ​ປະຈຳການ​ໃນ​ກອງທັບ ໃນ​ພາວະ​ປົກກະຕິ ຫຼື ສຸກ​ເສີນ ແນໃສ່​ປຸກລະດົມ​ກຳລັງ​ແຮງ​ສັງ​ລວມ ​ຂອງ​ຊາດ, ຍົກ​ສູງ​ຄວາມ​ຮັບຜິດຊອບ​ຂອງ​ການຈັດຕັ້ງ​ທຸກ​ພາກສ່ວນ ແລະ ພົນລະເມືອງ​ລາວ​ທຸກ​ຄົນ ເຂົ້າ​ໃນ​ວຽກ​ງານ​ປ້ອງ​ກັນ​ຊາດ ປະກອບສ່ວນ​ໃນ​ການ​ປົກ​ປັກ​ຮັກສາ ແລະ ພັດທະນາ​ປະເທດ​ຊາດ, ເຊິ່ງ​ດຳລັດ​ສະບັບ​ນີ້ ປະກອບ​ມີ 12 ໝວດ ແລະ 49 ມາດຕາເພື່ອ​ເປັນ​ການ​ໂຄສະນາ​ເຜີຍແຜ່ ໃຫ້​ກຳລັງ​ຫຼວງ-ກຳລັງ​ທ້ອງຖິ່ນ​ໃນ​ຂອບ​ເຂດ​ທົ່ວ​ປະເທດ ເວົ້າ​ລວມ, ເວົ້າ​ສະເພາະ ກໍ​ຄືການ​ເຜີຍແຜ່​ເຊື່ອມ​ຊຶມ​ໃຫ້ນາຍ ແລະ ພົນທະຫານ ທົ່ວ​ກອງ​ບັນຊາ​ການ​ທະຫານ​ແຂວງ​ໄຊ​ສົມບູນ ໄດ້​ຮັບ​ຮູ້​ເຊື່ອມ​ຊຶມ​ກຳ​ແໜ້ນ​ຕໍ່​ແນວທາງ​ນະໂຍບາຍ ​ຂອງ​ພັກ-ລັດ ກໍ​ຄືຂອງ​ກອງທັບ​ວາງ​ອອກ ເພື່ອ​ເປັນບ່ອນ​ອີງ​ໃນ​ການຈັດຕັ້ງ​ຜັນ​ຂະ ຫຍາຍ​ຢູ່​ພາຍ​ໃນ​ກົມ​ກອງ​ຂອງ​ຕົນໃຫ້​ໄດ້​ຮັບ​ຜົນ​ປະໂຫຍດ​ສູງ​ສຸດ. ໂດຍ: ສົດ ນາມ​ໄຕ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ