ກອງທັບປະຊາຊົນລາວ
 
ວັນອາທິດ, ວັນທີ 14 ກໍລະກົດ 2024

  

ບໍ​ລິ​ຄຳ​ໄຊ ຂະຫຍາຍ​ຕາ​ຂ່າຍ​ໄຟຟ້າ ສູ່​ເຂດ​ຫ່າງ​ໄກ​ສອກຫຼີກ
ເວລາອອກຂ່າວ: 2024-06-25 10:09:49 | ຜູ້ຂຽນ : admin1 | ຈຳນວນຄົນເຂົ້າຊົມ: 80 | ຄວາມນິຍົມ:



ແຫຼ່ງ​ຂ່າວ​ຈາກ ແຂວງ​ບໍ​ລິ​ຄຳ​ໄຊ ໃຫ້​ຮູ້​ວ່າ: ການ​ຂະຫຍາຍ​ຕາ​ຂ່າຍ​ລະບົບ​ໄຟຟ້າ ອອກ​ສູ່​ຊົນນະບົດ​ເຂດ​ຫ່າງ​ໄກ​ສອກຫຼີກ ຂອງ​ແຂວງ​ບໍ​ລິ​ຄຳ​ໄຊ ສາມາດ​ຕອບ​ສະໜອງ​ການ​ບໍລິການ​ໄຟຟ້າ ໃຫ້​ເມືອງ​ໄດ້ 100%, ບ້ານ​ໄດ້ 100%, ຈຳນວນ​ຄອບຄົວ​ໄດ້​ໃຊ້​ໄຟ​ທັງ​ໝົດ 59.221 ຄົວ​ເຮືອນເທົ່າ 99.3%, ປັດຈຸບັນ​ລະບົບ​ຕາ​ຂ່າຍ​ໄຟຟ້າ 22 ກິ​ໂລ​ໂວນ​ຂະຫຍາຍ​ໄດ້ 1.859 ກິໂລແມັດ, ຕາ ​ຂ່າຍ 0.4 ກິ​ໂລ​ໂວນ​ໄດ້ 1.145 ກິໂລແມັດ ແລະ ໝໍ້​ແປງ​ໄຟຟ້າ​ໄດ້ 1.731 ໜ່ວຍ. ທ່ານ ມະນີ​ວັນ ໄຊ​ຍະ​ເພັດ ຫົວໜ້າ​ພະ​ແນກ​ພະລັງງານ ແລະ ບໍ່​ແຮ່ ແຂວງ​ບໍ​ລິ​ຄຳ​ໄຊ ໄດ້​ລາຍ​ງານ ໃນ​ໂອກາດ​ທີ່​ທ່ານ ໂພ​ໄຊ ໄຊ​ຍະ​ສອນ ລັດຖະມົນຕີ​ກະຊວງ ພະລັງງານ ແລະ ບໍ່​ແຮ່ ລົງ​ເຄື່ອນ​ໄຫວ​ເຮັດ​ວຽກ ແລະ ຢ້ຽມຢາມ​ແຂວງ​ບໍ​ລິ​ຄຳ​ໄຊ ໃນ​ວັນ​ທີ 17 ມິຖຸນາ 2024 ຜ່ານ​ມາ​ວ່າ: ການ ຈັດຕັ້ງ​ປະ​ຕະ​ບັດ​ວຽກ​ງານ​ໃນ​ໄລຍະ​ຜ່ານ​ມາ, ແຂວງ​ບໍ​ລິ​ຄຳ​ໄຊສາມາດ​ຄຸ້ມ​ຄອງ​ບໍລິສັດ​ທີ່​ດຳເນີນ​ກິດຈະການ​ໄຟຟ້າ ແລະ ຢອດ​ສານ​ມາກ​ເກີ​ໄດ້​ອອກ​ໃບ​ອະນຸ ຍາດ​ທັງ​ໝົດ 38 ບໍລິສັດ ໃນ​ນີ້, ແບ່ງ​ເປັນ​ປະ​ຕັງ​ຊັ້ນ 2 ມີ 13ບໍລິສັດ, ປະ​ຕັງ​ຊັ້ນ 3 ມີ 17 ບໍລິສັດ, ບໍລິສັດ​ທີ່​ດຳເນີນ​ກິດຈະການ​ສະເພາະ ມີ 8 ບໍລິສັດ, ພາຍ​ໃນ 6 ເດືອນ​ຕົ້ນ​ປີ 2024 ສາມາດ​ຕໍ່​ໃບ​ອະນຸຍາດ ສຳເລັດ 6 ຫົວໜ່ວຍ. ການ​ຢອດ​ສານ​ມາກ​ເກີ​ຢູ່​ດ່ານ​ສາກົນ​ປາກ​ຊັນ ແລະ ດ່ານ​ສາກົນ​ນ້ຳ​ພາວ ມີ​ລົດ​ບັນທຸກ​ນ້ຳມັນ​ເຂົ້າ​ຜ່ານ​ດ່ານ​ທັງ​ໝົດ 643 ຄັນ, ບໍ​ລິ​ມາດ​ລວມ 27 ລ້ານ​ກວ່າ​ລິດ ໃນ​ນີ້, ນໍ້້​​າ​ມັນ​ກາ​ຊວນ 630 ຄັນ ບໍ​ລິ​ມາດ 26,4 ລ້ານ​ກວ່າ​ລິດ, ນ້ຳມັນ​ແອັດ​ຊັງ​ທຳ​ມະ​ດາ 13 ຄັນ ບໍ​ລິ​ມາດ 589.000 ລິດ ແລະ ນຳ​ໃຊ້​ສານ​ມາກ​ເກີ​ຢອດ​ໃສ່​ນ້ຳມັນ​ທັງ​ໝົດ 1,07 ລ້ານ​ກຣາມ ລວມ​ມູນ​ຄ່າ 2,43 ຕື້​ກີບ ຕິດຕາມ​ໂຄງ ການ​ທີ່​ໄດ້​ເຊັນ MOU, PDA ແລະ ໂຄງການ​ພະລັງງານ​ທົດ​ແທນ ເຊິ່ງ​ປັດຈຸບັນ​ພວມ​ເລັ່ງ​ໃສ່​ໂຄງການ​ໄຟຟ້າ​ພະລັງງານ​ລົມ​ເຈືອງ​ເຊີນ ຂອງ​ບໍລິສັດ​ຮຸ້ນ​ສ່ວນ​ ລົງທຶນ ແລະ ພັດທະນາ​ພະລັງງານ​ຫວຽດ-ລາວ ຄາດ​ຄະເນ​ກຳລັງ​ຕິດ​ຕັ້ງ 600 ເມ​ກາ​ວັດ ການ​ນຳ​ໃຊ້​ທຶນ​ພັດທະນາ​ຊຸມ​ຊົນ​ພາຍ​ໃນ​ແຂວງ ໄດ້​ປະຕິບັດ​ການ​ນຳ​ໃຊ້​ທຶນ​ພັດທະນາ​ຊຸມ​ຊົນ ທີ່​ໄດ້​ລະບຸ​ໃນ​ສັນຍາ​ສຳ​ປະທານ​ໂຄງການ​ມີ 3 ໂຄງການ​ຄື: ໂຄງການ​ເຂື່ອນ​ໄຟຟ້າ​ນ້ຳ​ເທີນ 1, ໂຄງການ​ເຂື່ອນ​ໄຟຟ້າ​ນ້ຳ​ງຽບ 1 ແລະ ໂຄງການ​ເຂື່ອນ​ໄຟຟ້າ​ນ້ຳ​ມັງ 1 ເຊິ່ງ​ການ​ນຳ​ໃຊ້​ທຶນ​ດັ່ງກ່າວ ອຳນາດ​ການ​ ປົກຄອງ​ແຂວງ​ໄດ້​ແຕ່ງຕັ້ງ​ຄະນະ​ກຳມະການ ເພື່ອ​ເຮັດ​ວຽກ​ຮ່ວມ​ກັບ​ແຕ່​ລະ​ບໍລິສັດ ເຊິ່ງ​ໃນ 6 ເດືອນ​ຕົ້ນ​ປີ​ສາມາດ​ຈັດ​ຕັ້ງ​ປະຕິບັດ​ການ​ຊຳລະ​ຈຳນວນ 5 ກິດຈະກຳ ລວມ​ມູນ​ຄ່າ​ການ​ຊຳລະ 7,21 ຕື້​ກີບ ຍັງ​ຄ້າງ​ຊຳລະ​ໃຫ້​ຜູ້​ຮັບ​ເໝົາ​ຕາມ​ສັນຍາ​ກໍ່ສ້າງ 30,87 ຕື້​ກີບ. ຜ່ານ​ການຈັດຕັ້ງ​ປະຕິບັດ​ມາ​ຖື​ວ່າ​ເປັນ​ແຫຼ່ງ​ທຶນ​ໜຶ່ງ ທີ່​ມີ​ຄວາມ​ສຳຄັນ​ໃນ​ການ​ຊ່ວຍ​ເຮັດ​ໃຫ້​ພື້ນຖານ​ໂຄງ​ລ່າງ​ບ້ານ, ເມືອງ ແລະ ແຂວງ ມີ​ການ​ພັດທະນາ​ທີ່​ດີ​ຂຶ້ນ; ການ​ຜະລິດ (ຊື້) ແລະ ຈຳໜ່າຍ​ກະແສ​ໄຟຟ້າ​ປະຈຳ 6 ເດືອນ​ຕົ້ນ​ປີ 2024 ການ​ຜະລິດ ( ຊື້ ) ກະແສ​ໄຟຟ້າ​ຮັບ​ໃຊ້​ພາຍ​ໃນ​ແຂວງ ປະຕິບັດ​ໄດ້ 125.668 ລ້ານ​ກິ​ໂລ​ວັດ​ໂມງ ເທົ່າ​ກັບ 69,87 ຕື້​ກີບ, ສົມ​ທຽບໃສ່​ແຜນ​ປີ 56%, ການ​ຈຳ​ໜາຍ​ກະແສ​ໄຟຟ້າ​ໃຫ້​ລູກ​ຄ້າ ປະຕິບັດ​ໄດ້ 113,34 ລ້ານ​ກິ​ໂລ​ວັດ​ໂມງ ເທົ່າ​ກັບ 70,04 ຕື້​ກີບ, ສົມ​ທຽບໃສ່​ແຜນ​ປີ 59%. ທ່ານ ມະນີ​ວັນ ໄຊ​ຍະ​ເພັດ ໃຫ້​ຮູ້​ຕື່ມ​ວ່າ: ສຳລັບ​ການ​ຕິດຕາມ​ບັນດາ​ກິດຈະການ​ຊອກ​ຄົ້ນ-ສຳ​ຫຼວດ​ແຮ່​ທາດ ຢູ່​ພາຍ​ໃນ​ແຂວງ ລວມ​ທັງ​ໝົດ ມີ 10 ບໍລິສັດ ມີ​ເນື້ອທີ່ 171.739 ເຮັກຕາ, ຊອກ​ຄົ້ນ 28 ເຮັກຕາ, ສຳ​ຫຼວດ​ແຮ່​ທາດ 143.7 ເຮັກຕາ ໃນ​ນີ້​ຂັ້ນ​ສູນ​ກາງ​ອະນຸຍາດ 5 ບໍລິສັດ ເນື້ອທີ່​ທັງ​ໝົດ 171.71 ເຮັກຕາ, ຊອກ​ຄົ້ນ 27.98 ເຮັກຕາ, ສຳ​ຫຼວດ​ແຮ່​ທາດ 143.72 ເຮັກຕາ, ຂັ້ນ​ແຂວງ​ອະນຸມັດ 5 ບໍລິສັດ ມີ​ເນື້ອທີ່​ຊອກ​ຄົ້ນ-ສຳ​ຫຼວດ​ແຮ່​ທາດ​ທັງ​ໝົດ 24 ເຮັກຕາ, ຊອກ​ຄົ້ນ 16 ເຮັກຕາ ສຳ​ຫຼວດ​ແຮ່​ທາດ 8 ເຮັກຕາ, ປີ 2023 ໄດ້​ສົມທົບ​ກັບ​ພາກສ່ວນ​ກ່ຽວຂ້ອງ​ຂອງ​ແຂວງ ປະ​ເມີນ​ການ​ລົງທຶນ​ທາງ​ດ້ານ​ແຮ່​ທາດ​ພາຍ​ໃນ​ແຂວງ 45 ໂຄງການ ການ​ຫຼອມ​ໂລຫະ​ຄຳ​ປະສົມ ບໍລິສັດ​ກາ​ວີ​ໂກ​ລາວ ບໍ່​ແຮ່​ຈຳກັດ ສາມາດ​ຂຸດ​ຄົ້ນ​ແຮ່​ນີ​ແກນ​ໄດ້ 22.302 ກວ່າ​ໂຕນ, ຂຸດ​ຄົ້ນ​ແຮ່​ເຫຼັກ​ໄດ້ 131.299 ໂຕນ, ເກັບ​ຕົວ​ແບບ ແລະ ວິໄຈ ແຮ່​ຄຳ​ໄດ້ 218 ຕົວ​ແບບ, ວິໄຈ​ແຮ່​ເຫຼັກ 279 ຕົວ​ແບບ, ວິໄຈ​ແຮ່​ນີ​ແກນ 536 ຕົວ​ແບບ; ບໍລິສັດ ທ້າຍ​ຊານ​ມິງ​ຈິນ​ມາຍ​ນິງ ຈຳກັດ ໄດ້​ຫັນປ່ຽນ​ຈາກ​ການ​ຂຸດ​ຄົ້ນ​ແຮ່​ຄຳ​ເຄົ້າ​ແບບ​ທົດ​ລອງ ມາ​ເປັນ​ຮູບ​ແບບ​ປົກກະຕິ​ແລ້ວ ສາມາດ​ປຸງ​ແຕ່ງ​ແຮ່​ເຄິ່ງ​ຜະລິດ​ຕະ​ພັນ​ເປັນ​ຄຳ​ນ້ຳ​ບາ ໄດ້​ແຮ່​ຄຳ 9.590 ກວ່າ​ກຣາມ ເປີເຊັນ​ຂອງ​ແຮ່​ຄຳ 40-45% ແລະ​ສາມາດ​ສະກັດ​ເປັນ​ຄຳ​ໄດ້ 5.667 ກຣາມ, ບໍລິສັດ​ບໍ່​ຄຳ-ຄຳ​ເກີດ​ແສນ​ອຸດົມ ສາມາດ​ຂຸດ​ຄົ້ນ​ແຮ່ ຈຳນວນ 638.038 ໂຕນ ໃນ​ນີ້​ມີຄ່າ​ສະເລ່ຍ​ຂອງ​ແຮ່​ຄຳ 7,88 ກຣາມ/ໂຕນ, ດິນ​ເຟືອຍ​ທັງ​ໝົດ 70.988 ໂຕນ ໃນ​ນັ້ນ​ມີຄ່າ​ສະເລ່ຍ​ຂອງ​ແຮ່​ຄຳ 3,29 ກຣາມ/ໂຕນ ການ​ສົ່ງ​ອອກ ແລະ ຈຳໜ່າຍ​ແຮ່​ເຫຼັກ​ໄດ້ 245.819 ໂຕນ. ບໍລິສັດ ແຮ່​ເຫຼັກ​ໂກ​ເອ​ໂກ່​ຈຳກັດ ສົ່ງ​ອອກ​ດ່ານ​ນ້ຳ​ພາວ 91.502 ໂຕນ, ດ່ານ​ນາ​ເພົ້າ 45.916 ໂຕນ, ສົ່ງ​ໄປ​ນະຄອນຫຼວງ​ວຽງ​ຈັນ ໄດ້ 75.650 ໂຕນ ແລະ ບໍລິສັດ​ກາ​ວີ​ໂກ ລາວ​ບໍ່​ແຮ່ ຈຳກັດ ສາມາດ​ສົ່ງ​ອອກ​ແຮ່​ເຫຼັກ​ໄດ້ 32.750 ໂຕນ ສົ່ງ​ອອກ​ດ່ານ​ນ້ຳ​ພາວ. ຂ່າວ-ພາບ: ວຽງ​ສະຫວັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ