ວັນເສົາ, ວັນທີ 18 ມັງກອນ 2025
ໜ່ວຍພັກ ກອງຮ້ອຍທະຫານຊາຍແດນ 122 ສຳເລັດກອງປະຊຸມໃຫຍ່ ຂອງໜ່ວຍພັກ ຄັ້ງທີ III
ເວລາອອກຂ່າວ: 2024-07-18 09:01:48 | ຜູ້ຂຽນ : admin1 | ຈຳນວນຄົນເຂົ້າຊົມ: 576 | ຄວາມນິຍົມ: 
ກອງປະຊຸມໃຫຍ່ສະມາຊິກພັກ ຄັ້ງທີ III ຂອງໜ່ວຍພັກ ກອງຮ້ອຍທະຫາຍຊາຍແດນ 122 ແຂວງ ບໍ່ແກ້ວໄດ້ຈັດຂຶ້ນໃນວັນທີ 11 ກໍລະກົດ 2024 ນີ້, ໂດຍການເປັນປະທານ ຂອງສະຫາຍ ພັນໂທ ຈັນເພັງ ໄມທະວົງ ຄະນະພັກຮາກຖານ ຮອງຫົວໜ້າຫ້ອງເສນາທິການທະຫານແຂວງບໍ່ແກ້ວ, ມີຄະນະໜ່ວຍພັກ, ແຂກຖືກເຊີນ ຕະຫຼອດຮອດພະນັກງານສະມາຊິກພັກ ເຂົ້າຮ່ວມ.
ສະຫາຍ ຮ້ອຍເອກ ຄຳທອງ ວິໄລພອນ ຄະນະກວດກາໜ່ວຍພັກ ຮອງຫົວໜ້າການ ທະຫານກອງຮ້ອຍທະຫານຊາຍແດນ 122 ໄດ້ຜ່ານບົດລາຍງານການເມືອງທັງສອງພາກ ໂດຍສັງເກດຕີລາຄາ ໝາກຜົນແຫ່ງການເຄື່ອນໄຫວຊີ້ນຳນຳພາວຽກງານຮອບດ້ານຂອງຄະນະໜ່ວຍພັກ ໃນໄລຍະ 5 ປີ ຜ່ານມາ ຄະນະໜ່ວຍພັກ ໄດ້ເອົາໃຈໃສ່ເຮັດວຽກງານສຶກສາອົບຮົມການເມືອງນຳພາແນວຄິດເປັນສຳຄັນ ແລະ ດຳເນີນຫຼາຍຮູບການດ້ວຍການນຳເອົາແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມະຕິ, ຄຳສັ່ງ, ປະຫວັດມູນເຊື້ອຂອງຊາດ ຂອງພັກ, ຂອງກອງທັບ ເປັນເນື້ອໃນສຶກສາອົບຮົມຢ່າງຕໍ່ເນື່ອງ ເຮັດໃຫ້ພະນັກ
ງານສະມາຊິກພັກນັກຮົບ ມີຄວາມໜັກແໜ້ນ ດ້ານການເມືອງ-ແນວຄິດ ແລະ ເຂັ້ມແຂງດ້ານການຈັດຕັ້ງ, ມີຄວາມຈົງຮັກພັກດີຕໍ່ພັກ, ຫ້າວຫັນຕໍ່ໜ້າທີ່ການເມືອງ ທີ່ໄດ້ຮັບການມອບໝາຍ. ຈາກນັ້ນ, ບັນດາຜູ້ແທນກອງປະຊຸມ ກໍຜັດປ່ຽນກັນປະກອບຄຳຄິດເຫັນ ເພື່ອເຮັດໃຫ້ບົດສະຫຼຸບ ມີເນື້ອໃນຄົບຖ້ວນສົມ
ບູນ ແລະ ຮັບຮອງເອົາທິດທາງແຜນການ 5 ປີ ໃນຕໍ່ໜ້າ.
ຈາກນັ້ນ, ກໍໄດ້ດຳເນີນການປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ໄດ້ຕາມລະດັບຄາດໝາຍ.
ໂດຍ: ພາກ ສຸທິປັນຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
