ວັນສຸກ, ວັນທີ 07 ກຸມພາ 2025
ກອງພັນໃຫຍ່ 941 ທາບທາມບຸກຄະລາກອນ ສະໝັກເລືອກຕັ້ງ ຄະນະພັກ ສະໄໝທີ VI ຮອບທີ 3
ເວລາອອກຂ່າວ: 2024-07-19 08:31:17 | ຜູ້ຂຽນ : admin1 | ຈຳນວນຄົນເຂົ້າຊົມ: 481 | ຄວາມນິຍົມ: 
ວັນທີ 12 ກໍລະກົດ 2024, ກອງພັນໃຫຍ່ 941 ໄດ້ຈັດຕັ້ງທາບທາມບຸກຄະລາກອນ ສະໝັກເລືອກຕັ້ງເຂົ້າເປັນຄະນະພັກ ກອງ ພັນໃຫຍ່ 941 ສະໄໝທີ VI ຮອບທີ 3, ໂດຍການເປັນປະທານຂອງ ສະຫາຍ ພົນຈັດຕະວາ ແສງມະນີວອນ ຄຳມະນີ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີ ສະຫາຍ ພັນເອກ ພູໂຂງ ມະໂນລາ ເລຂາຄະນະພັກ, ຫົວໜ້າການເມືອງ ກອງພັນໃຫຍ່ 941, ຄະນະວິຊາການຈາກ ກົມຈັດຕັ້ງພັກ ແລະ ບັນດາຜູ້ແທນສະມາຊິກພັກສົມບູນ-ສຳຮອງ ເຂົ້າຮ່ວມ.
ສະຫາຍ ພັນເອກ ພັນສອນ ຄຳຜິວ ຮອງເລຂາຄະນະພັກ, ຫົວໜ້າການທະຫານ ກອງພັນໃຫຍ່ 941 ໄດ້ຜ່ານຮ່າງສຳຫຼວດການນຳພາລວມຂອງຄະນະພັກ ກອງພັນໃຫຍ່ 941 ໄດ້ອອກແຮງແຂ່ງຂັນກັນສ້າງຜົນງານ ແລະ ຂະບວນ
ການດ້ານຕ່າງໆ ໃຫ້ມີຜົນສຳເລັດອັນຈົບງາມ ແລະ ສາມາດໝູນໃຊ້ເຂົ້າໃນການດຳລົງຊີວິດຕົວຈິງ. ກອງປະຊຸມຍັງໄດ້ມີການປະກອບຄຳຄິດເຫັນໃສ່ຮ່າງບົດລາຍງານການເມືອງທັງສອງພາກ ແລະ ບົດສຳຫຼວດການນຳພາລວມຂອງຄະນະພັກ ກອງພັນໃຫຍ່ 941.
ກອງປະຊຸມໄດ້ປະຕິບັດຕາມຄຳສັ່ງແນະນຳຂອງຄະນະປະຈຳພັກກະຊວງປ້ອງກັນປະເທດ ແລະ ຄຳສັງແນະນຳຂອງກົມໃຫຍ່ການເມືອງກອງທັບ ວ່າດ້ວຍ ການກະກຽມ ແລະ ຈັດຕັ້ງດຳເນີນກອງປະຊຸມໃຫຍ່ໃນແຕ່ລະຂັ້ນຂອງພັກໃນທົ່ວກອງທັບ. ກອງປະຊຸມ ໄດ້ໃຊ້ສິດປ່ອນບັດທາບທາມເພື່ອເລືອກເຟັ້ນເອົາບຸກຄະລາກອນລົງສະໝັກເຂົ້າເປັນຄະນະບໍລິຫານງານພັກ ກອງພັນໃຫຍ່ 941 ສະ
ໄໝທີ VI ຮອບທີ 3 ມີຜູ້ເຂົ້າຮ່ວມຮັບສະໝັກທັງໝົດ 119 ສະ ຫາຍ, ຍິງ 6 ສະຫາຍ ແລະ ໃຊ້ສິດປ່ອນບັດທາບທາມຂອງຜູ້ສະໝັກເລືອກຕັ້ງເຂົ້າເປັນຄະນະປະຈຳພັກ, ເລຂາ, ຮອງເລຂາ, ປະທານ ແລະ ຮອງປະທານກວດກາພັກ ສະໄໝທີ VI ຮອບທີ 2 ໃຫ້ຖືກຕ້ອງຕາມມາດຖານເງື່ອນໄຂທີ່ຂັ້ນເທິງກຳນົດ.
ໂດຍ: ຂັນທະວີ ແກ້ວກາໃຈ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
