POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ກັນຍາ 2024

ຄະນະພັກຮາກຖານ ຫ້ອງການ ແລະ ບໍລິຫານ ທະຫານແຂວງບໍລິຄຳໄຊ ສຳເລັດກອງປະຊຸມໃຫຍ່ ສະມາຊິກພັກ ຄັ້ງທີ IIl
ເວລາອອກຂ່າວ: 2024-07-31 10:33:11 | ຜູ້ຂຽນ : admin1 | ຈຳນວນຄົນເຂົ້າຊົມ: 398 | ຄວາມນິຍົມ:

ຄະນະພັກຮາກຖານ ຫ້ອງ ການ ແລະ ບໍລິຫານກອງບັນຊາ ການທະຫານແຂວງບໍລິຄຳໄຊ ໄດ້ ສຳເລັດກອງປະຊຸມໃຫຍ່ສະມາ ຊິກພັກ ຄັ້ງທີ IIl, ໂດຍການເປັນ ປະທານຂອງ ສະຫາຍ ພັນເອກ ຄຳແພນ ວິລື້ທຳ ກຳມະການຄະ ນະພັກແຂວງ, ຮອງເລຂາຄະນະພັກ, ຫົວໜ້າການທະຫານ ກອງບັນຊາການທະຫານແຂວງບໍລິຄຳໄຊ, ມີຄະນະພັກຮາກຖານ, ຄະ ນະໜ່ວຍພັກ ແລະ ສະມາຊິກພັກ ສົມບູນ-ສຳຮອງເຂົ້າຮ່ວມ, ເຊິ່ງກອງປະຊຸມດັ່ງກ່າວ ໄດ້ຈັດຂຶ້ນໃນບໍ່ດົນຜ່ານມານີ້. ສະຫາຍ ພັນໂທ ບຸນຍັງ ລໍສິມມາ ກຳມະການຄະນະພັກ ກອງບັນຊາການ, ເລຂາຄະນະ ພັກຮາກຖານ, ຫົວໜ້າຫ້ອງການ ແລະ ບໍລິຫານ ກອງບັນຊາການທະຫານແຂວງບໍລິຄຳໄຊ ໃຫ້ຮູ້ວ່າ: ໃນໄລຍະ 5 ປີຜ່ານມາ, ຄະນະພັກຮາກຖານ ຫ້ອງການ ແລະ ບໍລິຫານ ໄດ້ສຸມໃສ່ວຽກງານສຶກສາອົບຮົມການເມືອງ-ນຳພາແນວຄິດເປັນບັນຫາສຳຄັນ ເຮັດໃຫ້ພະນັກງານ-ສະມາຊິກພັກເປັນແບບຢ່າງນຳໜ້າທຸກຂົງເຂດວຽກງານລວມຂອງກົມກອງ ຕິດພັນກັບ 5 ຫຼັກການ 3 ທິດນຳຂອງພັກ ໃນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ປັດຈຸບັນຄະນະພັກຮາກຖານ ຫ້ອງການ ແລະ ບໍລິ ຫານ ປະກອບມີ 3 ໜ່ວຍພັກຂຶ້ນກັບ, ມີສະມາຊິກພັກທັງໝົດ 48 ສະຫາຍ, ຍິງ 19 ສະຫາຍ, ສະມະຊິກພັກສົມບູນ 46 ສະ ຫາຍ, ສຳຮອງ 2 ສະຫາຍ, ຍິງ 1 ສະຫາຍ ແລະ ຮັກສາໄດ້ນາມ ມະຍົດໜ່ວຍພັກ ປອດໃສ ເຂັ້ມ ແຂງ ໜັກແໜ້ນ 4 ສະໄໝຕິດຕໍ່ ກັນ; ວຽກງານກໍ່ສ້າງພັກ ໄດ້ຂະ ຫຍາຍມະຫາຊົນກ້າວໜ້າເຂົ້າ ເປັນສະມາຊິກພັກ ໄດ້ 16 ສະ ຫາຍ ແລະ ສຶບຕໍ່ຕິດຕາມຊຸກຍູ້ຊາວໜຸ່ມ-ແມ່ຍິງ ຜູ້ທີ່ມີເງື່ອນໄຂຂະຫຍາຍໃໝ່ ພ້ອມທັງເປິດຮຽນ ສະໜັບສະໜູນ ແລະ ຮຽນກົດລະບຽບຂອງພັກປະຊາຊົນປະຕິ ວັດລາວ ນອກນັ້ນ, ຍັງໄດ້ເອົາໃຈ ໃສ່ນຳພາ-ຊີ້ນຳ ໜ່ວຍພັກທີ່ຂຶ້ນກັບສຸມໃສ່ສ້າງພະນັກງານຂັ້ນ ນຳພາ-ບັນຊາແຕ່ລະຂະແໜງ ການ ໃຫ້ແຖດເໝາະກັບຄວາມຮູ້ຄວາມສາມາດ ແລະ ວິຊາສະ ເພາະທີ່ຮຽນມາ, ສ້າງໄດ້ພະນັກ ງານ 3 ຮຸ່ນສືບທອດປ່ຽນແທນ. ນອກນັ້ນ, ຍັງໄດ້ຫັນເອົາພະ ນັກງານລົງກໍ່ສ້າງຮາກຖານການ ເມືອງພັດທະນາຊົນນະບົດຮອບ ດ້ານຕາມ 4 ເນື້ອໃນ 4 ຄາດ ໝາຍ ຮັບປະກັນເຮັດໃຫ້ສະພາບມີຄວາມສະຫງົບໂດຍພື້ນຖານ ປະສານສົມທົບກັບ ກຳລັງຫຼວງ-ກຳລັງປ້ອງກັນຄວາມສະຫງົບແຂວງ, ອຳນາດການປົກຄອງທ້ອງຖິ່ນຂັ້ນຕ່າງໆ ເພື່ອແກ້ໄຂຄວາມບໍ່ສະຫງົບ, ຂົງເຂດວຽກງານວິຊາສະເພາະ ໄດ້ເປັນເສນາທິການໃຫ້ຄະນະພັກ-ຄະນະບັນ ຊາ ກອງບັນຊາການທະຫານແຂວງ ກ່ຽວກັບວຽກງານຄົ້ນຄວ້າ -ສັງລວມເອກະສານ ແລະ ສ້າງແຜນການຕ່າງໆ, ໄດ້ເອົາໃຈໃສ່ຊີ້ນຳພະນັກງານ-ນັກຮົບ ຍົກສູງນ້ຳໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ເພີ່ມພູນຜະລິດຜົນແກ້ໄຂຊີວິດການເປັນຢູ່ ດ້ວຍການປູກຝັງ-ລ້ຽງສັດ ແລະ ການບໍລິ ການອື່ນໆ ຮັບປະກັນເຮັດໃຫ້ກົມກອງມີການພັດທະນາດີຂຶ້ນເປັນກ້າວໆ. ຈາກນັ້ນ, ສະມາຊິກພັກກໍໄດ້ໃຊ້ສິດຂອງຕົນ ປ່ອນບັດຄັດເລືອກເອົາຄະນະພັກຮາກຖານຊຸດໃໝ່ ໄດ້ຕາມຄາດໝາຍ ເຊິ່ງກອງປະຊຸມໄດ້ເຫັນດີເປັນເອກະພາບ ເລືອກເອົາ ສະຫາຍ ພັນໂທ ບຸນຍັງ ລໍສິມມາ ເປັນເລຂາຄະນະພັກຮາກຖານ, ສະຫາຍ ພັນໂທ ສົມລິດ ບານທະວົງ ເປັນຮອງເລຂາ, ສະຫາຍ ພັນໂທ ມອນແກ້ວ ພັນດານຸວົງ ເປັນກຳ ມະການປະທານກວດກາຄະ ນະພັກ, ສະຫາຍ ພັນໂທ ວິໄລ ອຸດົມໄຊ ແລະ ສະຫາຍ ພັນຕີ ສຸກກີ່ ຈິນດາວົງ ເປັນກຳມະການຄະນະພັກຮາກຖານ. ໂດຍ: ສີທອງຈັນທະວົງ

news to day and hot news