ວັນພຸດ, ວັນທີ 11 ກັນຍາ 2024
ກອງປະຊຸມຜູ້ແທນຊາວໜຸ່ມທົ່ວທະຫານແຂວງໄຊຍະບູລີ ຄັ້ງທີ II
ເວລາອອກຂ່າວ: 2024-08-01 09:22:10 | ຜູ້ຂຽນ : admin1 | ຈຳນວນຄົນເຂົ້າຊົມ: 421 | ຄວາມນິຍົມ: 
ກອງປະຊຸມຜູ້ແທນຊາວໝຸ່ມທົ່ວກອງບັນຊາການທະຫານແຂວງໄຊຍະບູລີ ຄັ້ງທີ II ໄດ້ຈັດຂຶ້ນໃນວັນທີ 24 ກໍລະກົດ 2024 ນີ້, ໂດຍການເປັນປະທານ ຂອງສະຫາຍ ພັນເອກ ດາວນ້ອຍ ບຸດບົວທອງ ກຳມະການຄະນະປະຈຳພັກແຂວງ, ເລຂາຄະນະພັກ ຫົວໜ້າການເມືອງ ກອງບັນຊາການທະຫານ ແຂວງໄຊຍະບູລີ, ມີ ສະຫາຍ ບຸນດີ ທໍ່ ຮອງເລຂາຄະນະບໍລິຫານງານຊາວໝຸ່ມແຂວງ, ມີບັນດາສະຫາຍ ຄະນະພັກ-ຄະນະບັນຊາ ອົງການ 5 ຫ້ອງ, ກົມກອງອ້ອມຂ້າງ, ກອງພັນ, ກອງຮ້ອຍທະຫານຊາຍແດນ, ແຂກຖືກເຊີນ, ແລະ ຜູ້ແທນຊາວໝຸ່ມ ເຂົ້າຮ່ວມ.
ສະຫາຍ ພັນຕີ ສຸວັນທອນ ນ້ອຍຜາ ຄະນະບໍລິຫານງານຊາວໝຸ່ມແຂວງ, ຫົວໜ້າພະແນກຊາວໝຸ່ມ ກອງບັນຊາການທະຫານ ແຂວງໄຊຍະບູລີ ໄດ້ຜ່ານບົດລາຍງານການເມືອງທັງສອງພາກ ເພື່ອສະຫຼຸບຕີລາຄາຄືນຜົນສຳເລັດການຈັດຕັ້ງປະຕິບັດໜ້າທີ່ວຽກງານທີ່ປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະ
ນະພັກກະຊວງປ້ອງກັນປະເທດວາງອອກ ໃນໄລຍະ 5 ປີ ຜ່ານມາ ໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ໃຫ້ສະມາຊິກຊາວໜຸ່ມ-ໄວໜຸ່ມ ສອດຫ້ອຍເຂົ້າໃນທຸກຂົງເຂດວຽກງານ, ເອົາໃຈໃສ່ປັບປຸງໂຄງປະກອບການຈັດຕັ້ງຊາວໜຸ່ມແຕ່ລະຂັ້ນ ໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ, ປັບປຸງແບບແຜນວິທີເຮັດວຽກ ຂອງຄະນະບໍລິຫານງານຊາວໜຸ່ມ, ເລຂາໜ່ວຍຊາວໜຸ່ມ, ພ້ອມທັງກຳນົດພາລະບົດບາດ, ສິດ, ໜ້າທີ່ຂອງການຈັດຕັ້ງຊາວໜຸ່ມແຕ່ລະຂັ້ນ ໃຫ້ສາມາດເຄື່ອນໄຫວຕາມພາລະບົດບາດຂອງຕົນ. ຕິດພັນກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ໃນໄລຍະຜ່ານມາ ຄະນະບໍລິຫານງານ ແລະ ໜ່ວຍຮາກຖານຊາວໝຸ່ມ ໄດ້ຮັບທຸງໄຊ ນຳໜ້າ 4 ບຸກ ຈຳນວນ 29 ກົມກອງ, ສະມາຊິກຊາວໜຸ່ມໄດ້ຮັບຫຼຽນກາລະນຶກ 65 ປີ ຂອງຊາວໜຸ່ມປະຊາຊົນປະຕິວັດລາວ 15 ສະຫາຍ, ຮັບການຍ້ອງຍໍຂັ້ນສູນກາງຊາວໜຸ່ມ 830 ສະຫາຍ, ຍ້ອງຍໍຂອງຄະນະບໍລິຫານງານຊາວໜຸ່ມແຂວງ 281 ສະຫາຍ. ນອກນັ້ນ, ຍັງໄດ້ເອົາໃຈໃສ່ນຳພາ-ຊີ້ນຳຄະນະຊາວໜຸ່ມແຕ່ລະຂັ້ນ ເອົາໃຈໃສ່ເພີ່ມພູນຜະລິດຜົນຕາມເງື່ອນໄຂທ່າແຮງບົ່ມຊ້ອນ ຂອງແຕ່ລະກົມກອງ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ຈາກນັ້ນ, ຜູ້ແທນກອງປະຊຸມ ໄດ້ຜັດປ່ຽນກັນປະກອບຄຳເຫັນໃສ່ບົດລາຍງານການເມືອງທັງສອງພາກຢ່າງກົງໄປກົງມາ ແລະ ຈັດຕັ້ງມອບທຸງໄຊນຳໜ້າ 4 ບຸກ ໃຫ້ແຕ່ລະໜ່ວຍຊາວໜຸ່ມ ທີ່ໄດ້ຮັບນາມມະຍົດຢ່າງສົມກຽດ ຕື່ມອີກ.
ໂດຍ: ສົມຈີນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
