ວັນພະຫັດ, ວັນທີ 12 ກັນຍາ 2024
ຄະນະອໍານວຍການ ວປກ ອວຍພອນຄະນະຊ່ຽວຊານສອນພາສາ ຈີນ ໃນໂອກາດວັນສ້າງຕັ້ງກອງທັບປົດປ່ອຍປະຊາຊົນຈີນ ຄົບຮອບ 97 ປີ
ເວລາອອກຂ່າວ: 2024-08-01 11:46:14 | ຜູ້ຂຽນ : admin2 | ຈຳນວນຄົນເຂົ້າຊົມ: 651 | ຄວາມນິຍົມ: 
ວັນທີ 30 ກໍລະກົດ 2024, ສະຫາຍ ພົນຈັດຕະວາ ປອ ສົງກາ ບຸນຄຸນ ຮອງຫົວໜ້າການທະຫານ, ຫົວໜ້າກົມອົບຮົມ-ກໍ່ສ້າງ ວິທະຍາຄານປ້ອງກັນຊາດ ໄກສອນ ພົມວິຫານ, ພ້ອມຄະນະ ໄດ້ນຳເອົາກະຕ່າຂອງຂວັນ ເຂົ້າອວຍພອນຄະນະຊ່ຽວຊານ ແລະ ຄະນະອາຈານສອນພາສາຈີນປະຈຳ ວປກ ເນື່ອງໃນໂອກາດວັນສ້າງຕັ້ງກອງທັບປົດປ່ອຍປະຊາຊົນຈີນ ຄົບຮອບ 97 ປີ (1 ສິງຫາ 1927-1 ສິງຫາ 2024), ໂດຍການຕ້ອນຮັບຂອງ ສະຫາຍ ພັນເອກ ພິເສດ ຈາງ ເຫວີຍ ຜິງ ຫົວໜ້າຄະນະຍຸດທະສາດ-ຍຸດທະບັ້ນຮົບ ພ້ອມດ້ວຍຄະນະ.
ໂອກາດດັ່ງກ່າວ, ສະຫາຍ ພົນຈັດຕະວາ ປອ ສົງກາບຸນຄຸນ ຕາງໜ້າຄະນະອໍານວຍການວິທະຍາຄານປ້ອງກັນຊາດ ໄກສອນ ພົມວິຫານ ໄດ້ນຳເອົາຄວາມຢ້ຽມຢາມຖາມຂ່າວອັນອົບອຸ່ນ ແລະ ຄຳອວຍພອນໄຊອັນປະເສີດ ມາຍັງຊ່ຽວຊານ ແລະ ອາຈານ ພ້ອມດ້ວຍຄະນະຈົ່ງມີສຸຂະພາບເຂັ້ມແຂງ, ປະສົບຜົນສຳເລັດໃນໜ້າທີ່ອັນມີກຽດຂອງຕົນ. ພ້ອມກັນສືບຕໍ່ເສີມຂະຫຍາຍມູນເຊື້ອຄວາມສາມັກຄີ ແລະ ການຮ່ວມມືລະຫວ່າງສອງຊາດ,ສອງ ກອງທັບ ລາວ-ຈີນ, ຈີນ-ລາວໃຫ້ນັບມື້ນັບແໜ້ນແຟ້ນ, ແຕກດອກອອກຜົນ ແລະ ຈະເລີນງອກງາມຂຶ້ນໄປເລື້ອຍໆ.
ສະຫາຍ ພັນເອກ ພິເສດ ຈາງ ເຫວີຍ ຜິງ ໄດ້ສະແດງຄວາມຂອບໃຈຢ່າງຈິງໃຈຕໍ່ຄະນະນຳ ວປກ ເຊິ່ງໃນໄລຍະຜ່ານມາການພົວພັນຮ່ວມມືວຽກງານດ້ານຕ່າງໆຂອງສອງກອງທັບ ຈີນ-ລາວ ນັບມື້ແຕກດອກອອກຜົນຢ່າງບໍ່ຢຸດຢັັ້ງ ເວົ້າສະເພາະ ວຽກງານການກໍ່ສ້າງພະນັກງານ-ນັກຮົບ ຢູ່ ວປກ ນັບມື້ມີປະສິດທິພາບສູງຂຶ້ນເລື້ອຍໆ.
ໂດຍ: ສາວີວັນ ວົງຄຳຊາວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
